தஞ்­சா­வூர், செப். 3–

கும்­ப­கோ­ணம் மாந­க­ராட்சி மாமன்ற கூட்­டத்­தில் தமி­ழக வெற்­றிக் கழ­கம் ஆட்­சி­யில் விலை­வாசி கடு­மை­யாக உயர்ந்­துள்­ளதை கண்­டித்து திமுக துணை மேயர் மற்­றும் மாமன்ற உறுப்­பி­னர்­கள் கொண்டு வந்த கண்­டன தீர்­மா­னத்தை காங்­கி­ரஸ் மேயர் ஏற்­றுக் கொள்­ளா­த­தால் திமுக மாமன்ற உறுப்­பி­னர்­கள் அனைத்து தீர்­மா­னங் ­க­ளை­யும் நிரா­க­ரித்து வெளி­ந­டப்பு செய்­த­னர்.

கும்­ப­கோ­ணம் மாந­க­ராட்சி மன்ற சாதா­ரண கூட்­டம் கும்­ப­கோ­ணம் கோசி.மணி மாமன்ற வளா­கத்­தில் இரா.துரை மாமன்ற கூட்ட அரங்­கில் மேயர் சர­வ­ணன் தலை­மை­யி­லும், துணை மேயர் சு.ப.தமி­ழ­ழ­கன் மற்­றும் ஆணை­யர் சுதா ஆகி­யோர் முன்­னி­லை­ யி­லும் நடை­பெற்­றது.

மாமன்­றத்­தில் 34 தீர்­மா­னங்­கள் முன்­வைக்­கப்­பட்டு கூட்­டம் தொடங்­கி­யது. கூட்­டத்­தில் மாந­க­ராட்சி துணை மேயர் சு.ப.தமி­ழ­ழ­ கன் தூய்மை பணி­யா­ளர்­கள் பேராட்­டத்தை பற்­றி­யும், குப்­பை­களை பொது மக்­கள் தரம் பிரித்து தரு­வது தொடர்­பாக மேய­ரி­ட­மும், ஆணை­ய­ரி­ட­மும் வினா எழுப்­பி­னார்.

அப்­போது குறுக்­கிட்ட த.வெ.க கட்­சியை சார்ந்த உறுப்­பி­னர் ஆதி­லட்­சுமி நேபாள விபத்­தில் உயி­ரி­ழந்­த­வர்­க­ளுக்கு இரங்­கல் தீர்­மா­னம், விபத்­தில் சிக்­கிக் கொண்­ட­வர்­களை பாது­காப்­பாக மீட்டு வர நட­வடிக்கை எடுத்த தமி­ழக அர­சுக்கு நன்றி தெரி­விக்­கும் தீர்­மா­ன­ மும் கொண்டு வந்­தார். இதனை ஏற்­றுக் கொள்­ளாத திமுக மாமன்ற உறுப்­பி­னர்­கள் இரங்­கல் தீர்­மா­னத்தை ஏற்­றுக்­கொள்­வ­தா­க­வும், அதே நேரத்­தில் தமி­ழக அர­சின் செயல்­பாடு திருப்­தி­யாக இல்­லா­த­தால் அதனை நிரா­க­ரிப்­ப­தா­க­வும் தெரி­வித்­த­தால். த.வெ.க. உறுப்­பி­ன­ருக்­கும், தி.மு.க. உறுப்­பி­னர்­க­ளுக்­கும் இடையே கடும் வாக்­கு­வா­தம் ஏற்­பட்­டது. தொடர்ந்து திமுக துணை மேயர் சு.ப.தமி­ழ­ழ­கன் நேபாள விபத்­தில் உயி­ரி­ழந்­த­வர்­க­ளுக்கு இரங்­கல் தீர்­மா­னம் வாசித்து அனை­வ­ரும் எழுந்து நின்று இரண்டு நிமி­டம் மௌன அஞ்­சலி செலுத்­தி­னர்.

அத­னைத் தொடர்ந்து தி.மு.க மாமன்ற உறுப்­பி­னர்­கள் 30-க்கும் மேற்­பட்­டோர் தமி­ழக வெற்­றிக் கழக 100 நாள் ஆட்­சி­யில் அரிசி, பருப்பு, சீனி உள்­ளிட்ட அனைத்து அத்­தி­யா­வ­சிய பொருட்­க­ளும் கடு­மை­யாக விலை உயர்ந்­துள் ­ள­தாக கண்­டித்து கண்­டன தீர்­மா­னம் கொண்டு வந்­த­னர்.

