சென்னை, செப்.6–
தென்காசி மாவட்டத்தில் டெங்கு காய்ச்சல் பரவலைத் தடுத்திட அரசு முகாம்கள் அமைத்து, தீவிர நட வடிக்கை எடுக்க வேண்டும் என்று சட்டப்பேரவையில் கழக உறுப்பினர் ஈ.ராஜா வலியுறுத்தினார்.
சட்டப்பேரவையில் அவர் பேசியதாவது:
தென்காசி மாவட்டத்தில், டெங்கு காய்ச்சல் பாதிப்பால் தொடர்ச்சியாக, கடையநல்லூர், சங்கரன்கோவில் இப்போது வாசுதேவநல்லூரிலும் இறப்பு ஏற்பட்டு இருக்கிறது.
சிவகிரி தாலுகா, விஸ்வநாதபேரி ஊராட்சியைச் சேர்ந்த திருமதி கிருஷ்ண குமாரி என்பவர் நேற்று இறந்திருக்கிறார். அதைக் கட்டுப்படுத்துவதற்கு அரசு தீவிர நடவடிக்கை எடுக்க வேண்டும். முகாம்கள் அமைக்க வேண்டும்.
கொசு ஒழிப்பு பணியாளர்களெல்லாம் நம்முடைய வீட்டிற்கு வரும்போது, பொதுமக்களும் அவர்களுக்கு போதிய ஒத்துழைப்பு கொடுத்து, அவர்களை வீட்டைப் பார்வையிட செய்து, அவர்கள் கண்களுக்குத் தெரியாத சில இடங்களில் எங்கெங்கெல்லாம் தண்ணீர் தேங்கி இருக்கிறதோ அதையெல்லாம் அப்புறப்படுத்தி, அதோடு கொசு மருந்து, வீட்டிற்குள்ளே யும் கொசு மருந்து அடிக்க வேண்டிய தேவை இருக்கிறது.
ஏனென்றால், பகலில் கடிக்கின்ற கொசுவால்தான் அது ஏற்படுகிறது. அதற்கான முயற்சிகளை யும் நாம் அனைவரும் சேர்ந்து ஒரு கூட்டு முயற்சியாக அந்த டெங்குவை நாம் கட்டுப்படுத்துவோம்.
வாசுதேவநல்லூர் சட்டமன்றத் தொகுதி என்பது மேற்குத் தொடர்ச்சி மலை அடிவாரத்தில் உள்ளது. அங்குள்ள பகுதியில் அதிகமாக ஆடு, மாடுகளை மேய்ச்சலுக்காக அழைத்து செல்வது வழக்கம். ஆனால், தற்போது பசுமை தீர்ப்பாயம் ஒரு கிலோ மீட்டருக்கு. . . பயன்படுத்தக்கூடாது என்று சொல்லியிருக்கிறார்கள். ஆனால், நம்முடைய கால்நடைத் துறை அமைச்சர் அவர்களும், வனத் துறை அமைச்சர் அவர்களும் கலந்துபேசி, அங்கு மேய்ச்சல் புறம்போக்கு களில் ஆடு, மாடுகளை மேய்ப்பதற்கு அனுமதி பெற்று தர வேண்டும்.
வாசுதேவநல்லூர் சட்டமன்றத் தொகுதிக்குட்பட்ட வீரசிகாமணி பகுதியில் கால்நடை மருத்துவ மனை அமைத்துத் தர இயலுமா? என்று தங்கள் வாயிலாகக் கேட்டு அமர்கின்றேன்.
இவ்வாறு அவர் பேசினார்.