சென்னை, செப்.3–
திராவிட நாயகர் -கழகத் தலைவர் அவர்கள் மேற்கொண்டுள்ள கழக சீரமைப்பு பணிகளுக்கு ஏற்ப தி.மு.க. தகவல் தொழில்நுட்ப அணி தன்னை தகவமைத்துக் கொண்டு, களத்திலும்- சமூக வலைத்தளத்தி லும் முன்னிலும் வேகமாக செயல்படும் என அணிச்செயலாளர் முனைவர் டி.ஆர்.பி.ராஜா அவர்கள் தலைமையில் செப்டம்பர் 1ந் தேதியன்று சென்னை அன்பகம் அரங்கில் நடைபெற்ற மாநிலத் துணை செயலாளர்கள், மாவட்ட ஒருங்கிணைப்பாளர்கள் ஆலோசனைக் கூட்டத்தில் தீர்மானிக்கப்பட்டது. இந்த கூட்டத்தில் அணியின் இணைச்செயலாளர் ஆலோசகர்கள் ஆகியோருடன் சிறப்பு விருந்தினராக மாநிலத் திட்டக்குழு முன்னாள் துணைத் தலைவர் பேராசிரியர் ஜெ.ஜெயரஞ்சன் அவர்கள் கலந்து கொண்டார்.
இக்கூட்டத்தில் பின்வரும் தீர்மானங்கள் நிறை வேற்றப்பட்டன:
1. 75 ஆண்டு காலத்தை கடந்து தமிழ் சமுதாயத்திற்காக பாடுபடுகின்ற சமூக நீதி பேரியக்கமான திராவிட முன்னேற்றக் கழகம் காலத்திற்கு ஏற்ப தன்னை மறுக்கட்டமைப்பு செய்து புதுப்பித்து வருகிறது. தற்போதைய தகவல் தொழில்நுட்ப வளர்ச்சி காலத்திற்கு ஏற்ப கழகத்தில் உரிய சீரமைப்பை மேற்கொண்டுள்ள நம் உயிர்நிகர் கழகத் தலைவர் திராவிட நாயகன் அவர்களுக்கு இந்த கூட்டம் தனது நன்றியையும் வாழ்த்துக்களையும் தெரிவித்து, தலைவர் எடுக்கும் முடிவுகளுக்கு ஏற்ப தகவல் தொழில்நுட்ப அணி தன் பணியை தொடர்ந்து செய்யும் என தீர்மானிக்கப்படுகிறது.
2.ஆட்சியில் இருந்தாலும் இல்லாவிட்டாலும் தமிழ்நாட்டு மக்களின் குரலாக ஒலிக்கின்ற இயக்கமான திராவிட முன்னே ற்றக் கழகத்தின் இளம் தலைவர் அவர்கள் சட்டமன்ற எதிர்க்கட்சித் தலைவராக தன் பணியை சிறப்பாக மேற்கொண்டு, இன் றைய ஆட்சியின் அவலங்களை பேரவையில் தோல் உரித்து காட்டுகிறார். திமுகவின் எதிர்கால நம்பிக்கையான இளம் தலைவர் அவர்களின் சட்டமன்ற செயல் பாடுகள் மற்றும் களச் செயல்பாடுகளுக்கு கழக தகவல் தொழில்நுட்ப அணி தனது நன்றியை தெரிவித்து அவருடைய செயல்பாடுகளுக்கு என்றும் துணை நிற்போம் என்று தீர்மானிக்கிறது.
3. காவிரி டெல்டா விவசாயிகள் தண்ணீர் இன்றி தவித்து வரும் நிலையில் அவர்களுக்காக குரல் கொடுத்த கழகத்தின் இளம் தலைவர் எதிர்க்கட்சித் தலைவர் அவர்களை காழ்ப்புணர்ச்சியுடன் கைது செய்த த.வெ.க. அரசின் சட்டவிரோத நடவடிக்கைக்கு கழகத் தகவல் தொழில்நுட்ப அணி தனது கண்டனத்தை தெரிவிக்கிறது.
4.கழகத் தலைவர் திராவிட நாயகன் அவர்களின் வழிகாட்டுதலில், கழக இளம் தலைவர் அவர்களின் ஒத்துழைப்புடன் கழக தகவல் தொழில்நுட்ப அணி மறு சீரமைப்புக்கு உள்ளாக்கப்பட்டு, முன்னிலும் வேகமாக களத்திலும் தளத்திலும் தனது செயல்பாடுகளை விரிவுபடுத்திகழகத்திற்கு வலிமை சேர்க்கும் பணியில் முழுமையாக அர்ப்பணித்துக் கொள்ளும் என இந்த கூட்டம் தீர்மானிக்கிறது.
5.கழகத் தகவல் தொழில்நுட்ப அணி தொடங்கப்பட்டு கடந்த எட்டு ஆண்டுகளாக மிகச் சிறப்பாக செய லாற்றி வரும் அணியின் மூத்த நிர்வாகிகள் தாய்க் கழகத்தில் உரிய பொறுப்பினை பெறும் வகையில், கழகத் தேர்தலில் போட்டியிடுவதற்கான வாய்ப்பு அமைய வேண்டும் என கழகத் தலைவர் அவர்களுக்கு இந்த கூட்டம் பணிவான வேண்டுகோள் விடுக்கிறது.
6.மாற்றம் என்று சொல்லி வாக்குகளை பெற்று மக்களை ஏமாற்றி, திராவிட மாடல் ஆட்சியில் இந்தியாவின் முதன்மை மாநிலமாக இருந்த தமிழ்நாட்டை பின்னோக்கி இழுத்துச் செல்லும் தவெக அரசுக்கு இந்த கூட்டம் கடுமையான கண்டனத்தை தெரிவிப்பதுடன், த.வெ.க. அரசின் அனைத்து மோசடிகளையும் முழுமையாக அம்பலப்படுத்தி கடைக்கோடி மக்கள் வரை கொண்டு சேர்ப்பது என தகவல் தொழில்நுட்ப அணி தீர்மானிக்கிறது.