நாமக்கல், செப். 4 –
அரியலூர் மாவட்டம் செந்துறை அருகே குழுமூர் கிராமத்தைச் சேர்ந்த மாணவிஅனிதா, கடந்த 2017-ஆம் ஆண்டு நடைபெற்ற பிளஸ்-2 பொதுத்தேர்வில் 1,200-க்கு 1,176 மதிப்பெண்கள் பெற்று சிறப்பான சாதனை படைத்தார்.
மாநிலப் பாடத்திட்டத்தில் தமிழ் வழியில் பயின்ற அவர், மருத்துவப் படிப்பில் சேர வேண்டும் என்ற கனவுடன் படித்து வந்தார். பிளஸ்- 2 மதிப்பெண் அடிப்படையில் மருத்துவப் படிப்புக்கான அவரது கட்-ஆஃப் மதிப்பெண் 196.75 ஆக இருந்தது.
ஆனால், 2017-ஆம் ஆண்டு மருத்துவ மாணவர் சேர்க்கைக்கு நீட் தேர்வு கட்டாயமாக்கப்பட்ட நிலையில், அனிதாவும் நீட் தேர்வை எழுதினார். அதில் 700-க்கு 86 மதிப்பெண்கள் மட்டுமே பெற்றார்.
நீட் தேர்வு அடிப்படையில் மருத்துவ மாணவர் சேர்க்கை நடத்துவதற்கு எதிர்ப்பு தெரிவித்து, பிளஸ்-2 மதிப்பெண் அடிப்படையிலேயே மருத்துவ மாணவர் சேர்க்கை நடத்த வேண்டும் எனக் கோரி அனிதா நீதிமன்றத்தில் சட்டப் போராட்டம் நடத்தினார். இந்த விவகாரம் தொடர்பாக உச்சநீதிமன்றம் வரையிலும் சென்று தனது நிலைப்பாட்டை முன்வைத்தார்.
இந்நிலையில், நீட் தேர்வு மதிப்பெண் அடிப்படையில் மருத்துவக் கல்லூரியில் இடம் கிடைக்கா ததால் மனவேதனை அடைந்த அனிதா, 2017 செப்டம்பர் 1-ஆம் தேதி குழுமூரில் உள்ள தனது வீட்டில் உயிரிழந்தார். அவரது மரணம் தமிழ்நாட்டில் நீட் தேர்வு தொடர்பான பெரும் விவாதத்தையும் போராட்டங்களையும் ஏற்படுத்தியது.
இந்நிலையில் மறைந்த மாணவி அனிதாவின் நினைவு நாளை முன்னிட்டு நாமக்கல் மேற்கு மாவட்ட திமுக மாணவர் அணி சார்பில் மலரஞ்சலி செலுத்தும் நிகழ்ச்சி திருச்செங்கோடு திமுக அலுவலகத்தில் மாவட்ட திமுக பொறுப்பாளரும், முன்னாள் சட்டமன்ற உறுப்பினருமான கே. எஸ்.மூர்த்தி தலைமையில் நடைபெற்றது .
இந்நிகழ்ச்சியில் மாநில திமுக மாணவர் அணி துணை செயலாளர் ஆர்.சுரேஷ்குமார், மாவட்ட மாணவர் அணி அமைப்பாளர் பாலசுப்பிரமணியன் ஆகியோர் முன்னிலை வகித்தனர்.
இந்நிகழ்ச்சியில் திருச்செங்கோடு கிழக்கு நகர செயலாளர் தா.கார்த்தி கேயன் திருச்செங்கோடு ஒன்றிய செயலாளர்கள் வட்டூர் தங்கவேல், அருண்குமார், தளபதி சுப்பிரமணி யம், சரவணகுமார், ஏ.பி.ஆர்.சண்முகம், பழனிவேல், தங்கவேல், ராமசாமி, யுவராஜ், பேரூர் செயலாளர் கார்த்திக் ராஜ் வழக்கறிஞர் கிரி சங்கர் மற்றும் நகர ஒன்றிய மாணவரணி அமைப்பாளர்கள், துணை அமைப்பாளர்கள் மற்றும் தி.மு.க. நிர்வாகிகள் உள்ளிட்ட பலர் கலந்து கொண்டு மலர் அஞ்சலி செலுத்தினர்.