சென்னை, செப்.4–

தமி­ழக அர­சின் 2026-–27ம் நிதி­யாண்­டின் முதல் 4 மாதங்­க­ளுக்­கான நிதி­நிலை விவ­ரங்­கள் வெளி­யா­கி­யுள்­ளன. ஏப்­ரல் முதல் ஜூலை வரை­யி­லான காலத்­தில் அர­சுக்கு ரூ.89,718 கோடி வரு­வாய் கிடைத்­துள்ள நிலை­யில், மொத்த செலவு ரூ.1.23 லட்­சம் கோடி­யாக உள்­ளது. இத­னால் வரு­வாயை விட செலவு ரூ.25,267 கோடி அதி­க­மா­கி­யுள்­ளது. ஜூலை மாதம் வரை­யி­லான தமி­ழக அர­சின் கணக்­கு­களை இந்­திய கணக்கு தணிக்­கைத் துறை (CAG) இணை­ய­த­ளத்­தில் வெளி­யிட்­டுள்ள அறிக்­கை­யில் இந்த விவ­ரங்­கள் இடம்­பெற்­றுள்­ளன. நடப்பு நிதி­யாண்­டில் ஏப்­ரல் முதல் ஜூலை வரை தமி­ழக அரசு ரூ.32,925.09 கோடி கடன் மற்­றும் பிற பொறுப்­பு­கள் மூலம் நிதி திரட்­டி­யுள்­ளது.

ஜூன் மாத இறு­தி­யில் ரூ.20,881 கோடி­யாக இருந்த கடன், ஜூலை மாதத்­தில் மட்­டும் ரூ.12,044 கோடி அதி­க­ரித்­துள்­ளது. அதா­வது, ஒரே மாதத்­தில் ரூ.12 ஆயி­ரம் கோடிக்­கும் அதி­க­மாக கடன் பெறப்­பட்­டுள்­ளது. 2026-–27ம் ஆண்­டுக்­கான தமி­ழக அர­சின் மொத்த வரு­வாய் வரவு இலக்கு ரூ.3,44,575.31 –கோடி­யாக நிர்­ண­யிக்­கப்­பட்­டுள்­ளது.

ஆனால் ஜூலை இறுதி வரை ரூ.89,718.47 கோடி மட்­டுமே கிடைத்­துள்­ளது. இது பட்­ஜெட் இலக்­கில் 26.04 சத­வீ­தம். ஜூலை வரை அர­சின் வரு­வாய் செலவு ரூ.1,14,985.02 கோடி­யாக உள்­ளது. இத­னால் வரு­வாய் பற்­றாக்­குறை ரூ.25,266.55 கோடி­யாக உயர்ந்­துள்­ளது. அர­சின் மொத்த செலவு ரூ.1,22,715.53 கோடி­யாக உள்­ளது.

இதற்கு மாறாக, வரு­வாய் வரவு ரூ.89,718.47 கோடி மட்­டுமே. பழைய கடன்­க­ளுக்­கான வட்­டி­யாக முதல் 4 மாதங்­க­ளில் ரூ.21,175.73 கோடி செலுத்­தப்­பட்­டுள்­ளது. அரசு ஊழி­யர்­க­ளின் ஓய்­வூ­தி­யத்­துக்கு ரூ.17,237.16 கோடி செல­வி­டப்­பட்­டுள்­ளது. இரண்­டை­யும் சேர்த்­தால் ரூ.38,412.89 கோடி. புதிய சாலை­கள், கட்­டி­டங்­கள் உள்­ளிட்ட உள்­கட்­ட­மைப்பு மற்­றும் சொத்­து­களை உரு­வாக்­கு­வ­தற்­கான மூல­த­னச் செல­வுக்­காக 2026-–27ம் ஆண்­டில் ரூ.59,602.71 கோடி ஒதுக்­கப்­பட்­டுள்­ளது.

ஆனால் ஜூலை இறுதி வரை இதில் ரூ.7,730.51 கோடி மட்­டுமே செல­வி­டப்­பட்­டுள்­ளது. கடந்த 2025-–26ம் நிதி­யாண்­டின் ஏப்­ரல் முதல் ஜூலை வரை­யி­லான காலத்­தில் தமி­ழக அர­சின் வரு­வாய் ரூ.85,876 கோடி­யா­க­வும், மொத்த செலவு சுமார் ரூ.1.09 லட்­சம் கோடி­யா­க­வும் இருந்­தது. அப்­போது பெறப்­பட்ட கடன் ரூ.30,956 கோடி.

இந்த ஆண்­டில் இதே 4 மாதங்­களில் வரு­வாய் ரூ.89,718 கோடி­யாகஉயர்ந்­தி­ருந்­தா­லும், கடன் ரூ.32,925கோடி­யாக அதி­க­ரித்­துள்­ளது. கடந்த ஆண்­டு­டன் ஒப்­பி­டும்­போது சுமார் ரூ.1,969 கோடி கூடு­தல் கடன் பெறப்­பட்­டுள்­ளது. முதல் 4 மாதங்­க­ளி­லேயே ரூ.25 ஆயி­ரம் கோடிக்­கும் அதி­க­மான வரு­வாய் பற்­றாக்­குறை ஏற்­பட்­டுள்­ளது.

மேலும், கடன் தொகை ரூ.32,925கோடியை தாண்­டி­யுள்ள நிலை­யில், அதற்­கான வட்டி செல­வும் தொடர்ந்து அதி­க­ரித்து வரு­கி­றது. இத­னால் வரு­வாயை அதி­க­ரிப்­பது, செல­வு­களை கட்­டுப்­படுத்­து­வது, வளர்ச்­சிப் பணி­க­ளுக்­கான நிதியை அதி­க­ரிப்­பது ஆகி­யவை தமி­ழக அர­சுக்கு முக்­கிய நிதி சவால்­க­ளாக உரு­வெ­டுத்­துள்­ளன.