சென்னை, செப்.6–

கழக­ முதன்­மைச் செய­லா­ள­ரும், முன்­னாள் அமைச்­ச­ரு­மான கே.என்.நேருஅவர்­கள் மீதான சோத­னையை லஞ்ச ஒழிப்­புத்­துறைமேற்­கொண்டு வரும் நிலை­யில், கழ­கத் தலை­வர் மு.க.ஸ்டாலின் அவர்­கள் தமது சமூக வலை­த­ளத்­தில் “கழ­க­மும், கே.என்.நேரு அவர்­க­ளும் புதிய அர­சின் இத்­த­கைய பூச்­சாண்­டி­க­ளுக்கெல்­லாம் அஞ்­சிட மாட்­டோம்” என்று தமது கண்­ட­னத்­தைப் பதி­விட்­டுள்­ளார்.

முத­ல­மைச்­சர் விஜய் தலை­மை­ யி­லான த.வெ.க. அரசு பத­வி­யேற்­றதுமுதல், மக்­கள் நலப்­ப­ணி­க­ளில் கடு­க­ள­வுக்­கூட கவ­னம் செலுத்­தா­மல் எதிர்க்­கட்­சி­களைப் பழி­வாங்­கும் நட­வ­டிக்­கை­க­ளில் தொடர்ந்து ஈடு­பட்டு வரு­கி­றது. சட்­டப்­பே­ர­வை­யில் அல­ற­வி­டும் எதிர்க்­கட்­சித்­த­லை­வர் உத­ய­நிதி ஸ்டாலின் அவர்களை, விஜ­யால்சமா­ளிக்க முடி­ய­வில்லை. இத­னால் ஆத்­தி­ர­ம­டைந்த விஜய், சட்­ட­மன்ற கூட்­டத்­தொ­டர் தொடங்­கு­வ­தற்கு முதல்­நா­ளன்று எதிர்க்­கட்­சித் தலை­வர் உத­ய­நிதி ஸ்டாலின் அவர்களைக் கைது செய்து அவரை முடக்க நினைத்­தார். இருப்­பி­னும், நீதி­மன்­றத்­தின் குட்டு கார­ண­மாக, உத­ய­நிதி ஸ்டாலின் விவ­கா­ரத்­தில் த.வெ.க. அரசு பின்­வாங்­கி­யது.

இந்­நி­லை­யில், த.வெ.க. அர­சின் அர­சி­யல் பழி­வாங்­கும் நட­வ­டிக்­கை­யாக முன்­னாள் அமைச்­சர் கே.என்.நேரு­வுக்குச் சொந்­த­மான இடங்­க­ளில் DVAC (லஞ்ச ஒழிப்புத் துறை) சோதனை நடத்தி வரு­கி­றது. சட்­டப்­பே­ர­வை­யில் எதிர்க்­கட்­சித் தலை­வர் உத­ய­நிதி ஸ்டாலின் அவர்கள், த.வெ.க. அரசை நோக்கி அடுக்­க­டுக்­கான கேள்­வி­களை எழுப்பி வரும் நிலை­யில், அதனை திசை­ தி­ருப்­பும் வகை­யில் DVAC சோதனை நடத்­தப்­ப­டு­வ­தாக புகார் எழுந்­துள்­ளது.

இதே­போன்று, எதிர்க்­கட்சி துணைத்­த­லை­வர் கே.என்.நேரு உள்­ளிட்­டோ­ரும் த.வெ.க. அமைச்­சர்­க­ளுக்கு உட­னுக்­கு­டன் பதி­லடி கொடுத்து வரு­வ­தால் அவரைமுடக்­கும் நோக்­கி­லும் DVAC சோத­னையைத.வெ.க. அரசு ஒரு கரு­வி­யாகப் பயன்­ப­டுத்தி வரு­கி­றது. அர­சின் தோல்­வி­களை மூடி­ம­றைக்க தி.மு.க. முன்­னாள் அமைச்­சர்­கள் உள்­ளிட்­டோர் மீது DVAC-ஐ ஏவி­ வி­டு­கி­றது த.வெ.க. அரசு.

திசை திருப்பவே சோதனை!

