சென்னை, செப். 5 –
தமிழ்நாடு சட்டமன்றத்தில் தமிழ் மொழியை சென்னை உயர் நீதிமன்றத் தில் வழக்காடு மொழியாக கொண்டு வர வேண்டும் என்ற தனித் தீர்மானத் தின் மீது நடைபெற்ற விவாதத்தில் கலந்து கொண்டு தி.மு.க. உறுப்பினர்
எஸ்.ரகுபதி பேசியதாவது:–
சென்னை உயர் நீதிமன்றத்தில் தமிழை வழக்காடு மொழியாக கொண்டு வர வேண்டும் என்று கடந்த திமுக ஆட்சியின் போது சட்டமன்றத்தில் தீர்மானம் கொண்டு வரப்பட்டு, அதனை ஆளுநர் மூலமாக குடியரசுத் தலைவருக்கு அனுப்பி, குடியரசு தலைவர் அதனை உச்ச நீதிமன்ற கொலீஜியத்திற்கு அனுப்பி வைத்த போது, அப்பொழுது சட்டத்திருத்தங்கள் எல்லாம் தமிழிலே மொழிபெயர்க்கப்படவில்லை, தரவுகள் எல்லாம் தமிழிலே இல்லை என்ற சில காரணங்களால் அன்றைக்கு தமிழ் மொழி வழக்காடு மொழியாக கொண்டு வருவது தடுக்கப்பட்டதே தவிர மறுக்கப்படவில்லை.
இன்று இப்பொழுது இங்கே கொண்டு வந்த தீர்மானத்திற்கு பிள்ளையார் சுழி போட்டது முதன் முதலில் முத்தமிழ் அறிஞர் டாக்டர் கலைஞர் அவர்கள் தான் என்பதை இந்த அவையில் தெரிவித்துக் கொள்கிறேன்.
இங்கே பேசிய முதல்வர் அவர்கள் அறிமுக உரையிலே குறிப்பிட்டது என்பது, வழக்கு மன்றத்திலே நடக்கின்ற வழக்குஎவ்வாறு நிலுவையில் உள்ளது என்பதை சாமானியர்களும் புரிந்து கொள்ள வேண்டும்என்பது போன்ற நடைமுறை வர வேண்டும் என்று உச்ச நீதிமன்ற நீதி அரசர் மாண்புமிகு ரமணா அவர்கள் முன்னிலையில் நடைபெற்ற நிகழ்ச்சி ஒன்றில்அப்போது முதலமைச்சராக இருந்த மு.க.ஸ்டாலின் அவர்கள் தமிழை வழக்காடு மொழியாக கொண்டு
வர வேண்டுமென முன்மொழிந்ததை போல தற்போதைய முதல்வர் முன்மொழிந்துள்ளார்.
எனவே எல்லோரும் ஏற்றுக் கொள்ளக்கூடிய அரசாக திராவிட மாடல் அரசை வழிநடத்திச் சென்றவர் முதல்வராக இருந்த திராவிட நாயகர் தளபதி அவர்கள்.
அதேபோல் உச்ச நீதிமன்ற கிளை சென்னையில் அமைக்க வேண்டும் என்ற கோரிக்கையையும் முதன் முதலில் வைத்தவரும் மு.க ஸ்டாலின் அவர்கள் தான், அதுமட்டுமல்ல தமிழ் மொழியை வழக்காடு மொழியாக கொண்டு வர வேண்டுமென மதுரையில் நடைபெற்ற நிகழ்ச்சியிலே பங்கேற்ற உச்ச நீதிமன்ற நீதி அரசர் சந்திர சூட் அவர்களிடம் கோரிக்கையை வைத்தார், அன்றைக்கு முதலமைச்சராக இருந்த மு.க.ஸ்டாலின் அவர்கள், மேலும் பாரத பிரதமர் மோடிக்கு கடிதம் எழுதியதோடு நின்று விடாமல் சென்னையில் நடைபெற்ற நிகழ்ச்சியில் பிரதமர் மோடி முன்னிலையிலேயே தமிழ் மொழியை வழக்காடு மொழியாக கொண்டுவர வேண்டும் என்று தைரியமாக கோரிக்கை வைத்தவர் தான் அன்றைய முதலமைச்சர் மு.க.ஸ்டாலின் அவர்கள், இதையெல்லாம் ஏன் இங்கே குறிப்பிடுகிறேன் என்றால், தற்பொழுது நீங்கள் கொண்டு வந்த தனித்தீர்மானத்தில் இந்த வரலாறு எல்லாம் இல்லை, அதனால் தான் இங்கு இதனை பதிவு செய்கிறேன், தமிழ் மொழியை வழக்காடு மொழியாக கொண்டு வரமுதன்முதலாக குரல் கொடுத்தது திராவிட இயக்கம், திராவிட மாடல் ஆட்சி என்பதை இங்கே கவனத்தில் கொண்டு வருகிறேன்.
ஏனென்றால் மக்கள் தற்பொழுது நேரலையில் இதனை எல்லாம் பார்க்கிறார்கள், அவர்களுக்கு இந்த வரலாறு எல்லாம் தெரிய வேண்டும், தமிழ் மொழியை வழக்காடு மொழியாக கொண்டு வர 2006 ஆம்ஆண்டிலிருந்து இதற்கான முயற்சிகள் எடுக்கப்பட்டு வருகிறது என்பதை மக்கள் புரிந்து கொள்ள வேண்டும்.
தனித் தீர்மானத்தை நாங்கள் வரவேற்கிறோம்!
ஏனென்றால் இது எங்களுடைய குழந்தை, இதனை வரவேற்பதில் எந்த தவறும் கிடையாது, எங்களுடைய தாய்மொழி தமிழ், அன்னை தமிழ் மொழி எங்கும் ஒலிக்க வேண்டும் என்பதுதான் எங்களது நோக்கமும், அதற்காகத்தான் நாங்கள் சட்டமன்றத்தில் இரண்டு முறை தீர்மானம் நிறைவேற்றி அனுப்பினோம், தற்பொழுது மூன்றாவது முறையாக நீங்கள் தீர்மானம் நிறைவேற்றி அனுப்புகிறீர்கள், இது தமிழ்நாட்டு மக்களின் கனவு, நீதிமன்றத்தில் என்ன நடக்கிறது என்பதை சாதாரண மக்கள் புரிந்து கொள்ள முடியவில்லை. அதே நேரத்தில் தமிழ் மொழி வழக்காடு மொழியாக வந்து விட்டால் சாதாரண மக்களும் எளிதில் புரிந்து கொள்ள முடியும், இதில் யாருக்கும் மாற்று கருத்து கிடையாது, எனவே தான் சொல்கிறேன் தீர்மானத்தை நிறைவேற்றி அனுப்புவதன் தொடர்ச்சியாக தமிழ் சட்டக் களஞ்சியம், தமிழ் சட்ட சொற்கள் உள்ளிட்ட அனைத்தும் தமிழ் மொழியில் மொழிபெயர்க்கப்பட்டால்தான் தமிழ் மொழி வழக்காடு மொழியாக கொண்டு வர முடியும், இங்குள்ள மொழிபெயர்ப்பாளர்கள் அந்தப் பணியை விரைந்து செய்திட அரசு துரிதப் படுத்த வேண்டும்
இவ்வாறு அவர் பேசினார்.