சென்னை, செப்.6–
சட்டப்பேரவையில் கழக உறுப்பினர் எஸ்.ஆஸ்டின் பேசுகையில் குளச்சல் மீன்பிடித் துறைமுகம் விரிவாக்கப் பணியை விரைந்து முடித்திட வேண்டும் என்று வேண்டுகோள் விடுத்துள்ளார்.
சட்டப்பேரவையில் கழக உறுப்பினர் எஸ்.ஆஸ்டின் பேசியதாவது:–
பேரவைத் தலைவர் அவர்களே, அழிக்கால், பிள்ளைத்தோப்பு மீனவர் கிராமங்கள் மற்றும் குளச்சல் மீன்பிடித் துறைமுகம் extension இவை இரண்டு குறித்தும், நம்முடைய மீன்வளத் துறை அமைச்சர் அவர்களுக்கு தெளிவாகத் தெரியும். குளச்சல் மீன்பிடித் துறைமுகம் extension-ஐப் பொறுத்தவரையில், அடிக்கல் நாட்டப்பட்டு கிட்டத்தட்ட 8 மாதங்கள் ஆகிவிட்டன.
நம்முடைய உயர் அதிகாரிகள் அனைவரும் பணியைத் தொடங்குவதற்கான வாய்மொழி உத்தரவைக் கொடுத்துவிட்டார்கள். ஆனால், இதுவரைக்கும் மாவட்டத்தில் உள்ள அதிகாரிகளுக்கு அந்த தகவல் official ஆக சென்று சேராத காரணத்தினால், மேல் அதிகாரிகளினுடைய உத்தரவு சரியாக, official ஆக மாவட்டத்தில் உள்ள மீன்வளத் துறை அதிகாரிகளுக்கு சென்று அடையாத காரணத்தினால், அந்தப் பணிகள் இன்னும் துவங்கப் படாமல் 8 மாத காலங்கள் ஆகிவிட்டன.
எனவே, அமைச்சர் அவர்கள் இந்தக் கூட்டத்தொடர் முடிந்து, நாளைய தினமே அந்தப் பணியைத் தொடங்குவதற்கான உத்தரவை நீங்கள் வழங்கவேண்டுமென்று கேட்டுக்கொள்வ தோடு, அழிக்கால், பிள்ளைத்தோப்பு மீனவர் கிராமங்கள் தொடர்ந்து கடல் சீற்றத்தால் பாதிக்கப்பட்டு வருகின்றன. மீனவர்கள் பாதிப்புக்கு உள்ளாகிக் கொண்டிருக்கிறார்கள். அவர்கள் பாதுகாப்புக்காக, கிட்டத்தட்ட 90 கோடி ரூபாய் மதிப்பீட்டில் ஒரு திட்டம் தயாரிக்கப்பட்டு அரசுக்கு வந்திருக்கின்றது.
இந்த அறிவிப்பில் இதுகுறித்து வரும் என்று எதிர்பார்த்தோம். நம்முடைய மாவட்ட ஆட்சித் தலைவர், நம்முடைய பொறுப்பு அமைச்சர் ஆகியோர் அறிவிப்பில் வரும் என்று அவர்களுக்கு உத்தரவாதம் கொடுத்திருந்தார்கள், வரவில்லை. இருந்தாலும், பரவாயில்லை. அதிகாரிகளுக்கு உத்தரவாதம் கொடுத்திருக்கின்றார்கள். உடனடியாக, இந்த கூட்டத்தொடர் முடிந்தவு டனே அதற்கான பணிகள் ஆரம்பிக்கப்படும் என்று சொல்லியிருக்கின்றார்கள்.
அமைச்சர் அவர்கள் இந்த இரண்டு கோரிக்கைகளுக்கும், நீங்கள் ஒரு உத்தரவாதத்தை கொடுத்துவிட்டீர்கள் என்றால், அந்த மீனவர்கள் உங்கள் மீது நம்பிக்கையாக இருப்பார்கள் என்பதைத் தெரிவித்துக்கொள்ள கடமைப்பட்டிருக்கிறேன்.
இவ்வாறு எஸ்.ஆஸ்டின் பேசினார்.