சென்னை, செப்.5–
சட்டப் பேரவை
யில் விதி 110இல் முதலமைச்சர் வழக்குகள் தள்ளுபடி குறித்த அறிவிப்பைத் தொடர்ந்து கழக கொறாடா எ.வ.வேலு விதி 110இல் இதுவரைக்கும் தேவையானவற்றையே அறிவித்தீர்கள் என்றும் முந்தைய அரசு வழக்கு போட்டார்கள் என்று உள்நோக்கத்தோடு சொல்வதா? என்று சட்டப் பேரவையில்கழக கொறடா எ.வ. வேலுஅடுக்கடுக்கான கேள்விகளை எழுப்பினார்.
நாங்கள் அதினுள்ளே செல்வதற்கு விருப்பப் பட வில்லை. ஆனால், ஒன்று, இதுவரைக்கும் ஓர் அரசு நாட்டுமக்களுக்கு தேவையானவற்றை விதி 110–ல் அறிவித்திருக்கிறார்களேதவிர, இந்த வழக்கை தள்ளுபடி செய்வது என்பதை இதுவரைக்கும் அறிவித்தது இல்லை. இதற்கு முந்தைய அரசு வழக்கு போட்டார்கள் என்று ஓர் உள்நோக்கத்தோடு சொல்கிறபொழுது, அது விவாதத்திற்கு உரியதாக இருக்கிறது.
இப்போது நீங்கள் ஆட்சி நடத்துகிறீர்கள். சட்டம் ஒழுங்கை பாதுகாப்பதற்கு காவல் துறை மூலமாக வழக்கு பதிவு செய்யப்பட்டு, அதற்கு உரிய தண்டனை பெற்றுத்தருவது, கைது செய்வது என்பது காலம் காலமாக ஒர் அரசுக்கு இருக்கிறது. ஏனென்றால் சட்டம், ஒழுங்கை பாதுகாப்பது அரசினுடைய கடமைதான். இப்போது SIPCOT–க்கு இடம் எடுப்பதாக இருந்தாலும் சரி, சாலைகளுக்கு இடம் கொடுப்பதாக இருந்தாலும் சரி, பிரச்சினைகள் வருகிறபொழுது அரசு காவல் துறையைப் பயன்படுத்தித்தான் சட்டம், ஒழுங்கை பாதுகாக்கமுடியும். அப்படிப்பட்ட சூழ்நிலையில் சட்டம், ஒழுங்கை பாதுகாப்பதற்காக வழக்கு போடப்பட்டுள்ளது என்று சொன்னால், இந்த அரசு அதை தள்ளுபடி செய்யப்போகிறோம் என்று சொல்வதில் எங்களுக்கு மாற்றுக்கருத்து இல்லை. ஆனால், இதை விதி 110–ன்கீழ் கொண்டுவந்து முந்தைய அரசு என்று சொல்வதில்தான் உள்நோக்கம் இருக்கிறது. அப்படிச் சொல்லக்கூடாது.
இதுவரைக்கும் இல்லை,அவ்வாறு இல்லாத ஒரு பழக்கத்தை நீங்கள் எப்படி கொண்டு வருகிறீர்கள். முதலமைச்சர் அவர்கள் விதி 110–ன்கீழ் அறிவித்துவிட்டு, இந்த வழக்குகள் எல்லாம் போடப்பட்டது, அதை நாங்கள் தள்ளுபடி செய்யப்போகிறோம் என்று சொல்வதில் எங்களுக்கு மாற்றுக்கருத்து என்ன இருக்கமுடியும். இப்போது நான் கேட்கிறேன். ஓர் ஆட்சி நடத்துகிறபோது இப்போது நீங்கள் ஆட்சிக்கு வந்திருக்கிறீர்கள், இனிமேல் காவல் துறையை வைத்து எந்த வழக்கும் போடமாட்டீர்கள், (மேசையைத் தட்டும் ஒலி) ஆக எதுவேண்டுமானாலும் செய்வீர்கள். அப்படித்தானே அர்த்தம், இதற்கு வேறு என்ன பொருள் இருக்கிறது. அதில் என்ன personal இருக்கிறது.
கடந்த கால முதலமைச்சர் அவர்களுக்கு தனிப்பட்ட முறையில் ஆசிரியர்களையோ, விவசாயிகளையோ கைது செய்வதற்கு என்ன அவசியம் இருக்கமுடியும்?
சட்டம், ஒழுங்கை பாதுகாக்க வேண்டி ஒரு வழக்கு பதிவு செய்ய வேண்டுமேயொழிய,
ஓர் அரசுக்கு சட்டம், ஒழுங்கை பாதுகாப்பதற்காகத்தான் ஒரு வழக்கு போட வேண்டிய அவசியம் இருக்கமுடியும். முதலமைச்சர் அவர்களுக்கு தனிப்பட்ட முறையில் என்ன இருக்கமுடியும்?
அவ்வாறு இருப்பதற்கு வாய்ப்பு இல்லை. ஆக இந்த ஆட்சியில் காவல் துறைமூலம் வழக்கு போட மாட்டீர்கள், இனிமேல் சட்டம், ஒழுங்கை பாதுகாப்பதில் கவலைப்பட மாட்டீர்கள், இனிமேல் எந்த இடத்திலும் இடம் எடுக்க மாட்டீர்கள், SIPCOT–க்கு இடம் எடுக்க மாட்டீர்கள்.
