#Title

பொங்கல் பண்டிகைக்கு 8 முழம் வேட்டிக்கு பதில் 4 முழம் வேட்டி வழங்குவதால் நெசவாளர்களுக்கு மிகப்பெரிய பாதிப்பு ஏற்பட்டிருக்கிறது! சட்டப்பேரவையில் கவன ஈர்ப்பில் எஸ்.ஆஸ்டின் பேச்சு! கோவை மாவட்ட முன்னாள் செயலாளர் பெரியவர் பி.ஏ.சாமிநாதன் மனைவி திருமதி. சம்பூரணம் சாமிநாதன் மறைவு! கழகத் தலைவர் மு.க.ஸ்டாலின் இரங்கல்!

சென்னை, செப். 2–

பொங்கல் பண்டிகைக்கு 8முழம் வேட்டிக்கு பதிலாக 4 முழம் வேட்டி வழங்குவதால் நெசவாளர்களுக்கு மிகப்பெரிய பாதிப்பு ஏற்பட்டு இருக்கிறது என்று சட்டப்பேரவையில் கவன ஈர்ப்பில் எஸ்.ஆஸ்டின்பேசினார்.

பேரவையில் இதுகுறித்து எஸ்.ஆஸ்டின் பேசியதாவது:–

2027 ஆம் ஆண்டு பொங்கல் பண்டிகைக்கு வழங்கப்படும் விலையில்லா வேட்டி–சேலை வழங்கும் திட்ட த்தில் ஏற்கெனவே வழங்கப்பட்டு வந்த 8 முழம் வேட்டிக்குப் பதிலாக, 4 முழம் வேட்டி வழங்கப்படும் என்ற புதிய அரசாணையினால் நெசவாளர்களுக்கு ஏற்பட்டுள்ள பாதிப்பு குறித்து அரசின் கவனத்தை ஈர்க்கிறேன்.

அமைச்சர் அவர்கள் கொடுத்த அறிக்கையினை முழுமையாகப் படித்துப் பார்த்தேன். அதாவது, முழுப் பூசணிக்காயை சோற்றில் மறைத்தேன் என்று செல்வார்கள். அதேபோல், இந்த அறிக்கையில் அனைத்து விவரங்களும், அனைத்து பாதிப்புகளும் மறைக்கப்பட்டு, இறுதியில் இரண்டு கருத்துகளை மட்டும் அமைச்சர் அவர்கள் சொல்லியிருக்கிறார்கள். கைத்தறி நெசவாளர்களுக்கு எந்தவித பாதிப்பும் இல்லை, என்று சொல்லியிருக்கிறார். பொதுமக்களிடம் 4 முழ வேட்டியாக மாற்றுவதற்கு கருத்துக் கேட்கப்பட்டதில், பெரும்பாலானவர்கள் 4 முழ வேட்டியையே தேர்வு செய்துள்ளார்கள் என்று இரண்டு கருத்தோடு அமைச்சர் அவர்கள் இதில் முடிக்கிறார்கள். மற்ற விவரங்கள் எதுவும் அதில் குறிப்பிடப்படவில்லை.

கஞ்சித்தொட்டி போராட்டம்!

