தென்காசி, செப். 3 –
தென்காசி மாவட்டம் சங்கரன்கோவில் அம்பேத்கர் நகரில் வசித்து வரும் கழகத்தின் மீதும் கழகத் தலைவர் அன்புத் தளபதியார் அவர்கள் மீதும் மிகுந்த பற்றும், தொடர்ந்து கழகத்தின் அனைத்து செயல்பாடுகளுக்கும்,கழக தலைவர் அவர்கள் அறிவிக்கும் அனைத்து உத்தரவுகளுக்கும் உறுதுணையாக இருந்து தொடர்ந்து செயல்பட்டு வரும் கழக மூத்த முன்னோடி சங்கரதாஸ் (வயது 92 ) இவர் சங்கரன்கோவில் ரயில் நிலையத்தில் இருந்து கொண்டு தென்காசி தெற்கு மாவட்ட முன்னாள் செயலாளர் பொ.சிவபத்ம நாதனை கைபேசியில் தொடர்பு கொண்டு சந்திக்க வேண்டும் என்று கேட்டுக்கொண்டுள்ளார்.
அவர்சங்கரன்கோவில் கணபதி மகாலில் கழக முன்னோடி பாலமுருகன் அவர்கள் இல்ல திருமண விழாவில் கலந்து கொள்வதற்காக வந்து கொண்டிருக்கிறேன்.நான் உங்கள் வீட்டிற்கு வருகிறேன் என்று கூறியுள்ளார்.
அதற்கு கழக மூத்த முன்னோடி சங்கரதாஸ் உங்களை சந்திக்க கணபதி மகாலுக்கு நான் வருகிறேன் என்று கைபேசியில் தெரிவித்துள்ளார்.
பின்னர் கணபதி திருமண மஹாலில் காத்துக் கொண்டிருந்த கழக மூத்த முன்னோடி சங்கரதாஸை “கழகத்தின் வேர்களை காப்போம்” என்ற உன்னதமான
நோக்கத்தின் அடிப்படையில் தென்காசி தெற்கு மாவட்ட முன்னாள் செயலாளர் பொ.சிவபத்மநாதன் அவரை நேரில் சந்தித்து உடல்நலம் குறித்து விசாரித்து வாழ்த்து பெற்று கழக இருவண்ண வேட்டியை வழங்கினார்.
இந்நிகழ்வில் மாவட்டபொருளாளர் இல.சரவணன்,பொதுக்குழு உறுப்பினர்கள் மாரிசாமி, தேவா என்ற தேவதாஸ்,முன்னாள் நகர இளைஞரணி அமைப்பாளர்,குமார் மாவட்ட பிரதிநிதி அன்பழகன்,வார்டு செயலாளர் பெர்னாண்டஸ்,நகர தொண்டரணி துணை அமைப்பாளர் ப.அருணாசலம் ஆகியோர் கலந்து கொண்டனர்.
தொடர்ந்து அவரிடம் உரையாடிய போது அவர் சிவபத்மநாதனிடம் தென்காசி சட்டமன்ற உறுப்பினர் மரு.கலை கதிரவன் சட்டமன்றத்தில் பேசிய பேச்சு முரசொலி யில்இரண்டு பக்கம் வந்திருக்கிறது அதை படித்தீர்களா? என்று கேட்டார் நான் நேற்றே பார்த்து விட்டேன் படித்து விட்டேன் என்று சொன்னார்.
