சென்னை, செப்.3–
சட்டமன்றத்தில் நேற்று தி.மு.க. சட்டமன்ற கொறடா ஏ.வ.வேலு அவர்கள் பேசியதாவது:–
பேரவை தலைவர் அவர்களே,இந்த அவையில் வருவாய்த்துறை அமைச்சர் கவனத்திற்கு நான் கொண்டு வருவது என்னவென்றால்,
திருவண்ணாமலை மாநகராட்சிக்கு உட்பட்டதிருவண்ணாமலை அடிவாரத்தில் உள்ள 1, 5, 6, 7, 14, 24, 25, 26 உள்ளிட்ட எட்டு வார்டுகள் உள்ளன. இங்கு பத்தாயிரத்துக்கும் மேற்பட்ட மக்கள் வசித்து வருகிறார்கள், இவர்கள் நூறாண்டு களுக்கு மேலாக இங்கு குடி இருந்து வருகிறார்கள். தாங்கள் வசிக்கும் வீடுகளுக்கு பட்டா வேண்டும் என்று பலமுறை முயற்சித்தார்கள். நகராட்சி பகுதிகளில் பட்டா கொடுக்க தடை உள்ள காரணத்தால் அவர்களது கோரிக்கை நிறைவேற்றப்படாமல் இருந்தது.’
இந்நிலையில் கடந்த தி.மு.க. ஆட்சியில் திருவண்ணாமலை சட்டமன்ற உறுப்பினராக நான் இருந்த காரணத்தால் சட்டமன்றத்தில் அப்பகுதி மக்களுக்குபட்டா வழங்க வேண்டும் என்று அப்போதைய முதலமைச்சரிடம் கோரிக்கை வைத்தேன். முதலமைச்சரும் அந்த கோரிக்கையை ஏற்று 21.2.2025 அன்று அரசாணை97–இன் படி ஏற்கனவே இருந்த தடையணையை நீக்கி பட்டா வழங்க உத்தரவிட்டார்கள்.
இந்நிலையில் யானை ராஜேந்திரன்என்பவர் மலையடிவாரத்தில் உள்ள மக்களை காலி செய்ய வேண்டுமென சென்னை உயர்நீதிமன்றத்தில் வழக்கு தொடர்ந்தார். அதன் அடிப்படையில் 1,535 வீடுகளை ஒரு மாதத்தில் காலி செய்ய வேண்டுமென வருவாய்த்துறை அதிகாரிகள் ஒரு அறிவிப்பு பலகையை வைத்தார்கள்.
அந்த 1,535 வீடு களுக்கும் ஆக்கிரமிப்பு செய்துள்ளதாக படிவம்-7 வழங்கப்பட்டது. அதன்படி 1,535 அவர்களும் ஆக்கிரமிப்பாளர்கள் என்பதால் 30 நாளைக்குள் அவர்களாக காலி செய்ய வேண்டும், தவறினால் ஆக்கிரமிப்பு சட்டம் 1905-ன் படி நடவடிக்கை மேற்கொள்ளப்படும் என மாவட்ட கலெக்டர் மூலம் நோட்டீஸ் வழங்கினார்கள்.
பட்டா செய்ய
தகுதி உள்ள இடம்!
அவர்கள் வழங்கிய நோட்டீஸிலேயே வகைப்பாடு என்ற இடத்தில் சர்க்கார் புறம்போக்கு இடம் என்று குறிப்பிடப்பட்டு ள்ளது, அந்த வகையில் இது பட்டா செய்ய தகுதி உள்ள இடம் என்பதால்,பட்டா செய்து கொடுக்க அரசுக்கு அதிகாரம்
உள்ளது.
மேற்கண்ட அந்த 1,535 குடும்பங்களுக்கும், அவர்கள் வசிக்கும் வீட்டிற்கு மாநகராட்சிவரி செலுத்துகிறார்கள், குடிநீர் இணைப்பு உள்ளது குடும்ப அட்டை,மின் அட்டை உள்ளது, ஆதார் அட்டைஉள்ளது, பல்வேறு பொதுத் தேர்தல்களில் வாக்களிக்கும் வகையில் வாக்காளர் பட்டியல் பெயர்கள் உள்ளது. இவ்வளவு ஆதாரமும் இப்பகுதியில் வசிக்கும் மக்கள் வைத்துள்ளார்கள்.
இந்நிலையில் தற்பொழுது புதிதாக பொறுப்பேற்றுள்ள இந்த அரசு 27.8.2026 அன்று போடப்பட்ட அரசாணை எண் 663–இன் படி சிறப்பு வரன்முறைப்படுத்தப்பட்ட திட்டத்தின் கீழ் இங்குள்ள மக்களுக்கு வீட்டுமனை பட்டா வழங்கலாம் என்று அறிவித்துள்ளது.
இந்நிலையில் இப்பகுதியில் வசிக்கும் பாதிக்கப்பட்ட மக்கள் சார்பில் அண்ணாமலையார் மலையடிவார குடியிருப்போர் நல சங்கம் என்ற பெயரில் சென்னை உயர்நீதிமன்றத்தில் வழக்கு ஒன்று போட்டு உள்ளார்கள்.
மக்களின் அச்சத்தைப்
போக்க வேண்டும்!
இந்த வழக்கு முடியும் வரை இங்கு வசிக்கும் மக்களுக்கு வீட்டை காலி செய்து விடுவார்களோ என்று அச்சமும் பதட்டமும் உள்ளது, எனவே அவர்களுடைய அச்சத்தையும் பயத்தையும் போக்கும் வகையில் அரசு போடப்பட்ட அரசாணையின் அடிப்படையில் அவர்களுக்கு பட்டா வழங்க அரசு நடவடிக்கை எடுக்க வேண்டும்.
மேலும் உயர்நீதிமன்றத்தில் உள்ள வழக்கில் அரசு சார்பில் தங்களை இணைத்துக் கொண்டு வழக்காடி ஏற்கனவே திமுக அரசின் போது போடப்பட்டஅரசாணையையும் தற்பொழுது போடப்பட்டுள்ள அரசாணையையும் நீதிமன்றத்தில் எடுத்துரைத்து அங்கு குடியிருக்கும் மக்களுக்கு பட்டா வழங்க வேண்டும் என்ற கோரிக்கையை வருவாய்துறைஅமைச்சர் அவர்களின் கவனத்திற்கு கொண்டு வருகிறேன்.
இவ்வாறு கழக கொறடா எ.வ.வேலு அவர்கள் பேசினார்.