நா ள்தோறும் படப்பிடிப்பு

நல்லவர் வேடத்தில் நடிப்பு

இயக்குனர் யார் என்று

புரிகிறது - நம்

இனத்தின் எதிரி என்பது

தெரிகிறது.

மாண்புமில்லை மரபுமில்லை

வளர்ச்சியில்லை வாய்ப்புமில்லை

வாய்ச்சவடாலுக்குக்

குறைச்சல் இல்லை.

திட்டங்கள் திசை மாறுகின்றன

கட்டுமானங்கள் களைகின்றன

இத்தனை நாள் வளர்ச்சியை

மொத்தமாய் வீழ்த்த

எத்தனை பேர் கூட்டணியோ?

‘சோபா’வின் சொகுசு அழைக்கிறது

சுயநலம் பல்லை இளிக்கிறது.

‘மாற்று அரசியல்’ என்பது

‘டைவர்ஷன் பாலிடிக்ஸ்’ என்றானது.

குறுக்குவழி வெற்றிகளும்

‘குலுக்கலில்’ கிடைத்த

கோட்டை கொத்தளமும்

நீடித்து ஓடாது

நிலைபெற்று நிற்காது.

வேருக்கு நீர் ஊற்ற

கிளை வளரும் - கூடவே

களை வளரும்.

நன்றி கொல்வது

இனத்தின் எழுச்சியா?

நம்பிக்கை துரோகம்

சமூக நீதி புரட்சியா?

எப்படியும் வாழலாமா?

இப்படியும் ஆளலாமா?

தொலைந்து போனால் ஓடுதளத்தில்

தொழில்துறை ‘டேக்-ஆப்’ ஆகுமா?

அயோத்தி ராமருக்கே

நாமம் போடுவதா;

பழனி முருகனுக்கு

மொட்டை போடுவதா?

காலம் சிலநேரம் தடுமாறலாம் - நம்

கொள்கை ஒருநாளும் தடம்மாறாது!

ஒளித்து வைத்தால்

திருக்குறள் பொருள் இழக்காது

மறைத்து வைத்தால்

மல்லிகை மணம் இழக்காது.

இது -

கிரகண காலம்!

நீண்ட நேரம் நீடிக்காது

நிச்சயம் தொடர்ந்து பீடிக்காது !

கோமாளித்தனங்கள் முடிவுறும்

கொள்கை மீண்டும் முடிசூடும்

வெளிச்சம் மீண்டும் வரும்

வெற்றியைத் தரும்

இமயம் நிகர் சாதனையில்

எவரெஸ்டாக நம் தலைவர்

காட்சி தருவார் - நல் ஆட்சி தருவார்!