சென்னை.செப்.5–
கொளத்தூர் நேர்மை நகர் பகுதியில் காவல்துறை துணை ஆணையர் அலுவலகம், அனைத்து மகளிர் காவல் நிலையம், போக்குவரத்து காவல் நிலையம், குற்றப்பிரிவு காவல் நிலையம் மற்றும் சட்டம்–ஒழுங்கு காவல் நிலையம் ஆகியவற்றை ஒரேவளாகத்தில் அமைக்கும் திட்டத்தை நிலுவையில் வைக்காமல் விரைந்து செயல்படுத்தி, மக்கள் பயன்பாட்டிற்கு கொண்டு வர வேண்டும் என சட்டப்பேரவையில் முன்னாள் அமைச்சரும் சட்டமன்றஉறுப்பினருமான பி.கே.சேகர்பாபு வலியுறுத்தினார்.
சட்டப்பேரவையில் பி.கே.சேகர்பாபு பேசியதாவது:
கொளத்தூர் நேர்மை நகர் பகுதியில் உள்துறை செயலாளரால் காவல்துறை துணை ஆணையர் அலுவலகம், அனைத்து மகளிர் காவல் நிலையம், போக்குவரத்து காவல் நிலையம், குற்றப்பிரிவு காவல் நிலையம் மற்றும் சட்டம்–ஒழுங்கு காவல் நிலையம் ஆகியவற்றை ஒரே இடத்தில் அமைப்பதற்கான பொறுப்பை சென்னைப் பெருநகர் வளர்ச்சிக் குழுமம் ஏற்றிருந்தது. இதற்கான வரைபடம் உள்ளிட்ட பணிகளும் ஏற்கெனவே தயாரிக்கப்பட்டுள்ளன.
கொளத்தூர் பகுதியில்மக்கள் தொகையும் குடியிருப்புகளும் தொடர்ந்து அதிகரித்து வரும் நிலையில், பொதுமக்களின் பாதுகாப்பை உறுதி செய்வதற்கும், குற்றச் சம்பவங்கள் தொடர்பான புகார்களுக்கு காவல்துறை விரைந்து நடவடிக்கை எடுப்பதற்கும் இந்த ஒருங்கிணைந்த காவல் நிலைய வளாகம் மிகவும் அவசியமானதாகும்.
எனவே, ஏற்கெனவே திட்டமிடப்பட்டுள்ள இந்த ஒருங்கிணைந்த காவல் நிலையக் கட்டுமானத் திட்டத்தை எந்தவித காலதாமதமும் இன்றிசெயல்படுத்த வேண்டும். திட்டத்தை நிலுவையில் வைக்காமல் கட்டுமானப் பணிகளை விரைந்து தொடங்கி, மக்களுக்கு தேவையான காவல் வசதிகள் கிடைக்கும் வகையில் காவல் நிலைய வளாகத்தை விரைவில் பயன்பாட்டிற்கு கொண்டு வர அரசு நடவடிக்கை எடுக்க வேண்டும் என்று கேட்டுக்கொள்கிறேன்.
இவ்வாறு முன்னாள் அமைச்சர் பி.கே.சேகர்பாபு வலியுறுத்தினார்.