#Title

ஆம்பூர் மருத்துவமனையில் மகப்பேறு சிகிச்சை மையம் அமைத்துத்தர வேண்டும்! சட்டப்பேரவையில் ஆம்பூர் அ.செ. வில்வநாதன் கோரிக்கை!

சென்னை, செப். 5 –

சட்டப்பேரவையில் கேள்வி நேரத்தின் போது ஆம்பூர் தொகுதி கழக உறுப்பினர் அ.செ. வில்வநாதன் ஆம்பூர் மருத்துவமனையில் மகப்பேறு சிகிச்சை மையம் தொடங்க வேண்டும் என்று கோரிக்கை விடுத்தார்.

இது குறித்து பேரவையில் நடந்த விவாதம் வருமாறு:

அ.செ.வில்வநாதன்: ஆம்பூர் அரசு மருத்துவமனை ஒரு தாலுகா மருத்துவமனையாகும். ஒரு நாளைக்கு 2,000 முதல் 2,200 வரை புறமருத்துவப் பயனாளர்கள் மற்றும் 160 முதல் 170 வரை உள்மருத்துவப் பயனாளர்கள் சிகிச்சை பெற்று வருகின்றனர்.

கடந்த ஆட்சியில் இங்கு சிறுபான்மை நலத் துறைமூலம் தரைத்தளம் மற்றும் 6 அடுக்குகள்கொண்ட கட்டடம் கட்டப்பட்டு, அதில் 144 படுக்கை அறைகளுடன் செயல்பட்டுக் கொண்டிருக்கிறது. மீதம் 114 படுக்கை அறைகள் 1978 ஆம் ஆண்டு கட்டப்பட்ட பழுதடைந்த பழைய கட்டடத்தில் இயங்கிவருகின்றன. ஆம்பூர் மருத்துவமனையில் இதுவரையில் மகப்பேறு சிகிச்சை மற்றும் பச்சிளம் குழந்தை சிகிச்சை மையம் இல்லை.

மகப்பேறு சிகிச்சை மற்றும் பச்சிளம் குழந்தை சிகிச்சைக்காக வேலூர் மாவட்டத்திலுள்ள அடுக்கம்பாறைக்குச் செல்ல வேண்டிய நிலையில் பொதுமக்கள் உள்ளனர்.

எனவே, சுற்றுவட்டா ரப் பிரிவைச் சார்ந்த பொதுமக்களுக்கு உதவும் வகையில் CEmONC பிரிவை ஏற்படுத்தி, மகப்பேறு சிகிச்சை மற்றும் பச்சிளம் குழந்தை சிகிச்சைக்குரிய மருத்துவர்களைஅமைத்து, அதற்குரிய கட்டடத்தைத் தருமாறு தங்கள் வாயிலாக அமைச்சர் அவர்களைக் கேட்டுக்கொள்கிறேன்.

அமைச்சர் டாக்டர் கோ.க. அருண்ராஜ்: ஆம்பூர் சட்டமன்ற உறுப்பினர் அவர்கள், ஆம்பூர் தாலுகா மருத்துவமனையில் CEmONC centre–மகப்பேறு சிகிச்சை மையம் வேண்டுமென்று கேட்டிருக்கிறார்.

அந்த மருத்துவமனையில் மாதம் எத்தனை பிரச வங்கள் நடக்கின்றன என்பதை நாம் ஆய்வில் மேற்கொண்டு, தேவைப்பட்டால் கண்டிப்பாக நிச்சயம் அதற்கான முயற்சிகள்எடுக்கப்படும் என்பதைத் தெரிவித்துக்கொள்கிறேன்.

அ.செ.வில்வநாதன்: ஆம்பூர் சட்டமன்றத் தொகுதியில் கங்காபுரம் பகுதியில் 50 ஆயிரம் லிட்டர் கொள்ளளவுக் கொண்ட பால் குளிரூட்டும் நிலையம் செயல்பட்டுக்கொண்டு இருந்தது. அது பல ஆண்டுகளாகச் செயல்படாமல் நிறுத்தப்பட்டது.

கடந்த நிதியாண்டில் நான் இதுகுறித்து கேள்வி எழுப்பியபோது, நிதிநிலை அறிக்கையில் 5 ஆயிரம் லிட்டர் கொள்ளளவுக் கொண்ட பால் குளிரூட் டும் நிலையம் அமைக்கப்படும் என்று தெரிவித்தார்கள். அதைச் செயல்படுத்தித் தருமாறு பால் மற்றும் பால்வள மேம்பாட்டுத் துறை அமைச்சர் அவர்களைத் தங்கள் மூலமாகக் கேட்டுஅமர்கின்றேன்.

இவ்வாறு விவாதம் நடைபெற்றது.