இன்றைய முதலமைச்சர் அவர்கள் சென்ற ஆண்டு, இதேமாதிரி தூய்மைப் பணியாளர்கள் போராட்டம் செய்யும்போது அவர்களின் கட்சி அலுவலகத்துக்கு அழைத்து வந்து, அவர்களை எல்லாம் சந்தித்து பேசியிருக்கிறார். எனவே, எங்களின் கோரிக்கை, நாங்கள் கேட்க விரும்புவது, இந்த அரசின் கவனத்துக்கு எடுத்துவர விரும்புவது, தூய்மைப் பணியாளர்களின் கோரிக்கைகளை, முதலமைச்சர் எப்போது நிறைவேற்றிக்கொடுப்பார். தூய்மைப் பணியாளர்களைச்சந்தித்து முதலமைச்சர் அவர்கள் பேசுவாரா என்பதை, இந்த அவையின் கவனத்துக்கு எடுத்து வந்து அமர்கிறேன்.
எங்கள் ஆட்சிக் காலத்தில் போராட்டம் நடந்தது. இங்கே பள்ளிக் கல்வித்துறை அமைச்சர் பேசும்போது, ‘100 நாட்களைத் தாண்டி போராட்டம் நடந்தது’ என்று சொன்னார்கள், அப்படியானால் நீங்களும் 100 நாட்கள் தாண்டும் வரை காத்திருக்கப் போகிறீர்களா என்ற கேள்வியைக் கேட்க விரும்புகிறேன்.
ஒரு அமைச்சர் கூட
சந்தித்துப் பேசவில்லை!
எங்கள் ஆட்சியில் போராட்டம் நடந்த போது, எங்களின் அப்போதைய அமைச்சர் சேகர்பாபு அவர்கள், மேயர் பிரியா அவர்களெல்லாம் தூய்மைப் பணி யாளர்களைத் தொடர்ந்து சந்தித்து அவர்களிடம் பேச்சுவார்த்தை நடத்தினார்கள்.
இப்போது ஆட்சியில் இருக்கும்போது ஒரு அமைச்சர்கூட அந்தப் போராட்டக்களத்துக்குச் சென்றுஅவர்கள் யாரையும் இதுவரை சந்திக்கவில்லை. ஆட்சியில் இல்லாதபோது தூய்மைப் பணியாளர்களைச் சந்திக்க தயாராக இருந்த இன்றையமுதலமைச்சர்அவர்கள்,இப்போது தூய்மைப்பணி யாளர்களைச் சந்திக்க மறுப்பது ஏன் என்று கேட்க விரும்புகிறேன்.
110- விதியின் கீழ் முதலமைச்சர்,பல்வேறு அறிவிப்புகளைக் கொடுத்திருக்கிறார். அதில்வழக்குகள் எல்லாம் வாபஸ் பெறப்பட்டுள்ளன என்றுஅறிவித்திருக்கிறார்கள். அதைப்பற்றித்தான் இப்போது விவாதம் போய்க் கொண்டிருக்கிறது.
தி.மு.கழக ஆட்சியில்
5 ஆயிரம் வழக்குகள் வாபஸ்!
இங்கு ஒரு அமைச்சர் பேசும்போது, இதுதான்வரலாற்றிலேயே முதல்முறை என்று
பேசியிருக்கிறார். அது சரியான தகவல் இல்லை. எங்களின் ஆட்சியின்போது, எங்கள் தலைவர், ‘குடியுரிமை திருத்தச்சட்டம், ‘வேளாண் சட்டம்’, ‘8 வழிச்சாலை போராட்டம்’, அமைச்சர் அண்ணன் வன்னியரசு அவர்கள் சொன்னதுபோல, ‘கூடங்குளம் அணு உலை எதிர்ப்பு’, ‘மீத்தேன் எதிர்ப்பு போராட்டம்’ உள்ளிட்டப் போராட்டங்களில் ஈடுபட்டவர்கள் மீது போடப்பட்ட 5 ஆயிரத்துக்கும்மேற்பட்ட வழக்குகளை, எங்கள் தலைவர்முதலமைச்சராக
இருக்கும்போது வாபஸ் பெற்றுள்ளார்.
110 - விதியின் கீழ்
அறிவிக்கவில்லை!
ஒன்றே ஒன்றை மட்டும் குறிப்பிட விரும்புகிறேன். அப்போது எங்களின் தலைவர், முதலமைச்சர் அவர்கள் 110-விதியின் கீழ் அறிவிக்கவில்லை. அதிகாரிகளை அழைத்துச் சொல்லிவிட்டு, இந்த வழக்குகளை எல்லாம் வாபஸ் செய்கிறோம் என்று இந்த அவையில் தெரிவித்தார்.இன்னும் ஒரேயொரு விஷயம். வேளாண்துறை அமைச்சர் குறிப்பிட்டு பேசும்போது, விவசாயிகள் மீது போடப்பட்ட வழக்குகள்.... என்ற வார்த்தையை சொல்லியிருக்கிறார். அதை நீக்கும்படி கேட்டுக்கொள்கிறேன்.
இவ்வாறு சட்டப் பேரவையில், எதிர்க்கட்சித் தலைவர் உதயநிதி ஸ்டாலின் அவர்கள் உரை
ஆற்றினார்.