சென்னை, செப்.7 –
சட்டப்பேரவையில் முதல்வர் விஜய் கொண்டு வந்த - “வழக்காடு மொழியாக தமிழுக்கு முன்னுரிமை அளிக்கவேண்டும் எனும் ஒன்றிய அரசை வலியுறுத்தும்” தனித் தீர்மானம் மீதான விவாதத்தில் கலந்து கொண்டு பேசிய கழகக் கொறடா
எ. வ.வேலு அவர்கள், “ நமது தமிழ்நாட்டுக்கு தமிழ்நாடு எனப் பெயர் சூட்டியது திராவிட முன்னேற்றக் கழகமும் பேரறிஞர் அண்ணா அவர்களும் தான்!” என்று ஆணித்தரமாகக் குறிப்பிட்டார்.
சட்டப்பேரவையில் அவர் பேசியதாவது :-
மாண்புமிகு பேரவைத் தலைவர் அவர்களே, முதலமைச்சரால் கொண்டு வரப்பட்ட இந்தத் தனித் தீர்மானத்தை திராவிட முன்னேற்றக் கழகத்தின் சார்பாக முழுமனதோடு நாங்கள் வரவேற்கிறோம். அதில் ஒன்றும் மாற்றம் இல்லை.
நாடுசுதந்திரம் அடைவதற்கு முன்னால், ‘சென்னை ராஜஸ்தானி’ என்றுதான் இருந்தது. அப்பொழுது கேரளா, கர்நாடகா, தமிழ்நாடு, பக்கத்தில்இருக்கிற முழு ஆந்திரா, ஒரிசா மாநிலத்தின் ஒரு சில பகுதிகள் ஆகியவைதான், அப்போது ‘சென்னைராஜஸ்தானி’ என்று இருந்தது. அதற்குப் பிறகு, மொழிவாரி மாநிலமாக மாற்ற வேண்டுமென்ற கோரிக்கையைஒன்றிய அரசாங்கத்தில் வைத்தபொழுது, கன்னடம் பேசுகிற பகுதிகளையெல்லாம் கர்நாடகா என்றும், மலையாளம் பேசுகிற பகுதிகளை கேரளா என்றும், ஒரியா பேசுகிற பகுதிகளை அங்கே சேர்த்துவிட்டு, தெலுங்கு பேசுகிற இடங்களை ஆந்திரா என்றும், தமிழ்நாட்டை தமிழ்நாடு என்றும்அப்போதுகூடவரவில்லை. அப்போதுகூட என்னவென்றால், Madras State என்று ஆங்கிலத்தில்சொன்னார்கள்.அதே நேரத்தில், மெட்ராஸ் மாநிலம்என்றுதான் சொல்லிக் கொண்டிருந்தார்கள்.
அதற்குப் பிறகுதான், பேரறிஞர் அண்ணாஅவர்கள் 1967-ல் ஆட்சிப் பொறுப்பேற்றவுடனேயே, இதே மாமன்றத்தில் ‘நான் சட்டத்தைநிறைவேற்றிவிட்டு, தமிழ்நாடு, தமிழ்நாடு, தமிழ்நாடு என்று மூன்று முறை சொல்வேன், நீங்கள் வாழ்க! வாழ்க! வாழ்க!’ என்று ஒட்டுமொத்தமாகச் சொல்ல வேண்டும் என்று சொல்லி, இந்த மாமன்றத்தில் பேரறிஞர் அண்ணாஅவர்கள்தான் தமிழ்நாடு என்று பெயர் வைத்தார்கள். அதிலிருந்து, தமிழ்நாடு என்று பெயர்வைக்கவேண்டும் என்றுதான் ஒவ்வொரு தமிழருடைய எண்ணமும் இருக்கிறது. எனவே, நம்முடைய முதலமைச்சர் அவர்கள் கொண்டுவந்திருக்கிற இந்தத் தீர்மானத்தில், ‘தமிழ்நாடு’ என்று இணைத்தால்இன்னும் சிறப்பாக இருக்கும் என்பது திராவிட
முன்னேற்றக் கழகத்தினுடைய கருத்து, இதுஒன்று.
இங்கே பேசுகிறபோது நம்முடையமாண்புமிகுஅமைச்சர் அவர்கள், இது வரலாறு என்று சொன்னார்கள். பொதுவாக, இந்த மாமன்றத்தில், நாம்தீர்மானங்களை நிறைவேற்றுகிறோம்,
சட்டங்களை நிறைவேற்று கிறோம். ஆனால், சில சட்டங்கள்முழுமையடைந்தால் நாமே ஆணை பிறப்பிப்பதில்லை. இங்கிருந்து ஆளுநருக்கு அனுப்புகிறோம். ஆளுநரின்பரிந்துரையின்பேரில் குடியரசுத் தலைவருக்குப் போகிறது. குடியரசுத் தலைவரின் ஒப்புதலோடுவருகிறபோது, அது சட்டமாக மாறுகிறது. இது நீதிமன்றம் சம்பந்தப்பட்டதாக இருக்கிற காரணத்தினால், குடியரசுத் தலைவர்கள் உச்ச நீதிமன்றத்திற்குத்தான் அனுப்புகிறார்கள். அப்படித்தான்உச்ச நீதிமன்றத்திற்கு அனுப்பப்பட்டு, சில நேரங்களில் அது தடையைப் பெற்றது.
அதனால், இப்போது நாம் தீர்மானமாக நிறைவேற்றினாலும்கூட, இதனைக் கோரிக்கையாகத்தான் வைக்க முடியும். ஆளுநர் மூலமாக அல்லது குடியரசுத் தலைவர்மூலமாக அல்லது உச்ச நீதிமன்றம் சென்றால்தான் இது முழுமையடையும். அப்படியென்றால், அவ்வாறுமுடிந்தால்தான் இது வரலாறாக இருக்கும். நாங்கள் இப்போது வரலாறு வேண்டாமென்று சொல்லவில்லை.இதை உங்களுடைய ஆட்சிக் காலத்தில் கொண்டுவந்தால், வரலாறு என்று சொல்லலாம். அதில் ஒன்றும்தவறு இல்லை. இப்பொழுது வரலாறாக இருப்பதற்கு வாய்ப்பு இல்லை. இது கோரிக்கைதான். அதனால், இதில் ‘தமிழ்நாடு’ என்பதை இணைத்தால் இன்னும் சிறப்பாக இருக்கும்.
இவ்வாறு அவர் பேசினார்.