சுதந்திரப் போராட்ட வீரரும், சுதேசி கப்பல் நிறுவனத்தைத் தொடங்கி ஆங்கிலேயர்களின் ஆதிக்கத்திற்கு எதிராகப் போராடியவருமான கப்பலோட்டிய தமிழன் வ.உ.சிதம்பரனார் அவர்களின் புகழை போற்றும் விதமாக பரமக்குடியில் நடைபெற்ற நிகழ்ச்சியில் அவரது திருவுருவ சிலைக்கு இராமநாதபுரம் மாவட்ட கழக செயலாளர் சட்டமன்ற உறுப்பினர் காதர் பாட்ஷா முத்துராமலிங்கம் பரமக்குடி சட்டமன்ற உறுப்பினர் வழக்கறிஞர் கதிரவன் மலர் மாலை அணிவித்து மரியாதை செலுத்தினர். இதில் முன்னாள் சட்டமன்ற உறுப்பினர் கே.வி.ஆர். ராம்பிரபு உட்பட கழக மாவட்டத் துணைச் செயலாளர் கே கருப்பையா மாநில மாவட்ட ஒன்றிய நகர கிளைக் கழக நிர்வாகிகள், உள்ளாட்சி பிரதிநிதிகள் மற்றும் பொதுமக்கள் கலந்து கொண்டு மரியாதை செலுத்தினர்.