சென்னை,ஆக.4–
சென்னை: மதுரை மீனாட்சி அம்மன் திருக்கோவில் குட
முழுக்கு விழா கல்வெட்டில் அறங்காவலர் குழுத் தலைவர் மற்றும் உறுப்பினர்கள் அனைவரின் பெயர்களும் இடம்பெற வேண்டும் என நீதிமன்றம் உத்தரவிட்டி ருப்பது மகிழ்ச்சியளிப்பதாக முன்னாள் இந்து சமய அறநிலையத்துறை அமைச்சர் பி.கே.சேகர்பாபு தெரிவித்துள்ளார்.
நீதிமன்றத் தீர்ப்பைத் தொடர்ந்து செய்தியாளர்களைச் சந்தித்த அவர் கூறியதாவது:
2021–ஆம் ஆண்டு ஆட்சிப் பொறுப்பேற்ற பின்னர் மதுரை மீனாட்சி அம்மன் திருக்கோவிலில் 30–க்கும் மேற்பட்ட முறை ஆய்வுகள் மேற்கொண்டோம். மாவட்ட அமைச்சர்கள் மூர்த்தி, தியாகராஜன், மாவட்ட ஆட்சியர் மற்றும் சம்பந்தப்பட்ட அதிகாரிகளை ஒருங்கிணைத்து தொடர்ந்து பணிகளை மேற்கொண்டோம்.
குறிப்பாக, 2018–ஆம் ஆண்டு ஏற்பட்ட தீ விபத்தால் சேதமடைந்த 79 கல் தூண்களைக் கொண்ட வீர வசந்தராயர் மண்டபத்தை பழமை மாறாமல் முழுமையாக சீரமைத்துக் கொடுத்தோம்.
மதுரை மீனாட்சி அம்மன் திருக்கோவில் குட முழுக்கை 17.09.2026 அன்று நடத்துவதற்கான தேதியையும் அன்றைய ஆட்சியிலேயேநிர்ணயம் செய்திருந்தோம்.
குடமுழுக்கு அழைப்பிதழ் தொடர்பாக சட்டப்பேரவையில் இரண்டு முறை கேள்வி எழுப்பினோம். அழைப்பிதழில் பத்துக்கும் மேற்பட்ட இடங்களில் எழுத்துப் பிழைகள் இருப்பதையும், மறைந்த தம்பிரான் ஒருவரின் பெயர் இடம்பெற்றிருந்த நிலையில் மதுரை திருஞான சம்பந்தர் மடாதிபதியின் பெயர் இடம்பெறாததையும் சுட்டிக் காட்டி னோம்.
மேலும், திருக்கோ வில் நிர்வாகத்தில் அறங்காவலர் குழுவுக்குச் சட்டப்படி வழங்கப்பட்டுள்ள அதிகாரங்கள் குறித்தும் தொடர்ந்து எடுத்துரைத்தோம். 1959–ஆம் ஆண்டு தமிழ்நாடு இந்து சமய மற்றும் அறநிலையங்கள் சட்டத்தின்படி அறங்காவலர் குழு என்பது பெயரளவிலான அமைப்பு அல்ல; திருக்கோவில் நிர்வா கத்தில் அதற்கு உரிய சட்டப்பூர்வ அதிகாரமும் பொறுப்பும் உள்ளது என்பதை சட்டப்பேரவையிலும், பத்திரிகைகள் வாயிலாகவும் எடுத்துச் சொன்னோம்.
அறங்காவலர் குழுவின் பெயர்களை குடமுழுக்கு அழைப்பிதழில்இடம்பெறச் செய்ய வேண்டும் என்ற கோரிக்கையையும் இந்து சமய அறநிலையத்துறை அமைச்சரின் கவனத்திற்கு சட்டப்பேரவை வாயிலாக கொண்டு சென்றோம். ஆனால், மாவட்ட அமைச்சர் நிர்மல்குமார், அறங்காவலர்களின் பெயர்களை இடம்பெறச் செய்ய முடியாது என்றும், அதற்கு அனுமதிக்க முடியாது என்றும் தெரிவித்தார்.
இந்த நிலையில், அறங்காவலர் குழு உறுப்பினர் சுப்புலட்சுமி நீதிமன் றத்தை அணுகினார். தற்போது நீதிமன்றம் அளித்துள்ள தீர்ப்பு இந்த அரசுக்கு மிகப் பெரிய பாடமாக அமைந்துள்ளது.
மீனாட்சி அம்மன் கோவில் குடமுழுக்கு விவகாரத்தில் அறநிலையத்துறை அரசியல் செய்திருப்பதாக நீதிமன்றம் கருத்து தெரிவித்துள்ளது.
அறநிலையத்துறை சார்பில் ஆஜரான வழக்கறிஞர் அந்தக் கருத்தை நீக்குமாறு கோரியபோதும், நீதிபதி அதற்கு மறுப்பு தெரிவித்திருக்கிறார்.
மேலும், குடமுழுக்கு விழா தொடர்பான கல்வெட்டில் அறங்காவலர் குழுத் தலைவர் உட்பட அனைத்து உறுப்பினர்களின் பெயர்களும் கட்டாயம் இடம்பெற வேண்டும் என்றும் நீதிமன்றம் உத்தரவிட்டுள்ளது. அழைப்பிதழ்கள் ஏற்கனவே அச்சிடப்பட்டுவிட்டதாக தெரிவிக்கப்பட்ட நிலையில், இரண்டு விதமான அழைப்பிதழ்கள் அச்சிட வேண்டிய சூழல் ஏற்படும் என்பதால், குறைந்தபட்சம் கல்வெட்டிலாவது அறங்காவலர்களின் பெயர்கள் கண்டிப்பாக இடம்பெற வேண்டும் என்று நீதிமன்றம் தெளிவுபடுத்தியுள்ளது.
திருக்கோயில்கள் சார்பில் கல்லூரிகள் தொடங்குவதற்கு நீதிமன்றம் முழுமையான அனுமதி வழங்கியது எங்கள் ஆட்சிக்குக் கிடைத்த முக்கிய மான வெற்றியாகும்.
அதேபோன்று, தற்போது மக்களால் தேர்ந்தெடுக்கப்பட்ட அரசு அரசாணை மூலம் நியமித்த அறங்காவலர் குழுவின் சட்டப்பூர்வ உரிமைகளை நீதிமன்றம் பாதுகாத்திருப்பது மற்றொரு முக்கியமான வெற்றியாகும்.
கடந்த காலத்தில் நடைபெற்றது சட்டத்தின் ஆட்சி என்பதற்கு இந்த நீதிமன்றத் தீர்ப்பு ஒரு சிறந்த எடுத்துக்காட்டு. அறங்காவலர் குழுவின் உரிமையை நீதிமன்றம் உறுதிப்படுத்தியுள்ள இந்தத் தீர்ப்பில் மட்டற்ற மகிழ்ச்சி அடைகிறோம்.
இவ்வாறு முன்னாள் அமைச்சர் பி.கே.சேகர்பாபு தெரிவித்தார்.