திருவள்ளூர், செப் 06–
திருவள்ளூர் மத்திய மாவட்ட தி.மு.க. செயற்குழுக் கூட்டம் பட்டாபிராமில் உள்ள ஜெய் கிரீஸ் மகாலில் மாவட்ட அவைத் தலைவர் ம.இராஜி தலைமையில் நடைபெற்றது. பகுதி செயலாளர் ஜி.நாராயண பிரசாத் வரவேற்புரையாற்றினார்.கூட்டத்தில், முன்னாள் அமைச்சரும் திருவள்ளூர் மத்திய மாவட்டக் கழகச் செயலாளருமான ஆவடி சா.மு.நாசர் தலைமைவகித்து, கழகப் பணிகள் மற்றும் எதிர்கால நடவடிக்கைகள் குறித்து பல்வேறு ஆலோசனைகளை வழங்கி சிறப்புரையாற்றினார்.
தலைமைக் கழகப் பிரதிநிதிகளான கழக விவசாயத் தொழிலாளர் அணி செயலாளரும் முன்னாள் சட்டமன்ற உறுப்பினருமான அன்னியூர் சிவா, மாநில இளைஞர் அணி துணைச் செயலாளர் ப.அப்துல் மாலிக் ஆகியோர் முன்னிலையில் கூட்டம் நடைபெற்றது.
அப்போது பேசிய ஆவடி சா.மு.நாசர்
சென்னை அண்ணா அறிவாலயம் கலைஞர் அரங்கில், கழகத் தலைவர் தலைமையில் வரும் செப்டம்பர் 15ஆம் தேதி நடைபெற உள்ள திராவிட முன்னேற்றக் கழகத்தின் முப்பெரும் விழாவில், பேரறிஞர் அண்ணா பிறந்தநாள், தந்தை பெரியார் பிறந்த நாள் மற்றும் திராவிட முன்னேற்றக் கழகத்தின் பிறந்தநாள் ஆகிய மூன்று சிறப்புமிக்க நிகழ்வுகளும் ஒருங்கிணைந்து கொண்டாடப்பட உள்ளன.இவ்விழாவில் திருவள்ளூர் மத்திய மாவட்டக் கழகத்தின் சார்பில் அனைத்து நிலை நிர்வாகிகள், அணிகளின் நிர்வாகி கள் மற்றும் கழகத் தோழர்கள் பெருந்திரளாகக் கலந்து கொள்வது என கூட்டத்தில் தீர்மானிக்கப்பட்டது.
கடந்த 22.08.2026 அன்று சென்னை அண்ணா அறிவாலயத்தில்கழகத் தலைவர் தலைமையில் நடைபெற்ற தலைமைச் செயற்குழுக் கூட்டத்தில் நிறைவேற்றப் பட்ட கழக நிர்வாகச் சீரமைப்பு தீர்மானத்தின்படி, மாநகர, ஒன்றிய, நகர, பகுதி, பேரூர் மற்றும் கிளைக் கழகங்களின் நிர்வாக அமைப்புகளை மறுசீரமைக்கும் பணிகள் தீவிரமாக நடைபெற்று வருகின்றன.அதன்படி, தலைமைக் கழகம் அறிவித்துள்ள பிரதிநிதிகளின் முன்னிலையில் சம்பந்தப்பட்ட ஒன்றியம், நகரம், பகுதி மற்றும்கிளைக் கழகங்களின் எல்லைகளை முறைப்படுத்தி, நிர்வாகப் பகுதிகளை சீரமைக்கும் பணிகளை மேற்கொள்ள வேண்டும் என அறிவுறுத்தப்பட்டது.குறிப்பாக, கிளைக் கழகங்கள் அமைக்கப்படும் பகுதிகளில் உள்ள வாக்காளர்களின் எண்ணிக்கையை முறையாகக் கணக்கிட்டு, ஒவ்வொரு கிளைக் கழகத்திலும் ஏறத்தாழ சமமான எண்ணிக்கையில் வாக்காளர்கள் இடம்பெறும் வகையில் பகுதிகளைப் பிரித்து புதிய நிர்வாக அமைப்பை உருவாக்க வேண்டும் என வலியுறுத்தப்பட்டது.மேலும், ஏற்கனவே உள்ள கிளைக் கழகங்களின் எல்லைகள், வாக்காளர் எண்ணிக்கை, குடியிருப்பு பகுதிகள் மற்றும் உள்ளாட்சி நிர்வாக எல்லைகள் உள்ளிட்டவற்றை முறையாக ஆய்வு செய்து, எவ்வித குழப்பத்திற்கும் இடமின்றி சீரான முறையில் நிர்வாகப் பிரிவுகளை மேற்கொள்ள வேண்டும் என தெரிவிக்கப்பட்டது.
