#Title

சட்டப்பேரவையில் ஜி.ஆர்.வசந்த வேலு பேச்சு!

தார்ச் சாலை அமைத்திடுக!

உளுந்தூர்பேட்டை தொகுதி. கருவேப்பிலைபாளையம் ஊராட்சியை திருவெண்ணெய்நல்லூர் தாலுகாவிலிருந்து பிரித்து உளுந்தூர்பேட்டை தாலு காவில் இணைக்க வேண்டும். மதியனூர் முதல் நல்லாளகுப்பம் வரை உள்ள ஊராட்சி ஒன்றிய சாலையை தார்ச்சாலையாக அமைத்துத் தர வேண்டும்.

உளுந்தூர்பேட்டை தொகுதி, ஆரிநத்தம் ஊராட்சி, நல்லாளகுப்பம் ஆதிதிராவிடர் பகுதிக்கு ஆழ்துளைக் கிணறுமற்றும் மின் மோட்டாருடன்கூடிய 30000 லிட்டர் மேல்நிலை நீர்த்தேக்கத் தொட்டி அமைத்துத் தர வேண்டும். பொய்கை அரசூர் கிராமத்தில் உள்ள தரைப்பாலத்தை மேம்பாலமாக கட்டித்தர வேண்டும்.

உளுந்தூர்பேட்டை தொகுதி, சேந்தமங்கலம் முதல் எலவத்தடி வரை உள்ள ஒருவழி தார்ச்சாலையை இருவழி தார்ச்சாலையாக மாற்றித் தர வேண்டும்.

எறையூர் - அதையூர் சாலையில் உள்ள பழுதடைந்த பாலத்தினை அகற்றிபுதிய பாலம் அமைத்து தர வேண்டும்.

உளுந்தூர்பேட்டை முதல் திருவெண்ணெய்நல்லூர் வரை செல்லும் நகரப் பேருந்தை ஒட்டனந்தல் கிராமம் வரை நீட்டிக்க வேண்டும். மலட்டாறு கரையேரத்தில் உள்ள அரசூர், தென்மங்கலம், இருவேல்பட்டு, காரப்பட்டு, ஆலங்குப்பம், கண்ணாரம்பட்டு, மேல்தனியாலம்பட்டு, பொய்கைஅரசூர் ஆகிய கிராமங்களில் மலட்டாறு கரையோரம் தடுப்புச் கவர் அமைத்துத் தர வேண்டும்.

உளுந்தூர்பேட்டை தொகுதி, வேலூர் ஊராட்சி அருகில் நிலத்தடி நீரை மேம்படுத்த கெடிலம் ஆற்றின் குறுக்கே ஒரு தடுப்பணை அமைத்துத் தர வேண்டும். கிழக்கு மருதூர்

ஊராட்சிப் பகுதியில் கெடிலம் ஆற்றின் குறுக்கே ஒரு தடுப்பணை அமைத்துத் தர வேண்டும். ஊடையாநந்தல் ஊராட்சி பகுதியில் கெடிலம் ஆற்றின் குறுக்கே ஒரு தடுப்பணை அமைத்துத் தர வேண்டும். சேந்தமங்கலம் ஊராட்சிப் பகுதியில் சேதமடைந்த தடுப்பணையைப் புதுப்பித்து உயரத்தை அதிகரித்துத் தர வேண்டும்.

உளுந்தூர்பேட்டை தொகுதி, சித்தானங்கூர் ஊராட்சி, மாமாந்தூர் களர் கிராமத்தில் உள்ள சித்தேரியை புனரமைத் துத் தர வேண்டும். பிள்ளை யார்குப்பம் கிராமத்தில் தடுப்புச் சுவர் அமைத்துத் தர வேண்டும். மல்லிகா கிராமத்தில் தடுப்புச் சுவர் அமைத்துத் தர வேண்டும்.

உளுந்தூர்பேட்டை தொகுதி, கண்ணாரம்பட்டு கிராமத்தில் உள்ள தரைப்பாலத்தை மேம்பாலமாக கட்டித்தர வேண்டும். உளுந்தூர்பேட்டை தொகுதி படித்த இளைஞர்கள் வேலைவாய்ப்பு பெறும் வகையில் பேப்பர் தொழிற்சாலை ஒன்று அமைத்துத் தர வேண்டும்.

உளுந்தூர்பேட்டை தொகுதி, திருநாவலூரில் அமைந்துள்ள அரசு மேல்நிலைப் பள்ளிக்கு மாணவியர்களுக்கென்று தனியாக தங்கும் விடுதி அமைத்துத் தர வேண்டும். வேலூர் கிராமத்தில் அரசு மாதிரிப் பள்ளிக்கு அருகில் மாணவர்களுக்கு தங்கும் விடுதி ஒன்றை அமைத்துத் தர வேண்டும்.

உளுந்தூர்பேட்டை தொகுதி, மன்னார்குடி ஊராட்சியில் அமைந்துள்ள தொடக்கப் பள்ளிக்குச் செல்ல பாதை மற்றும் கழிவறை வசதிகள் அமைத்துத் தர வேண்டும். மாமந்தூர் ஊராட்சியில் அமைந்துள்ள நடுநிலைப் பள்ளிக்கு கற்றுச்சுவர் மற்றும் கழிவறை வசதி அமைத்துத் தர வேண்டும். செம்மணங்கூர் ஊராட்சியில் உள்ள அரசு ஆதிதிராவிட நல தொடக்கப் பள்ளியை நடுநிலைப் பள்ளியாக தாமுயர்த்தித் தர வேண்டும். அதையூர் அரசு மேல்நிலைப் பள்ளிக்கு கூடுதல் வகுப்பறை கட்டடம் அமைத்துத் தர வேண்டும்.

