சேலம், செப். 4 –
சேலம் கோரிமேட்டில் அரசு மகளிர் கலைக் கல்லூரி செயல்பட்டு வருகிறது. இந்த மகளிர் கல்லூரியை அப்போதை முதல மைச்சராக இருந்த கலைஞர் 1973ல் தொடங்கி வைத்தார்.
இக்கல்லூரியில் பல்வேறு மாவட்டங்களைச் சேர்ந்த 3 ஆயிரத்திற்கும் மேற்பட்ட மாணவிகள் இளங்கலை மற்றும் முதுகலைப் படிப்பு படித்து வருகின்றனர்.
இக்கல்லூரிக்கு அருகிலேயே 2 சமூகநல விடுதிகள் செயல்பட்டு வருகின்றன.
இதில் பல்வேறு மாவட்டங்களைச் சேர்ந்த 200 க்கும் மேற்பட்ட மாணவிகள் தங்கி படித்து வருகின்றனர். இந்த மாணவி
களுக்கு தரமான மற்றும் தேவையான உணவு வழங்கப்படுவதில்லை என்று புகார் கூறு கிறார்கள். அதோடு விடுதியில் மாணவிகளை கட்டாயப்படுத்தி வேலை வாங்குகிறார்கள்
இது குறித்து மாணவிகள் கூறியதாவது:
மாணவிகளின் எண்ணிக்கைக்கு தேவையான அளவு உணவு பொருள் ஒதுக்கீடு செய்யப்பட்டாலும் அதன் பலன் முழுமையாக எங்களுக்கு கிடைப்பதில்லை. குறிப்பாக 4 இட்லி வழங்க வேண்டியதில்
2 இட்லி மட்டுமே வழங்குகின்றனர். 100 மாணவிகள் இருந்தால் 80
முட்டைகள் மட்டுமே கொடுக்கின்றனர் மீதமுள்ள முட்டை மற்றும் அரிசி மாவை வார்டன் மற்றும் சமையலர் வீட்டிற்கு
எடுத்துச் சென்று விடுகின்றனர். ஆக அரசு விடுதியில் தங்கி பசியுடன் அரை வயிற்றுடன் தான் படிக்க வேண்டிய சூழ்நிலை உள்ளது.
விடுதியில் உள்ள குறைபாடுகள் குறித்து உயர் அதிகாரிகளின் பார்வைக்கு கொண்டு சென்றும் அதிகாரிகள் எந்த நடவடிக்கையும் எடுப்பதில்லை என்று மாணவிகள் கூறினார்கள்.
த.வெ.க. ஆட்சியில் கல்லூரி மாணவிகள் பசியுடன்தான் பாடம் படிக்க வேண்டியுள்ளது என்பது குறிப்பிடத் தக்கதாகும்.