தலைமைக் கழகத்தால் நியமிக்கப்பட்டுள்ள பிரதிநிதிகள், சம்பந்தப்பட்ட மாவட்டக் கழக நிர்வாகி கள் மற்றும் உள்ளூர் கழக நிர்வாகிகளுடன் கலந்தாலோசித்து, இச்சீரமைப்புப் பணிகளை கண்காணித்து வழிகாட்ட வேண்டும் என்றும் அறிவுறுத்தப்பட்டது.
மறுசீரமைக்கப்பட்ட ஒன்றிய, நகர, பகுதி மற்றும் கிளைக் கழகங்களின் விவரங்களை, வாக்காளர் எண்ணிக்கையின் அடிப்படையில்முறையாகப் பிரிக்கப் பட்ட விவரங்களுடன் சம்பந்தப்பட்ட மாவட்டக் கழக நிர்வாகத்திடம் சமர்ப்பிக்க வேண்டும் என்றும், மாவட்டக் கழக நிர்வாகம் அவற்றை ஆய்வு செய்து தேவையான திருத்தங்கள் மற்றும் பரிந்துரைகளுடன் தலைமைக் கழகத்தின் கவனத்திற்கு கொண்டு செல்ல வேண்டும் என்றும் தீர்மானிக்கப்பட்டது.
கழகத்தின் அடிப்படை அமைப்பான கிளைக் கழகங்களை வலிமையானதாகவும், ஒழுங்கானதாகவும் உருவாக்குவதற்கு இந்த நிர்வாகச் சீரமைப்பு மிகவும் முக்கியத்துவம் வாய்ந்தது என்பதால், அனைத்து நிலை கழக நிர்வாகிகளும் தலைமைக் கழகத்தின் வழிகாட்டுதல்களை முழுமையாகப் பின்பற்றி, எந்தவித பாரபட்சமுமின்றி, வாக்காளர் எண்ணிக்கைக்கு இணையான முறையில் கிளைக் கழகங்களைப் பிரித்து, நிர்வாகச் சீரமைப்புப் பணிகளை விரைந்து நிறைவேற்ற வேண்டும் என கேட்டுக்கொள்ளப்பட்டது.
தமிழ்நாட்டில் மீண்டும் திராவிட மாடல் ஆட்சியை அமைத்திடவும், கழகத் தலைவரை மீண்டும் தமிழ்நாட்டின் முதலமைச்சராகப் பொறுப்பேற்கச் செய்திடவும், ஒவ்வொரு கழகத் தோழரும் அர்ப்பணிப்புடன் கழகப் பணியாற்ற வேண்டும் என கூட்டத்தில் உறுதியேற்கப்பட்டது.கழகத்தின் ஒற்றுமையையும் கட்டுப்பாட்டையும் மேலும் வலுப்படுத்தி, தலைமைக் கழகத்தின் அனைத்து அறிவுறுத்தல்களையும் முழுமையாக செயல்படுத்தி, கழகத்தின் வெற்றிப் பயணத்தை தொடர்ந்து முன்னெடுத்துச் செல்வது எனவும் தீர்மானிக்கப்பட்டது.