என்னைப் பொறுத்தவரையில், நெசவாளர்களுக்கு மிகப் பெரிய பாதிப்பு ஏற்பட்டிருக்கின்றது என்பது எல்லோருக்கும் தெரியும். பத்திரிகைகளில் எல்லாம் வந்து கொண்டிருக்கிறது. ஏற்கெனவே, நேற்றைய முன்தினம் இராஜபாளையம் பகுதியில் இருக்கக்கூடிய புனல்வேலி பகுதியில், பாதிக்கப்பட்ட நெசவாளர்கள் குடும்பத்தினருடன் கஞ்சித் தொட்டி திறந்து போராட்டம் நடத்தியிருக்கின்றார்கள். இதற்கு 4, 5 தினங்களுக்கு முன்பாக இராஜபாளையம் பகுதி, சேத்தூர் பேருந்து நிலையம் முன்பாக, தட்டை ஏந்தி பிச்சை எடுக்கும் போராட்டத்தை நடத்தியிருக்கின்றார்கள். அதேபோல், நெசவாளர்களுடைய கருத்துக் கேட்புஎன்று சொல்கிறபொழுது, எந்தவிதமான கருத்துக் கேட்புக் கூட்டமும், எங்கேயும் நடந்ததாக நாங்கள் பார்க்கவில்லை. என்னுடைய நாகர்கோவில் சரகம் பகுதியில் அதிகமாக, 30–க்கும் மேற்பட்ட நெசவாளர் கூட்டுறவு சங்கங்கள் இருக்கின்றன. எங்கேயுமே கருத்து கேட்கப்படவில்லை.

ஆனால், ஒரு சில அதிகாரிகள், ஒரு format மட்டும் தயார் செய்து, 8 முழ வேட்டியா 4 முழ வேட்டியாஎன்று போட்டு, அதில் 4 முழ வேட்டியில் ஒரு tick செய்து, 20, 30 பொதுமக்களிடம் formality–க்காக கை யெழுத்து வாங்கியதாக தெரிகிறது. எனக்கு தெரிய வருகிற கருத்தை நான் சொல்கி றேன். எனவே, மிகப்பெரிய பாதிப்பு இந்த பகுதி மக்களுக்கு ஏற்பட்டுள்ளது. உங்களுக்குத் தெரியும்.

கருத்து கேட்பு கூட்டம் என்பது ஒரு முறையான அறிவிப்பு கொடுத்து, அந்தப் பயனாளிகளையும், நெசவாளர் கூட்டுறவு சங்கத்தினுடைய உறுப்பினர்களையும் அழைத்து வைத்து, கருத்து கேட்டு, ஒரு இரகத்தை புதிதாக மாற்ற வேண்டுமென்று சொன்னால், 8 முழ வேட்டியை 4 முழ வேட்டியாக மாற்ற வேண்டுமென்று சொன்னால், அங்கு கருத்து கேட்டு, அதில் majority ஆக எந்தக் கருத்து ஏற்கப்பட்டதோ, அதை அவர்கள் மாற்றலாம். அது ஒரு அரசாங்கத்தினுடைய உரிமை.

கருத்துக்கேட்பு கூட்டம் நடத்தவில்லை!

அப்படிப்பட்ட கருத்துக் கேட்புக் கூட்டம் நடத்தப்படவில்லை. அதுதான் என்னுடைய குற்றச்சாட்டு. இரண்டாவது, உங்களுக்கு எல்லாம் தெரியும். இந்த அவையில் நீங்கள் இருந்த காலம் 1980 ஆம் ஆண்டு முதல் 1984 ஆம் ஆண்டு வரை. 1983 ஆம் ஆண்டில்தான் அன்றைய முன்னாள் முதலமைச்சர் எம்.ஜி.ஆர். அவர்கள் பொங்கலுக்கான விலையில்லா வேட்டி சேலைத் திட்டத்தைக் கொண்டு வந்தார். அதைக் கொண்டு வந்ததன் நோக்கம் என்னவென்று சொன்னால், பயனாளிகளை முன்னிறுத்தி அவர் கொண்டு வரவில்லை. கைத்தறி நெசவாளர்கள், பெடல் தறி நெசவாளர்கள் உள்ளிட்ட நெசவாளர்களுக்கு வேலை வாய்ப்பு இல்லாமல் போய் விடுகின்றது. ஆண்டு முழுவதும் அவர்களுக்கு வேலைவாய்ப்பை உருவாக்கிக் கொடுக்க வேண்டும் என்ற அடிப்படையில்தான், நெசவாளர்களுக்காக உருவாக்கப்பட்ட திட்டம்தான் பொங்கலுக்காக வழங்கக்கூடிய, இலவச வேட்டி சேலைத் திட்டம். அந்தத் திட்டத்தை தொடர்ந்து, எங்களுடைய தலைவர் முத்தமிழறிஞர் கலைஞர், அதற்கு பின்னர் வந்த அ.தி.மு.க. ஆட்சி அதற்கு பின்னர் எங்களுடைய தலைவர் அவர்களுடைய ஆட்சிகளில் எல்லாம் முறையாக நெசவா ளர்களுக்கு அந்த ஆண்டு முதல் வேலைவாய்ப்பைக் கொடுத்து, இந்த திட்டத்தை நாங்கள் நடத்திக் கொண்டு வந்தோம். நெசவாளர்கள் இதன்மூலமாக, வேலைவாய்ப்பைப் பெற்று, பயன் பெற்றார்கள். நெசவாளர்கள் அனைவரும் பொதுவாக, கிட்டத்தட்ட 50 வயதிற்கு மேற் பட்டவர்கள் தான் நெசவுத் தொழில் தங்களை ஈடுபடுத்தி வருகின்றார்கள்.