சமூக நீதித் துறை
அமைச்சர் ஒப்புதல்!
சமூக நீதித் துறை அமைச்சர் அவர்கள் குறிப்பிட்டதைப்போல, எங்கள் ஆட்சியில் வழக்குகளைத் தள்ளுபடி செய்தோம் என்பதை அவரேதான் சொல்லியிருக்கிறார், அதுவே ஒரு சாட்சி. இந்த ஆட்சியில் தள்ளுபடி செய்வது தவறு என்பது என்னுடைய argument அல்ல, நீங்கள் கவனித்தீர்கள். எப்போதும் விதி 110 என்பது, நீங்கள் கொடுத்தபோதே நான் என்ன சொன்னேன், விதி
110–ல் எப்போதும் முதலமைச்சர், அமைச்சர்கள் அவர்கள் அறிவிப்பதற்கு முழு அதிகாரம் உண்டு, நீங்கள் அனுமதிக்கிறீர்கள். நாட்டுக்கு வேண்டிய, மக்களுக்கு வேண்டிய திட்டங்களை மட்டும்தான் அதில் சிறப்பாக அறிவிப்பார்களேயொழிய, அதில் உள்நோக்கத்தோடு வழக்கு கள் தொடர்பாக ஏதும் சொல்வதில்லை. நான் அதைத்தான் மீண்டும், மீண்டும் சொல்கிறேன். முதலமைச்சர் அவர்கள் நாளைக்கும் வேறொரு. .
விதி 110 என்பது விவாதத்திற்குரியது அல்ல, அதையும் நீங்கள்தான் சொல்கிறீர்கள். விவாதத்திற்கு இல்லை என்றால் என்ன அர்த்தம்? அனைவரும் ஏற்றுக்கொள்ளக் கூடியதைச் சொல்வதுதான் விவாதத்திற்குரிய தாக இல்லாமல் இருக்க முடியும். அதில் முந்தைய அரசு, முந்தைய அரசு என்று ஒரு உள்நோக்கம் இருக்கும்போது விவாதத்திற்கு வருகிறதா, இல்லையா? அதுதான் என்னுடைய கேள்வி. நான் மீண்டும் சொல்கிறேன். . . உங்களிடம் ஆணையிடுவதற்கு எனக்கு அதிகாரம் இல்லை.
நான் மீண்டும் சொல்கிறேன், விதி 110–ன்கீழ் முதலமைச்சர்கள், அமைச்சர்கள் அறிவிப்பதற்கு முழு அதிகாரம் உண்டு, நீங்கள் அதை அனுமதிக்கிறீர்கள். நல்லதையெல்லாம் சொல்கிறார்கள், பலரும் அதை வரவேற்கிறார்கள்.
ஆனால், என்னவென்று கேட்டீர்கள் என்றால், விதி 110–ன்கீழ், ‘வழக்கு தள்ளுபடி செய்து’ என்று சொல்வதில்கூட எனக்கு ஆட்சேபம் இல்லை. முந்தைய அரசு என்று சொல்லும்போது automatic–ஆக அது விவாதத்திற்கு வந்துவிடும். நான் இப்பொழுது சொல்கிறேன். விதி–110–ன்கீழ் இல்லாமல், நீங்கள் சொல்வதைப் பற்றி பிரச்சினை இல்லை. இப்பொழுது, நாங்கள் ஆட்சிக்கு வந்தோம் தள்ளுபடி செய்தோம் என்று சமூகநீதித்துறை அமைச்சர் அவர்களே சொல்கிறாரா இல்லையா? நாங்கள் ஆட்சிக்கு வந்தோம், பல case–களை, கேட்டு கொண்டதன் அடிப்படையில், நாங்களும் தள்ளுபடி செய்திருக்கிறோம். அதுவல்ல; இப்பொழுதுநாளைக்கு முதலமைச்சர் அவர்கள் விதி 110–ன்கீழ் case–களை தள்ளுபடி
செய்கிறேன் என்று சொன்னாலும் அது தவறு அல்ல.
இவ்வாறு கழக கொறடா எ.வ.வேலு பேசினார்.
கடலூர் கிழக்கு மாவட்டம், தலைமைச் செயற்குழு உறுப்பினரும், கிள்ளை பேரூர் செயலாளருமான எஸ். கிள்ளை ரவிந்திரன், கழகக் கட்டுப்பாட்டை மீறியும், கழகத்திற்கு அவப்பெயர் ஏற்படும் வகையிலும் செயல்பட்டு வந்ததால், அடிப்படை உறுப்பினர் உள்ளிட்ட அனைத்துப் பொறுப்பிலிருந்தும் தற்காலிகமாக நீக்கி (Suspension) வைக்கப்படுகிறார்.
"அண்ணா அறிவாலயம்"
துரைமுருகன்
சென்னை – 600 018. பொதுச்செயலாளர்,
நாள் : 04–09–2026. தி.மு.க.