இதற்கு தி.மு.க. மாமன்ற உறுப்­பி­னர்­கள் அனை­வ­ரும் மேடையை தட்டி ஆர­வா­ரம் செய்­த­னர். 45 உறுப்­பி­னர்­கள் கொண்ட மாமன்­றத்­தில் 30க்கும் மேற்­பட்ட தி.மு.க. உறுப்­பி­னர்­கள் மற்­றும் காங்­கி­ரஸ் கட்­சியை சார்ந்த அய்­யப்­பன் என்ற உறுப்­பி­ன­ரும், சி.பி.ஐ.எம். கட்­சியை சார்ந்த உறுப்­பி­னர் செல்­வம் ஆகி­யோர் ஆத­ரவு தெரி­வித்து கொண்­டு­வ­ரப்­பட்ட தீர்­மா­னத்தை மேயர் சர­வ­ணன் ஏற்­கா­மல் இரங்­கல் தீர்­மா­னத்தை ஒரு­ம­ன­தாக நிறை­வே­ற்றி­யா­ தாக அறி­வித்­தார். ஆனால் தமி­ழக அர­சுக்கு எதி­ராக கண்­டன தீர்­மா­னத்தை ஏற்­றுக்­கொள்ள முடி­யாது. அர­சுக்கு எதி­ராக எப்­படி தீர்­மா­னம் நிறை­வேற்ற முடி­யும் என்று கேள்வி எழுப்­பி­னார். அதற்கு பெரும்­பான்­மை­யான உறுப்­பி­னர்­கள் தீர்­மா­னம் கொண்டுவரும் பொழுது அதை நிறை­வேற்­றிக் கொடுக்க வேண்­டி­யது மேய­ரின் பொறுப்பு. மேயர் இதனை செய்­யா­த­தால் இதை கண்­டித்து திமுக மாமன்ற உறுப்­பி­னர்­கள் முழக்­கங்­கள் எழுப்­பி­ய­து­டன் அங்கு கடும் வாக்­கு­வா­தம் செய்­த­னர். இத­னால் பர­ப­ரப்பு நில­வி­யது. கண்­டன தீர்­மா­னத்தை மேயர் ஏற்­றுக்­கொள்­ளா­த­தால் கூட்­டத்­தில் வைக்­கப்­பட்ட 34 தீர்­மா­னங் ­க­ளை­யும் நிரா­க­ரிப்­ப­தாக கூறி தி.மு.க. மாமன்ற உறுப்­பி­னர்­கள் வெளி­ந­டப்பு செய்­த­னர். இந்­நி­லை­யில் மேயர் சர­வ­ணன் கூட்­டம் ஒத்தி­ வைக்­கப்­பட்­ட­தாக அறி­வித்­தார்.

இது குறித்து மாமன்ற உறுப்­பி­னர்­கள் தெரி­வித்­த­தா­வது காங்­கி­ரஸ் கட்சி மேயர் சர­வ­ணன் அவர்­களை தி.மு.க உறுப்­பி­னர்­கள் தான் மேய­ராக தேர்வு செய்­தோம், அதே நேரத்­தில் மாமன்ற விதி­கள்­படி அதி­கப்­ப­டி­யான உறுப்­பி­னர்­கள் ஆத­ரவு தெரி­விக்­கும் தீர்­மா­னம் மட்­டுமே மன்­றத்­தில் நிறை­வேற்­றப் ­ப­டும். ஆனால் காங்­கி­ரஸ் கட்­சி­யின் மேயரோ தன்­னிச்­சை­யாக செயல்­ப­டு­கி­றார். தி.மு.க.உறுப்­பி­னர்­கள் மட்­டும் இல்­லா­மல் த.வெ.க கட்­சி­யின் ஆட்­சி­யில் பங்கு வகிக்­கும் அவ­ரு­டைய காங்­கி­ரஸ் கட்­சியை சேர்ந்த உறுப்­பி­னர் அய்­யப்­பன் மற்­றும் சி.பி.ஐ.எம். கட்­சியை சேர்ந்த செல்­வம் ஆகி­யோ­ரும் விலை­வாசி உயர்­வுக்கு எதி­ரான கண்­டன தீர்­மா­னத்­திற்கு ஆத­ரவு தெரி­வித்த தீர்­மா­னத்தை கூட நிறை­வேற்­றா­மல் ஜன­நா­யக கட­மையை மீறு­வ­தாக குற்­றம் சாட்­டி­னர்.