உளுந்தூர்பேட்டை தொகுதி, கூ.கள்ளக்குறிச்சி ஊராட்சி, நல்லாளக்குப்பம் கிராமத்தில் புதிய அங்கன்வாடி கட்டடம் அமைத்துத் தர வேண்டும். நல்லாளக்குப்பம் ஊராட்சி ஒன்றிய தொடக்கப் பள்ளிக்கு ஆழ்துளைக் கிணறு, கழிவறை மற்றும் சுற்றுச்சுவர் அமைத்துத் தர வேண்டும்.

உளுந்தூர்பேட்டை உணவுப்பொருள் வட்ட வழங்கல் அலுவலகத்திற்குபுதிய கட்டிடம் அமைத்துத் தர வேண்டும்.

உளுந்தூர்பேட்டை தொகுதியில் சிதிலமடைந்த நிலையில் உள்ள கிளைச் சிறையை இடமாற்றம் செய்து புதிய கிளைச் சிறை அமைத்துத் தர வேண்டும். உளுந்தூர்பேட்டையில் பொதுப் பணித் துறை (கட்டடம்), உதவிப் பொறியாளர் அலுவலக கட்டடம் அமைத்துத் தர வேண்டும்.

உளுந்தூர்பேட்டை தொகுதி, கூவாகம் ஊராட்சியில் கூத்தாண்டவர் கோவில் சுற்றுலாத் தலமாக அறிவிக்கப்பட்டுள்ள நிலையில், அக்கோவிலுக்குத் தேவையான குடிநீர், கழிவறை, தங்கும் விடுதி, பேருந்து வசதி உள்ளிட்ட அடிப்படை வசதிகளை ஏற்படுத்த வேண்டும். கூவாகம் ஊராட்சி, பாரதி நகரில் வசித்து வரும் இலங்கையைச் சேர்ந்த சுமார் 100 தமிழர் குடும்பங்களுக்கு வீட்டு மனைப் பட்டா மற்றும் குடியிருப்பு அமைத்துத் தர வேண்டும்.

உளுந்தூர்பேட்டை தொகுதி, சரவணப்பாக்கம் மற்றும் ஆணைவாரி ஊராட்சிகளில் புதிதாக நியாய விலைக் கடை கட்டடங்கள் அமைத்துத் தர வேண்டும். சேந்தநாடு, கெடிலம், செங்குறிச்சி, எறையூர், A.குமாரமங்கலம், திருபெயர், பிடாகம் போன்ற இடங்களில் விவசாய சேமிப்புக் கிடங்குகள் கட்டித்தர வேண்டும்.

உளுந்தூர்பேட்டை தொகுதி, ஆனத்தூர் ஊராட்சி, மேல்தனியாலம்பட்டு கிராமத்தில் புதிய நியாய விலைக் கடை அமைத்துத் தர வேண்டும். கிராமம் ஊராட்சியில் உள்ள சாராய மேடு பகுதியில் இயங்கி வரும் நியாய விலைக் கடைக்கு புதிய கட்டிடம் அமைத்துத் தர வேண்டும்.

உளுந்தூர்பேட்டை தொகுதி, கிரிமேடு ஊராட்சியில் மணல்மேடு பகுதிக்கு புதிய நியாய விலைக் கடை மற்றும் கட்டடம் அமைத்துத் தர வேண்டும். திருவெண் ணெய்நல்லூர் ஊராட்சி, கண்ணாரம்பட்டு ஆதிதிராவிடர் பகுதிக்கு பகுதிநேர நியாய விலைக் கடை மற்றும் புதிய கட்டடம் அமைத்துத் தர வேண்டும்.

உளுந்தூர்பேட்டை தொகுதி, தென்மங்கலம் ஊராட்சிஆதிதிராவிடர் பகுதியில் புதிய நியாய விலைக் கடை மற்றும் புதிய கட்டடம் அமைத்துத் தர வேண்டும். மாமந்தூர் ஊராட்சி, களர் கிராமத்திற்கு அரசு நேரடி நெல் கொள்முதல் நிலையம் அமைத்துத் தர வேண்டும். அங்கனூர் ஊராட்சியில் அரசு நேரடி நெல் கொள்முதல் நிலையம் அமைத்துத் தர வேண்டும்.

உளுந்தூர்பேட்டை தொகுதி, சேந்தநாடு ஊராட்சியில் உள்ள அரசு ஆரம்ப சுகாதார நிலையத்தை மேம்படுத்தப்பட்ட அரசு ஆரம்ப சுகாதார நிலையமாக தரமுயர்த்தி, தேவையான கட்டட வசதி செய்து தர வேண்டும்.

உளுந்தூர்பேட்டை தொகுதிக்குட்பட்ட மட்டிகை ஏரியை ஆழப்படுத்திட வேண்டும். மேலும், நிரந்தரமாக ரெகுலேட்டர் உடன்கூடிய தடுப்பணை ஒன்றை நரி ஓடையில் அமைத்துக் கொடுக்க வேண்டும்.

உளுந்தூர்பேட்டை தொகுதியில் பொதுப் பணித் துறைக்கு சொந்தமான 50 பாசன ஏரிகளை ஆழப்படுத்துவதுடன், வரத்து வாய்க்கால்களையும் மதகுகளையும், சீரமைத்துத் தர வேண்டும்.

உளுந்தூர்பேட்டை தொகுதி, திருநாவலூர் மேம்படுத்தப்பட்ட அரசு ஆரம்ப சுகாதார நிலையத்தை வட்டம் சாராத அரசு மருத்துமனையாக தரமுயர்த்த வேண்டும்.

இவ்வாறு ஜி.ஆர். வசந்த வேலு பேசினார்.