சென்னை, செப்.7–
சென்னை கிழக்கு மாவட்டக் கழக ஆலோசனைக் கூட்டம் 5.9.2026 சனிக்கிழமை அன்று காலை 11.00 மணியளவில், மாவட்ட அவைத் தலைவர் கோ. ஏகப்பன் தலைமையில் நடைபெற்றது.
இக்கூட்டத்தில் தலைமைக்கழக பிரதிநிதிகள் பேரா. ஜெ. கான்ஸ்டன்டைன் ரவீந்திரன் எம்.பி., ஆஸ்டின் எம்.எல்.ஏ. மற்றும் சென்னை கிழக்கு மாவட்டக் கழகச் செயலாளர் பி.கே. சேகர்பாபு ஆகியோர் சிறப்புரையாற்றி னர்.
மேலும், இக்கூட்டத்தில் மேயர் பிரியா ராஜன், வழக்கறிஞர் தாயகம் கவி, அ. வெற்றி அழகன், ஜோசப் சாமுவேல், ப.ரங்கநாதன், கே.எஸ். ரவிச்சந்திரன், தமிழன் பிரசன்னா, பி.கே. மூர்த்தி, எம். விஜயகுமார், கே.எஸ்.எம். நாதன், கே.சந்துரு, சி.மகேஷ் குமார், வே.உமாகாந்தன், என்.பி.எம். ஷேக் அப்துல்லா, ஆர்.வரதன், தேடல். புருஷோத்த மன்,
மாவட்ட நிர்வாகிகள்: கோ. ஏகப்பன், ஜி.எம். தேவன், புனிதவதி எத்திராஜன், இசட். ஆசாத்,
பகுதிக் கழகச் செயலாளர்கள்: செ.தமிழ்வேந்தன், எம்.சாமிகண்ணு, ஐ.சி.எஃப். வ. முரளிதரன், எ.நாகராஜன், கூ.பீ.ஜெயின், வே.வாசு, சொ.வேலு, எஸ்.ராஜசேகர், டி.எஸ்.பி. ராஜகோபால், எம்.டி.ஆர். நாகராஜ், எஸ். முரளி,
பொதுக்குழு உறுப்பினர்கள்: டி.வி. செம்மொழி, சாவித்திரி வீரராகவன், கோ. மணி, ஏ.பி. பூர்ணிமா, ரமேஷ் (எ) நீலகண்டன், எம். இப்ராஹீம் கனி, இரா. கலைச்செல்வி, சரிதா மகேஷ் குமார், அ. நிர்மலா தேவி,
மாவட்ட அணிகளின் அமைப்பாளர்கள்: வானவில் விஜய், ஜெ. பாலமுருகன், க. வினோத், எஸ். தனசேகர், ஜி.ஜே. பிரபு, பி. ஸ்ரீராமுலு, நா. ரஞ்சித், விஜயா லயன், ஜி. தாமோதரன், கு. கிருஷ்ணமூர்த்தி, து.ஆயிரம், பி. விஜயகுமார், எல். சம்பத் குமார், எம். விநாயகம், ம. அசோக் குமார், சுதா தீனதயாளன், ராஜேஸ்வரி ஸ்ரீதர், டாக்டர் ஜி. சாந்தகுமாரி மற்றும் கழக நிர்வாகிகள், மாமன்ற உறுப்பினர்கள், வட்டக் கழகச் செயலாளர்கள், செயல்வீரர்கள், முன்னோடிகள் கலந்து கொண்டு சிறப்பித்தனர்.