கழக மூத்த முன்னோடி சங்கரதாஸ் அவர்கள் (92 வயது ) கழகத் தலைவர் அவர்களோடு நெருக்கமாக பழகியவர் கழகத் தலைவர் தளபதியார் அவர்களின் குடும்பத்தோடும் நெருக்கமானவர் அவருக்கு சொந்த ஊர் சங்கரன்கோவில் ஆனால் அவர் வால்பாறை சென்று தேயிலை தோட்ட தொழிலாளியாக அவரும் அவருடைய துணைவியார் லட்சுமி அவர்களும் பணி புரிந்துள்ளார்கள்
தேயிலை தோட்ட தொழிலாளியாக இருக்கும் பொழுது கிளைக் கழகச் செயலாளராக வார்டு செயலாளராக மாவட்ட பிரதிநிதியாக வால்பாறை ஒன்றிய அவைத் தலைவராக இப்படி பல்வேறு பொறுப்புகளை வகித்து தேயிலைதோட்ட தொழிலாளர் முன்னேற்ற சங்கத்திலும் பொறுப்பு வகித்தவர்.
அவருக்கு 12 குழந்தைகள் இதில் 7 பெண்கள்,5 ஆண்கள் உள்ளனர். இவர்களில் 2 பேர்கள் நீதிபதி, ஒருவர் சைதாப்பேட்டை நீதிமன்றத்தில் நீதிபதியாக பணிபுரிந்து வருகிறார் ஒருவர் ஓய்வு பெற்று விட்டார்.
அதேபோல் அவருடைய பெண் குழந்தைகள் அனைவரும் ஆசிரியராக வும்,அரசு மருத்துவமனையில் செவிலியர் களாக பணிபுரிந்து வருகிறார்கள்.
பின்னர் சிவபத்ம நாதன் கூறுகையில் இன்றைக்கும் கழக வேட்டி, முரசொலி பத்திரிக்கையோடு இருப்பவர் ஐயா சங்கரதாஸ் அவர்கள்.நான் மாவட்ட செயலாளராக இருந்த போது 2022 ஆம் ஆண்டு அவருடைய இல்லத்தில் சென்று நானும் சட்டமன்ற உறுப்பினர் ஈ.ராஜாவும் மரக்கன்று நட்டோம்.
நான்நட்ட தென்னங்கன்று தற்போது அந்த மரக்கன்று வளர்ந்து தேங்காய் காய்க்கும் பருவத்தை அடைந்துள்ளது.
ஒவ்வொரு மாநாட்டிற்கும் முப்பெரும் விழா நிகழ்ச்சிக்கும் குடும்ப த்தோடு இன்று வரை சென்று வருகிறார்.அந்த அளவிற்கு கழகப் பற்று கொண்டவர்கள்
தற்போது சங்கரன்கோவில் அம்பேத்கர் நகரில் வசித்து வருகிறார்.
தொடர்ந்து கடுகளவு கூட கழகத்தின் மீது கொண்டுள்ள பற்று குறையாமல் வாழ்ந்து வரும் குடும்பமாக அந்த குடும்பம் திகழ்ந்து வருகிறது.
தற்போது 92 வயது நிரம்பியுள்ள அய்யா சங்கரதாஸ் -லட்சுமி தம்பதியருக்கு வருகிற 13-ஆம் தேதி திருமண நாள் கழகத் தோழர்கள் அனைவரும் வாழ்த்துவோம் என்று கூறினார்.
அரியலூர் மாவட்டம், ஜெயங்கொண்டம் மேற்கு ஒன்றிய பொறுப்பாளராக பணிபுரிந்த தன.சேகர் அவர்கள் தான் வகித்து வந்த பொறுப்பிலிருந்து விலகிக் கொண்டதால், கழகப் பணிகள் செவ்வனே நடைபெற,
வீ.சிவா (எ) சிவகுருநாதன்
(பிலிச்சுக்குழி, ஜெயங்கொண்டம், அரியலூர் மாவட்டம்) அவர்கள் ஜெயங்கொண்டம் மேற்கு ஒன்றியப் பொறுப்பாளராக நியமிக்கப்படுகிறார்.
ஏற்கனவே தேர்ந்தெடுக்கப்பட்ட ஒன்றியக் கழக அமைப்பின் பிற நிர்வாகிகள் இவருடன் இணைந்து பணியாற்றுமாறு கேட்டுக் கொள்ளப்படுகிறார்கள்.