கள்ளக்குறிச்சி தெற்கு மாவட்டக் கழக செயலாளரும், ரிஷிவந்தியம் தொகுதி சட்டமன்ற உறுப்பினருமான வசந்தம் க.கார்த்திகேயன், மாவட்ட ஆட்சித்தலைவர் பத்மஜா அவர்களை, மாவட்ட ஆட்சியர் அலுவலகத்தில் நேரில் சந்தித்து கள்ளக்குறிச்சி நகர மையப் பகுதியிலிருந்து துருகம் சாலை வழியாக அமைக்கப்படும் புதிய ரயில்வே பாதை மற்றும் ரயில்வே மேம்பாலத்திற்காக முன்மொழியப்பட்டுள்ள ரயில்வே மேம்பால திட்டத்தில் பொதுமக்களுக்கு பாதிப்பில்லாத வகையில் மாற்று வடிவமைப்பை ஏற்படுத்துவது தொடர்பாக கோரிக்கை மனுவினை வழங்கினார். இந்த சந்திப்பின்போது தே. மலையரசன் எம்.பி., அழகுவேல் பாபு, திருநாவுக்கரசு, சத்தியமூர்த்தி, தாமோதரன், ராஜவேல், வடிவுக்கரசி, நெடுஞ்செழியன், அண்ணாதுரை உள்ளிட்ட பலர் உடன் இருந்தனர்.