8 முழ வேட்டிக்கு அரசாணை!

வருகின்ற பொங்கலுக்கு வழங்கக்கூடிய வேட்டி சேலையை உற்பத்தி செய்வது என்பது தமிழ்நாடு முழுவதும் உற்பத்தி செய்யவில்லை. சில இடங்களில் வேலை நிறுத்தம் செய்கிறார்கள். குறிப்பாக, நாகர்கோவில் சரகம், கடலூர், திருச்செங்கோடு, சேலம் மற்றும் காஞ்சிபுரம் இவ்வாறு 5 சரகத்திற்கு உட்பட்ட பகுதிகளில்தான் அதிகமாக கைத்தறியும், பெடல் தறியும் வைத்து நெசவுத் தொழில் செய்து, இந்த வேட்டிகளை அவர்களுக்கு வழங்குகின்றார்கள். ஆனால், இப்போது, சமீபத்தில் வருகின்ற 2027 ஆம் ஆண்டு பொங்கலுக்கு வேட்டி சேலை வழங்க வேண்டும். வேட்டி சேலை வழங்குவதற்கு, எங்களுடைய ஆட்சிக் காலத்தில், கடந்த 18–2–2026 ஆம் நாளன்று 8 முழ வேட்டியை உற்பத்தி செய்வதற்கான உற்பத்தி ஆணையை அரசாங்கம் அவர்களுக்கு வழங்கிவிட்டது.

உற்பத்தி ஆணையை வழங்கியது மட்டுமல்ல, அதற்கான பாகு நூல், ஊடை நூல் 4 மாதங்களுக்கான கூலி முன்பணத்தி னுடைய பங்குத் தொகை, இவையெல்லாம் அந்த சங்கங்களுக்கு அரசாங்கத்தால் வழங்கப்பட்டு, அவர்கள் நூலை கொள்முதல் செய்து, நெசவாளர்கள் தங்களுடைய பணியைத் தொடங்கிவிட்டு, கிட்டத்தட்ட 3, 4 மாதங்களாக பணி செய்து—நாகர்கோவில் சரகத்தில் மட்டும். நாகர்கோவில் சரகத்தில்மட்டும் கிட்டத்தட்ட 7 கோடி ரூபாய் மதிப்பிலான வேட்டிகள் இன்றைக்கு தேக்க நிலையில் இருக்கின்றன.