இக்கூட்டத்தில் நிறைவேற்றப்பட்ட தீர்மானங் கள் வருமாறு:–
தீர்மானம் – 1
ஆகஸ்ட் 22 ஆம் நாள் சென்னை அண்ணா அறிவாலயத்தில் நடைபெற்ற திராவிட முன்னேற்றக் கழகத்தின் தலைமைச் செயற்குழுக் கூட்டத்தில், கழகத் தலைவர் அவர்கள் ஆற்றிய உரையில்,
“நாம் பார்க்காத வெற்றியும் இல்லை; நாம் பார்க்காத தோல்வியும் இல்லை. தேர்தலில் தோல்வி அடைந்திருக்கிறோமே தவிர, அது நிரந்தரமானது அல்ல. கழகத்தின் எதிர்காலத்தைத் திட்டமிட நமக்குக் கிடைத்துள்ள கால அவகாசமாக இதனை எடுத்துக் கொள்வோம்” என்று குறிப்பிட்டார்.
மேலும், முத்தமிழறிஞர் கலைஞர் அவர்கள் ஒருமுறை, “இந்தக் கருணாநிதியின் வாழ்வு முடிந்தா லும், திராவிட முன்னே ற்றக் கழகத்தின் வாழ்வு முடியாது; அதனை அதன் அமைப்புதான் காப்பாற்றும்” என்று கூறிய வரிகளைச் சுட்டிக்காட்டி, அந்த அடிப்படையில் கழகத்தின் அமைப்பு முறையில் மிகப்பெரிய சீரமைப்பை மேற்கொண்டு, கழகத்தை மேலும் வலிமைப்படுத்துவதற்கான பணிகளை முன்னெடுத்து வரும் கழகத் தலைவர் அவர்களை மனமாரப் பாராட்டி, இக்கூட்டம் ஒருமனதாகத் தீர்மானம் நிறைவேற்றுகிறது.
தீர்மானம் – 2
சென்னை அண்ணா அறிவாலயத்தில் கழகத் தலைவர் அவர்கள் தலைமையில் நடைபெற்ற தலைமைச் செயற்குழுக் கூட்டத்தில் நிறைவேற்ற ப்பட்ட கழக நிர்வாகச் சீரமைப்புத் தீர்மானத்தின் அடிப்படையில், மாவட்ட, பகுதி மற்றும் வட்டக் கழகங்களின் மறுசீரமைப்பு தொடர்பாக கழகத் தலைமை மேற்கொள்ளும் அனைத்து முடிவுகளுக்கும் முழுமையாகக் கட்டுப்பட்டு, கழகத்தின் வளர்ச்சிக்கும் வலிமைக்கும் ஒருங்கிணைந்து தீவிரமாகப் பணியாற்றுவது என இக்கூட்டம் ஒருமனதாகத் தீர்மானம் நிறைவேற்றுகிறது.
தீர்மானம் – 3
தந்தை பெரியார் அவர்களின் பிறந்த நாள், பேரறிஞர் அண்ணா அவர்களின் பிறந்த நாள் மற்றும் திராவிட முன்னேற்றக் கழகம் தொடங்கப்பட்ட நாள் ஆகிய மூன்று வரலாற்றுச் சிறப்புமிக்க நிகழ்வுகளை யும் இணைத்து, “பெரியார் – அண்ணா – கழகம்” என்ற உணர்வோடு, செப்டம்பர் 15 ஆம் தேதி சென்னை அண்ணா அறிவாலயத்தில் நடைபெறும் முப்பெரும் விழாவில், சென்னை கிழக்கு மாவட்டக் கழகத்தினர் பெருந்திரளாகப் பங்கேற்பது எனவும்,
மேலும், அன்றைய தினம் காலை சென்னை கிழக்கு மாவட்டம் முழுவதும் வட்டங்கள் தோறும் கழகக் கொடியேற்றி, தந்தை பெரியார், பேரறிஞர் அண்ணா மற்றும் முத்தமிழறிஞர் கலைஞர் ஆகியோரின் கொள்கை வழியை மக்களிடம் எடுத்துச் செல்லும் வகையில் பல்வேறு நலத்திட்ட உதவிகளை வழங்கி, முப்பெரும் விழாவை எழுச்சியுடனும் சிறப்புடனும் கொண்டாடுவது என இக்கூட்டம் ஒருமனதாகத் தீர்மானம் நிறைவேற்றுகிறது.