சென்னை, செப்.5 –

வேம்­பா­ரில் மழை வெள்­ளத்­தால் சேதம் அடைந்த மீன்­பிடி இறங்கு தளம் பாலத்தை சீர­மைக்­கும் பணியை துரி­தப்­ப­டுத்த வேண்­டும் என சட்­டப்­பே­ர­வை­யில் ஜீ.வி. மார்க்­கண்­டே­யன் கோரிக்கை விடுத்­தார்.

சட்­டப்­பே­ர­வை­யில் நடந்த மானிய கோரிக்கை மீதான கேள்வி நேரத்­தில் திமுக தலைமை செயற்­குழு உறுப்­பி­ன­ரும் விளாத்­தி­கு­ளம் தொகுதி எம்.எல்.ஏ.­வு­மான ஜீ.வி. மார்க்­கண்­டே­யன் பேசி­ய­தா­வது:–

விளாத்­தி­கு­ளம் சட்­ட­மன்றத் தொகு­தியில் வைப்­பாறு கட­லில் கலக்­கின்ற இடத்­தில் கடந்த 2024 ஆம் ஆண்டு ஏற்­பட்ட பெரும் வெள்­ளத்­தால் மீன்­பிடி இறங்கு தளம் ‘ப’ வடிவ பாலம் முற்­றி­லும் சேதம் அடைந்­ததை கடந்த ஆட்­சி­யில் சட்­ட­மன்­றத்­தில் நான் எடுத்­துக் கூறி­யதை தொடர்ந்து மீன்­பிடி இறங்கு தளம் மற்­றும் வடிவ பாலத்தை சீர­மைக்க அப்­போ­தைய முத­ல­மைச்­சர் மு.க.ஸ்டாலின் ரூபாய் 10.50 கோடி நிதி ஒதுக்­கீடு செய்­தார். இந்த சீர் அமைப்பு பணிக்கு அடிக்­கல் நாட்­டப்­பட்­டதை தொடர்ந்து கடந்த பிப்­ர­வரி மாதம் பணி துவங்­கிய போதும் தற்­போது வரை இப்­ப­ணி­யில் எந்­த­வித முன்­னேற்­ற­மும் இல்லை. நவம்­பர் மாதம் அதிக மழை பெய்­தால் கூடு­தல் சேதம் ஏற்­பட வாய்ப்­புள்­ளது.

இத­னால் மேலும் பல கோடி­கள் செலவு செய்ய வேண்­டிய நிலை அர­சுக்கு ஏற்­ப­டும். எனவே மீன்­வ­ளத்­துறை அமைச்­சர் விளாத்­தி­கு­ளம் தொகு­திக்கு வருகை தந்து நேர­டி­யாக ஆய்வு செய்து இந்த பணியை விரை­வாக முடித்து பகுதி மக்­க­ளின் வாழ்­வா­தா­ரத்தை காக்க வேண்­டும்.

இவ்­வாறுஅவர் பேசி­னார்.