முத­ல­மைச்­சர் விஜய் எப்­போ­தெல்­லாம் பிரச்­ச­னை­க­ளில் சிக்­கிக்­கொள்­கி ­றாறோ, அப்­போ­தெல்­லாம் தி.மு.க. மீது DVAC-ஐ ஏவி­வி­டு­கி­றார் விஜய். சட்­டப்­பே­ர­வை­யில் முதல்­வர் விஜ­யின் செயல்­பா­டு­கள் குறித்து சமூ­க­வ­லை­த­ளங்­க­ளில் கடும் விமர்­ச­னங்­கள் எழுந்­துள்­ள­தால், அதனை திசை­தி­ருப்ப DVAC சோதனை நடத்­தப்­ப­டு­வ­தா­க­வும் அர­சி­யல் விமர்­ச­கர்­கள் தெரி­வித்­துள்­ள­னர்.

ஏற்­க­னவே முன்­னாள் அமைச்­சர்­கள்எ.வ.வேலு, செந்­தில்­பா­லாஜி தொடர்­பு­டையஇடங்­க­ளில் DVAC-ஐ ஏவி­விட்டு மக்­கள் பிரச்­சி­னை­களை திசை­தி­ருப்ப முயற்­சித் ­தது த.வெ.க. அரசு. மேலும், தி.மு.க.எம்.­எல்.­ஏ.க்­கள் அனிதா ராதா­கி­ருஷ்­ணன்,மார்க்­கண்­டே­யன் ஆகி­யோரைக் கைது செய்து நீதி­மன்­றத்தில் த.வெ.க. அரசு குட்­டு­வாங்­கி­யது. அதே­நே­ரம், அர­சி­யல் பழி­வாங்­கும் நோக்­கத்­து­டன், தி.மு.க. ஆட்­சி­யில் ஊழல் என இது­வரை தொட­ரப்­பட்ட ஒரு வழக்­கில் கூட குற்­றச்­சாட்­டு­களை நிரூ­பிக்க முடிந்­த­தில்லை என்­பதே வர­லாற்று உண்­மை­யா­கும்.

கழக முதன்மைச் செயலாளர் கே.என்.நேரு இல்லத்தில் நடந்த சோதனை ­ கு­றித்து கழ­கத் தலை­வர் மு.க.ஸ்டாலின் அவர்­கள், தமது சமூக வலை­த­ளத்­தில் பதி­விட்­டி­ருப்­ப­தா­வது:–

உயர்­நீ­தி­மன்­றத்­தில் வழக்கு நடந்­து­கொண்­டி­ருக்­கி­றது; சட்­ட­மன்­றக் கூட்­டத் தொ­ட­ரும் நடந்­து­கொண்­டி­ருக்­கி­றது.

இந்­நி­லை­யில், முழுக்க முழுக்கஅர­சி­யல் கார­ணங்­க­ளுக்­கா­கவே கழகமுதன்­மைச் செய­லா­ளர் சகோ­த­ரர் கே.என். நேரு அவர்­கள் மீதான சோதனை நட­வ­டிக்­கை­யைத் த.வெ.க. அரசு மேற்­கொண்­டுள்­ளது.

குதிரை பேரம்:

வழக்­குப் பதி­யா­தது ஏன்?

ஆட்சி அமைக்க மற்ற கட்­சி­க­ளின்சட்­ட­மன்ற உறுப்­பி­னர்­களை ராஜி­னாமாசெய்ய வைத்து, சட்­ட­மன்ற வளா­கத்­தி­லேயே அவர்­க­ளைத் தம் கட்­சி­யில் சேர்த்­த­தை­யும் குதிரை பேரம் நடத்­தி­ய­தை­யும், அது தொடர்­பான புகார்­க­ளில் லஞ்ச ஒழிப்­புத்­துறை முதல் தக­வல் அறிக்­கை­யைக் கூட பதி­யா­த­தை­யும் தமிழ்­நாட்டு மக்­கள் நன்­க­றி­வர்.

இந்­திய ஐன­நா­ய­கத்­தின் இருண்ட பக்­க­மாய் இந்­தப் போக்கு தொட­ரும் நிலை­யில் வழக்­கம்­போல் திசை­தி­ருப்­பும் நட­வ­டிக்­கை­யைக் கையில் எடுத்­துள்­ளது இந்த ரீல்ஸ் அரசு.

கே.என்.நேரு அவர்­க­ளும், கழ­க­மும் புதிய அர­சின் இத்­த­கைய பூச்­சாண்டி­களுக்­கெல்­லாம் அஞ்­சிட மாட்­டோம். சட்­டத்­தின் வழி­யில் அனைத்­தை­யும் எதிர்­கொண்டு வெல்­வோம்!

இவ்­வாறு கழ­கத் தலை­வர் மு.க. ஸ்டாலின் அவர்­கள் பதி­விட்­டுள்­ளார்.