5 சரகத்தையும் சேர்த்தால் கிட்டத்தட்ட சுமார் 50 கோடி ரூபாய் மதிப்பிலான வேட்டிகள் நெய்யப்பட்டு, தயார் நிலையில், இருப்பில் (stock), இன்றைக்கு இருந்துகொண்டிருக்கிறது. அதை இந்த அரசு கவனத்தில் கொள்ளவில்லை. திடீரென்று இப்போது வந்து ஒரு முடிவு எடுக்கிறார்கள். 1–7–2026–ல் ஒரு புது அரசாணை, அரசாணை எண் 106, ஒரு அரசாணையை அறிவித்து, 8 முழ வேட்டி என்பது 4 முழ வேட்டியாக மாற்றப்பட்டு, புதிய ரகமாக மாற்றப்பட்டு, அது சலவை செய்யப்பட்டு, வெள்ளைக் நிறத்தில் சலவை செய்யப்பட்டு வழங்கப்படும் என்று ஒரு அறிவிப்பு வெளியிட்டிருக்கிறார்கள்.

இந்த அறிவிப்பினால் மிகப் பெரிய பாதிப்பு அந்த தறி நெய்யக்கூடிய நெசவாளிகளுக்கு ஏற்பட்டிருக்கின்றது.

என்ன பாதிப்பு என்று சொன்னால் அமைச்சர் அவர்களின் கவனத்திற்கு போனதா என்று தெரியவில்லை. என்ன பாதிப்பு என்று சொன்னால், இப்போது கொடுத்திருக்கின்ற அரசாணைப்படியான வேட்டிகளை ஏற்கெனவே இருக்கக்கூடிய தறியில் உற்பத்தி செய்ய முடியாது. அதனுடைய அளவு வித்தியாசம் 60 number நூல் இருப் பதை இவர்கள் 40 number ஆக மாற்றியிருக்கிறார்கள். 72 inch அச்சு என்பதை, 68 inch ஆக மாற்றியிருக்கிறார்கள். ஆக, அதை alteration செய்ய வேண்டும், modify செய்ய வேண்டும். அந்தத் தறியை modify செய்தால்தான், இந்த அரசாணைப்படியான வேட்டியை அவர்களால் உற்பத்தி செய்ய முடியும். ஏனென்றால் உற்பத்தி செய்ய முடியவில்லை. ஆக என்ன காரணம். யாரும், பயனாளிகள் யாரும் தாங்களாக முன்வந்து எங்களுக்கு நான்கு முழம் வேட்டியைக் கொடுங்கள் என்று கேட்கவில்லை. எந்தக் கருத்துக் கூட்டமும் நாம் நடத்தவில்லை. எந்த விவசாயி களுக்கும் இதில், எந்த நெசவாளர்களுக்கும் இதில் எந்தப் பாதிப்பும் இல்லை. இப்படிப்பட்ட சூழ்நிலை யில் 7 மாதங்கள் கழித்து, இன்னும் பொங்கலுக்கு 4 மாதங்கள்தான் இருக்கின்றன. இதற்குள்ளாக இத்தனை வேட்டி, சேலைகளையும்உற்பத்தி செய்தாக வேண்டும். 7 மாதங்கள் கழித்து ஒரு புதிய அரசாணை வெளியிடுவதனுடைய நோக்கம் என்ன என்பதுதான் என்னுடைய கேள்வி.

அமைச்சர் அவர்கள் இங்கே குறிப்பிட்டார்கள். தரமான வேட்டி வழங்க வேண்டுமென்ற அடிப்படையில்தான் இதனை மாற்றியிருக்கிறோம் என்று சொன்னார்கள்.

நான் தங்கள் மூலமாக அமைச்சர் அவர்களை கேட்டுக்கொள்வதெல்லாம், இந்த எட்டு முழம் வேட்டிக்கும், நான்குமுழம் வேட்டிக்கும், அவர்களுக்கு வழங்கப்பட்டிருக்கக்கூடிய, பயன்படுத்தக்கூடிய நூலின் தன்மையைப் பார்க்கின்றபோது, நெசவாளர்கள் என்ன சொல்கிறார்கள் என்றால், நான்கு முழம் வேட்டி அதைவிட தரம் குறைவான வேட்டி, விலை குறைவான மதிப்புள்ள வேட்டிதான் இப்போது அறிமுகப்படுத்தியிருக்கின்றார்கள் என்று சொல்கிறார்கள்.