இக்கூட்டத்தில், முன்னாள் சட்டமன்ற உறுப்பினரும் கழக ஆதிதிராவிடர் நலக்குழு அணிச் செயலாளருமான ஆ.கிருஷ்ணசாமி, தலைமைச் செயற்குழு உறுப்பினர் கே.ஜெ.ரமேஷ், மாநில சிறுபான்மையினர் நல உரிமைப் பிரிவு இணைச் செயலாளர் சி.ஜெரால்டு, மாவட்டக் கழக நிர்வாகி கள் வி.ஜெ.சீனிவாசன், எஸ்.ஜெயபாலன், காயத்திரி ஸ்ரீதர், பா.நரேஷ்குமார், த.எத்திராஜ், ஜி.விமல்வ
ர்ஷன், எம்.முத்தமிழ்ச்
செல்வன், வி.குமார், ஜெ.மகாதேவன், காஞ்சனா சுதாகர், எஸ்.சங்கர் , ஆவடி மாநகராட்சி மேயர் ஜி.உதயக்குமார், மாநகரச் செயலாளர் சன் பிரகாஷ், பகுதி செயலாளர்கள் ஜி. ராஜேந்திரன், பேபி சேகர், பொன் விஜயன், ஒன்றிய செயலாளர்கள் டி.தேசிங்கு, ஆர்.ஜெயசீலன், தங்கம் முரளி, ப.ச.கமலேஷ், சே.பிரேம் ஆனந்த், டி.முரளி கிருஷ்ணன், நகர செயலாளர்கள் ஜி.ஆர்.திருமலை, என்.இ. கே.மூர்த்தி, தி.வை.ரவி, பேரூர் செயலாளர் தி.வே.முனுசாமி உள்ளிட்ட நிர்வாகிகள், மாவட்ட அணிகளின் அமைப்பாளர்கள், துணை அமைப்பாளர்கள், மாநகர, ஒன்றிய, நகர, பேரூர், பகுதி கழக நிர்வாகிகள், அணிகளின் நிர்வாகி கள், வட்ட மற்றும் கிளைக் கழக செயலாளர்கள், முன்னாள், இந்நாள் உள்ளாட்சி மன்ற பிரதிநிதிகள் மற்றும் ஏராளமான கழகத் தோழர்கள் பெருந்திரளாக கலந்து கொண்டனர்.
திருவள்ளூர் மத்திய மாவட்ட தி.மு.க. செயற்குழுக் கூட்டம் ஆவடி அடுத்த பட்டாபிராம் பகுதியில் மாவட்டஅவைத்தலைவர்மா.இராஜிதலைமையில் நடைபெற்றது இதில்முன்னாள் அமைச்சரும் மாவட்டக் கழகச் செயலாளருமான ஆவடி சா.மு.நாசர் பல்வேறு கழகப் பணியில் குறித்து ஆலோசனைகளை வழங்கி சிறப்புரை ஆற்றினார்உடன்தலைமைக் கழகப் பிரதிநிதிகள் அன்னியூர் சிவா,ப.அப்துல் மாலிக் , முன்னாள் சட்டமன்ற உறுப்பினர் ஆ.கிருஷ்ணசாமி, தலைமைச் செயற்குழு உறுப்பினர் கே.ஜெ.ரமேஷ், மாநில மற்றும் மாவட்ட நிர்வாகிகள், மாநகர, ஒன்றிய, நகர, பேரூர், பகுதி கழகச் செயலாளர்கள், மாவட்ட அணிகளின் அமைப்பாளர்கள், துணை அமைப்பாளர்கள், வட்ட, கிளைக் கழகச் செயலாளர்கள், உள்ளாட்சி மன்ற பிரதிநிதிகள் மற்றும் கழக நிர்வாகிகள் திரளாகக் கலந்து கொண்டனர்.