திருப்பூர் தெற்கு மாவட்டக் கழகச் செயற்குழுக் கூட்டம் மாவட்டக் கழக அலுவலகத்தில் மாவட்டப் பொறுப்புக் குழு உறுப்பினர், மடத்துக்குளம் சட்டமன்ற உறுப்பினர் இரா.ஜெயராமகிருஷ்ணன் தலைமையில், மாவட்டக் கழகப் பொறுப்பாளர், பொள்ளாச்சி நாடாளுமன்ற உறுப்பினர் கே.ஈஸ்வரசாமி வரவேற்புரையில் மாவட்ட இளைஞர் அணி அமைப்பாளர், உடுமலைப்பேட்டை சட்டமன்ற உறுப்பினர் மு.ஜெயக்குமார் மற்றும் மாவட்டப் பொறுப்புக் குழு உறுப்பினர்கள் முன்னிலையில் நடைபெற்றது. இக்கூட்டத்தில் கழகத் துணைப் பொதுச் செயலாளர், முன்னாள் அமைச்சர் மு.பெ.சாமிநாதன், கழக மறுசீரமைப்பின் தலைமைக் கழகப் பிரதிநிதிகள் கழகக் கொள்கைப் பரப்பு இணைச் செயலாளர் வி.சி.சந்திரகுமார், கழகத் தகவல் தொழில்நுட்ப அணி துணைச் செயலாளர் இசை ஆகியோர் கருத்துரை வழங்கினர். இதில் மாநில நிர்வாகிகள், தலைமைச் செயற்குழு, பொதுக்குழு உறுப்பினர்கள், ஒன்றிய, நகர, பேரூர் கழக செயலாளர்கள், பொறுப்பாளர்கள், கழக சார்பு அணிகளின் அமைப்பாளர்கள், தலைவர்கள் மற்றும் சிறப்பு அழைப்பாளர்கள் பலர் கலந்து கொண்டனர்.