சென்னை, செப். 4–
சட்டப்பேரவையில் முனைவர் கோவி.செழியன் பேசுகையில், ஆளுங்கட்சியினர் ஒரு ரீல்ஸ் போடுவதற்காகத்தான் கச்சத்தீவுப் பிரச்சினையை பயன்படுத்தி இருக்கிறார்கள் என்று குறிப்பிட்டார்.
சட்டப்பேரவையில் கச்சத்தீவு பிரச்சினை குறித்து அமைச்சர் நிர்மல் குமார் பேசியதற்கு முனைவர் கோவி.செழியன் அளித்த பதில் வருமாறு:
பேரவைத் தலைவர் அவர்களே, எங்கள் உறுப்பினர் படகுப் பிரச்சி னை யைப் பற்றித்தான் பேசினார். மாறாக நீர்ப்பாசனத் துறை அமைச்சர் எழுந்து கச்சத்தீவு என்று ஓப்பன் செய்தார். அவர் ஓப்பன் செய்துவிட்டு சிரித்துக் கொண்டிருந்த காட்சியும் தெரியும். மாறாக சட்டத்துறை அமைச்சர் எழுந்து நீண்ட நெடிய நேரம் பேசி இருக்கிறார்.
ஒரு உண்மை புரிகிறது. விவாதம் முறையாக சரியாக போய் கொண்டிருப்பதை திசை திருப்ப வேண்டு மேயானால் ஒரு தலைப்புச் செய்தி சொல்ல வேண்டும், அதையொட்டி சட்ட அமைச்சர் கருத்து சொல்ல வேண்டும், நாங்கள் எழுந்து நின்று அதற்கு எதிர்வினையாற்ற வேண்டும்.
அது புகைப்படம் எடுக்கப்பட்டு, அது வெளியிலே அவர்கள் அமைதியாக பேசுவதைப் போலவும் தி.மு.க. உறுப்பினர்கள் எழுந்து கொந்தளிப்பது போலவும் ஒரு ரீல்ஸ் போடுவதற்காகத்தான்கச்சத்தீவுப் பிரச்சினையை பயன்படுத்திக் கொண்டிருக்கிறார்களே தவிர அது காட்சிப்படுத்த அல்ல.
எனவே எங்கள் பகுதியை காட்டுகின்ற அதே நேரத்தில் ஆளுங்கட்சியினுடைய இருப்பையும் காட்டினால்தான், அவர்கள் செய்கிற செயல் வெளியே தெரி யும். எனவே ஒருதலைப்பட்சமாக ஒளிபரப்புவதை சபாநாயகர் தலையிட்டு கூர்ந்து கவனித்து இரு பக்கமும் காட்டுமாறு கேட்டுக் கொள்கிறேன்.
இவ்வாறுமுனைவர் கோவி.செழியன் பேசினார்.