ரிஷிவந்தியம், செப்.6:
தமிழ்நாடு சட்டமன்ற பேரவை வினாக்கள் –
விடைகள் நேரத்தின் போது, கள்ளக்குறிச்சி மாவட்டக் கழகச் செலாளரும், ரிஷிவந்தியம் தொகுதி சட்டமன்ற உறுப்பினருமான வசந்தம் க.கார்த்திகேயன் அவையின் கவனத்தை ஈர்த்து பேசியதாவது:
திருவண்ணாமலையில் இருந்து கள்ளக்குறிச்சி அதாவது தியாகதுருகம், மணலூர்பேட்டை வழியாக கடலூர் மாவட்டத்தை இணை க்கின்ற சாலையை நான்கு வழிச்சாலையாக மாற்றும் திட்டத்தில், முதல் இரண்டு கட்ட பணிகள் தற்சமயம் நிறைவடையும் நிலையில் உள்ளன. ஆனால் இதர நிலுவையில் உள்ள சாலைப்பணிகள் இன்னும் முடிவுறாமல் உள்ளன. அந்த எஞ்சிய இரண்டு கட்ட பணிகளையும் முழுமையாக நிறைவு செய்தால் மட்டுமே. பொதுமக்கள் இந்த சாலையை முழுமையாகப் பயன்படுத்த முடியும். குறிப்பாக திருச்சி மற்றும் மதுரை போன்ற தென்மாவட்டங்களில் இருந்து வருகின்ற பக்தர்கள் மற்றும் பயணிகள் அடரி வழியாக தியாகதுரு கம், மணலூர்பேட்டை, திருவண்ணாமலை மற்றும் திருப்பதிக்குச் செல்வதற்கு இச்சாலை மிகவும் பயனுள்ளதாக உள்ளது. அதிக போக்குவரத்து நெரிசல் கொண்ட இந்த சாலையின் நிலுவைப்பணிகளை பொதுப்பணி மற்றும் நெடுஞ்சாலைத்துறை அமைச்சர் விரைந்து முடித்துத் தருவாரா என அறிய விரும்புகிறேன்.
இதற்கு பதிலளித்துப் பேசிய பொதுப்பணி மற்றும் நெடுஞ்சாலைத்துறை அமைச்சர்: சட்டமன்ற உறுப்பினர் குறிப்பிட்ட அந்தச் சாலைப்பணிகள் தற்போது பரிசீலனையில் இருந்து வருகின்றன. கூடிய விரைவில் அதற்கான உரிய பணிகள் முறைப்படி தொடங்கப்பட்டு விரைந்து முடித்துக் கொடுக்கப்படும் என உறுதியளித்தார்.