வாழ்வாதாரத்தில் மண் அள்ளிப் போடும் த.வெ.க. அரசு!

ஆகவே, தரம் குறைவான வேட்டியை, கூலியையும் குறைவாகக் கொடுத்து வாங்குவதற்கு என்ன காரணம்? அதுதான் என்னுடைய கேள்வி. இரண்டாவதாக, தேக்கமடைந்த வற்றையெல்லாம் நாங்கள் வாங்கிக்கொள்கிறோம் என்று அவர் சொன்னார். ஏழு மாதங்கள் கடந்துவிட்டது; இன்னும் சுமார் 4 மாதங்களே இருக்கின்றன. என்னுடைய கேள்வி என்னவென்றால், இந்த அரசாணையை தற்காலிகமாக நீங்கள் இரத்து செய்யுங்கள். இரத்து செய்துவிட்டு, ஏற்கெனவே உற்பத்தியாணைகொடுத்திருக்கிறீர்கள். 4 மாதங்கள் வேலை ஆட்கள் இருக்கிறார்கள். மீண்டும் ஓர் உற்பத்தியாணை கொடுத்து, இந்த எட்டு முழம் வேட்டியை இந்த ஆண்டிற்காவது நடைமுறைப்படுத்துங்கள். தேக்கமடைந்த வேட்டிகள் அனைத்தையும் நீங்கள் வாங்க வில்லையென்று சொன்னால், அன்றாட கூலிகளான அவர்கள் வட்டிக்கு பணம் வாங்கி, நூல் வாங்கி, நெய்து இன்றைக்கு வைத்திருக்கிறார்கள். ஒரு நாளை க்கு ரூ.250, ரூ.300 தான் அவர்களுக்கு கூலி கிடைக்கின்றது. இதுவே, இன்றைக்கு அவர்களுக்குக் கேள்விக்குறியாகின்ற நிலை ஏற்பட்டிருக்கின்றது. இந்த நோக்கமே சிதைந்து போய்விடும். எந்த நோக்கத்திற்காக இந்தத் திட்டத்தை அன்றைக்கு உருவாக்கினார்களோ, கைத்தறி நெசவா ளர்களின் வாழ்வாதாரத்தில் மண் அள்ளி போ டக்கூடிய அளவில் இந்தத் திட்டம் சிதைந்து போய்விடும். எனவே, இந்த ஆண்டு நீங்கள் மறுபரிசீலனை செய்து,இந்த அரசாணையை இரத்து செய்தால், இந்த ஓராண்டு மட்டும் கொண்டு வந்தால், உங்களுக்கு easy ஆக இருக்கும்.

இவ்வாறு எஸ்.ஆஸ்டின் பேசினார்.

சென்னை, செப்.2–

ஒருங்கிணைந்த கோவை மாவட்ட முன்னாள் செயலாளரும், முன்னாள் நாடாளுமன்ற உறுப்பினரும் நினைவில் வாழும் பெரியவர் பி.ஏ.சாமிநாதன் அவர்களின் மனைவியும், புன்செய்ப் புளியம்பட்டி முன்னாள் நகர் மன்றத் தலைவர் பி.எஸ்.அன்பு அவர்களின் தாயாருமான திருமதி சம்பூரணம் சாமிநாதன் அவர்கள் நேற்று முன்தினம் (1.9.2026 – செவ்வாய்க்கிழமை) மாலை இயற்கையெய்தினார் என்பதினை அறிவிக்க வருந்துகிறோம்.

செய்தியறிந்ததும் கழகத் தலைவர் மு.க.ஸ்டாலின் அவர்கள் தமது ஆழ்ந்த இரங்கலை அன்னாரின் குடும்பத்தாருக்கு தெரிவித்துள்ளார்.