புதுக்கோட்டை, செப்.6–
இந்திய குடியரசின் முன்னாள் தலைவரும், தலைசிறந்தகல்வியாளருமான டாக்டர் இராதாகிருஷ்ணன் பிறந்தநாளை ஆசிரியர் தினமாகக் கொண்டாடி மகிழும் ஆசிரியப் பெருமக்கள் அனைவருக்கும் தமிழ்நாடு தொடக்கப்பள்ளி ஆசிரியர் மன்றத்தின் மாநில பொதுச்செயலாளர் மன்றம்நா.சண்முகநாதன் தனது ஆசிரியர் தின நல்வாழ்த்துக்களை தெரிவித்துள்ளார். இது குறித்து அவர் விடுத்துள்ள வாழ்த்து செய்திக் குறிப்பில் கூறியுள்ளதாவது:
மாணவர்களின் சமூக சிந்தனையை வடிவமைக்கும் சிற்பியாக செயல்படுபவர்கள் ஆசிரியர்கள் ஆவார்கள். மாணவர்களின் கல்வி, ஒழுக்கம், எதிர்காலத்தை வடிவமைப்பதில் முக்கிய
பங்காற்றுபவர்கள் ஆசிரியர்களே. அவர்களுக்கு நன்றி செலுத்தும் வகையில்நடைபெறும் இந்நன்னாளில் மாணவர்களின் எதிர்காலத்தை உருவாக்கும் ஆசிரியர்களின் தியாகத்தை,உழைப்பை நாம் அனைவரும் போற்றுவோம்.
ராதா கிருஷ்ணன் விருது பெற்ற விருதாளர் களை வாழ்த்துவோம். ஆசிரியர்களின் நீண்ட நாள் நிறைவேற்றப்படா மல் உள்ள கோரிக்கைகளை உடனடியாக நிறைவேற்று வதற்கான அறிவிப்பினை தமிழக அரசு வெளியிட்டு ஆசிரியர்களின் வாழ்வில் ஒரு வசந்தத்தினை ஏற்படுத்தி தர வேண்டும்.
குறிப்பாக ஆசிரியர் தகுதித் தேர்வில் இருந்து முழு விலக்கு பெற துரிதமான நடவடிக்கை எடுத்திட வேண்டும். இடைநிலை ஆசிரியர்களின் ஊதிய முரண்பாடுகளை அகற்றிடவும், ஆசிரியர்களின் ஊக்க ஊதிய உயர்வினை வழங்கிடவும்தமிழ்நாட்டின் கல்வி வளர்ச்சியில் முக்கிய பங்காற்றும் ஆசிரியர்களுக்கு தமிழக அரசு ஆசிரியர் தின விழாவில் முன்வர வேண்டும்.
இவ்வாறு நா. சண்முகநாதன் கோரிக்கை விடுத்துள்ளார்.
தூத்துக்குடி மாவட்டம் - எட்டையாபுரம் ஸ்ரீ வெங்கடேஸ்வரா பல்கலைக்கழகம் வேளாண்மை அறிவியல் கல்லூரியில் இறுதி ஆண்டு பயிலும் மாணவிகள் விளாத்திகுளம் சட்டமன்ற உறுப்பினர் ஜீ.வி.மார்க்கண்டேயனை சந்தித்து வேளாண்மை செய்முறை பணி அனுபவ திட்டம் குறித்து ஆலோசித்தனர். மேலும் விளாத்திகுளம் அம்பாள் கோசாலையில் மாணவிகளின் நடைமுறை பயிற்சிக்காக மாதிரி மற்றும் பரிசோதனை பயிர்களை சாகுபடி செய்வதற்கு பயன்படுத்திக் கொள்ளுமாறு ஆலோசனை செய்தார்.