நாகர்கோவில். செப். 6 –
தமிழக சட்டமன்றத்தில், பேரவைத் தலைவர் இல்லாதபோது பேரவை துணைத்தலைவர் அவையை வழி நடத்துவார். இவர்கள் இருவரும் இல்லாதபோது மாற்று பேரவைத் தலைவர்கள் அவையை வழி நடத்துவார்கள். அந்த வகையில் கடந்த 2ம்தேதி தமிழக சட்டசபையின் மாற்று பேரவை தலைவராக (மாற்று சபாநாயகர்) தமிழக வெற்றிக் கழகத்தை சேர்ந்த திருப்பூர் வடக்கு தொகுதி பெண் எம்.எல்.ஏ. சத்யபாமா நியமிக்கப்பட்டு சபாநாயகர் இருக்கையில் அமர்ந்து சபையை நடத்தினார்.
த.வெ.க. ஆட்சியில் தான், தமிழ்நாடு சட்டமன்ற வரலாற்றில் முதல் முறையாக பெண் உறுப்பினர் ஒருவர் சபையை நடத்தி உள்ளார் என சமூக வலைதளங்களில் அந்த கட்சியினர் பரப்பி வருகிறார்கள். ஆனால் இதற்கு முன், கடந்த 2006 –- 2011ல் தி.மு.க. ஆட்சியின் போது, அப்போதைய திருவட்டார் தொகுதி மார்க்சிஸ்ட்
கம்யூனிஸ்ட் எம்.எல்.ஏ.வாக இருந்த லீமாரோஸ் சபையை நடத்தியுள்ளார்.
கடந்த 2009ல் சட்டமன்ற கூட்டத்தொட ரில் சமூக நலத்துறை மானிய கோரிக்கை நடைபெற்றது. அந்த சமயத்தில் சபாநாயகர், துணை சபாநாயகர் இல்லாததால், லீமாரோஸ் மாற்று சபாநாயகராக இருந்து சிறிது நேரம் சபையை நடத்தினார். எனவே பெண் உறுப்பினர் சபையை நடத்துவது இது முதல் முறை அல்ல என சமூக வலைதளங்களில் பலரும், த.ெவ.க.வுக்கு பதிலடி கொடுத்து வருகிறார்கள். த.வெ.க.வினர் ரீல்ஸ் போட்டு ரீல் விடுவதை நிறுத்திக் கொள்ள வேண்டும் என அரசியல் கட்சிகளை சேர்ந்தவர்களும் எச்சரித்து உள்ளனர்.
லீமா ரோஸ் பேட்டி!
இதுகுறித்து முன்னாள் எம்.எல்.ஏ.
லீமாரோஸ் கூறுகையில், ‘‘கடந்த 2009ம் ஆண்டு சட்டமன்ற கூட்டத்தொடரின் போது அப்போதைய சபாநாயகர் ஆவுடையப்பன் சபையில் இல்லை. துணை சபாநாயகரும் இல்லை. அப்போது எனது கட்சி சார்பில் மாற்று சபாநாயகருக்கான பட்டியலில் எனது பெயர் இருந்தது. அதன்பேரில் சமூக நலத்துறை மானிய கோரிக்கையின் போது நான் அமர்ந்து சபையை நடத்தும் வாய்ப்ைப பெற்றேன்.
எனவே பெண் உறுப்பினர்கள் சபையை நடத்துவது இது முதல் முறை அல்ல. காங்கிரஸ் கட்சியின் யசோதாவும் மாற்று தலைவராக இருந்துள்ளார். அதற்கு முன் வேறு சில பெண் உறுப்பினர்களும் சபையை நடத்தியதாக கூறுகிறார்கள். அது தொடர்பான விபரம் எனக்கு தெரிய வில்லை. த.ெவ.க. அரசு தான் ஏதோ, வரலாற்று சாதனை செய்தது போல் ெபாய் பிரசாரம் செய்கிறார்கள். சட்டசபையில் உள்ள மூத்த அதிகாரிகள், மூத்த உறுப்பினர்களுக்கு இது பற்றிய விபரங்கள் முழுமையாகத் தெரியும்’’ என்றார்.