சென்னை, செப்.8–
சென்னையில் த.வெ.க. பிரமுகர் படுகொலை குறித்து எதிர்க்கட்சித் தலைவர் உதயநிதி ஸ்டாலின் அவர்கள் தமது சமூக வலைதளத்தில் ‘‘குற்றவாளிகள் தஞ்சம் அடையும் குப்பைத் தொட்டி த.வெ.க.’’ என்றும் ‘‘தலைநகரிலேயே சீரழியும் சட்டம் ஒழுங்கு’’ என்றும் விமர்சனம் செய்துள்ளார்.
சென்னை அடையாறு வண்ணாந்துறை பகுதியைச் சேர்ந்தவர் 45 வயதான கண்ணன். த,வெ,க, நிர்வாகி யான இவர், 6,9,2026 அன்று இரவு மர்ம நபர்களால் ஓட ஓட விரட்டி படுகொலை செய்யப்பட்டார். இந்த சம்பவம் தொடர்பாக போலீசார் வழக்குப்பதிவு செய்து அங்கிருந்த சி.சி.டி.வி. கேமராவில்பதிவான காட்சிகளை வைத்துமூன்று தனிப்படைகள் அமைத்து குற்றவாளிகளை தேடி வந்தனர்.
அதன்படி, இந்த கொலை சம்பவத்தில் அதே பகுதியைச் சேர்ந்த 5 பேரை போலீசார் துப்பாக்கி முனையில் கைது செய்துள்ளனர்.அவர்களிடம் நடத்தப்பட்ட விசாரணையில், கடந்த 2009ஆம் ஆண்டு சிவா என்பவரை கண்ணன் தலைமையிலானகும்பல் கொலை செய்ததாகக் கூறப்படுகிறது. இந்த முன் விரோதம் காரணமாக சிவா குடும்பத்தைச் சேர்ந்தவர்கள் நேற்றுமுன்தினம் கண்ணனை கொலை செய்துள்ளதாகத் தெரியவந்துள்ளது. இந்த சம்பவம் குறித்து போலீசார் அவர்களிடம்தொடர்ந்து விசாரணை நடத்திவருகின்றனர்.
இந்த சம்பவத்திற்கு எதிர்க்கட்சித் தலைவர் உதயநிதி ஸ்டாலின் அவர்கள் கண்டனம் தெரிவித்து தனது சமூக வலைதள எக்ஸ் பக்கத்தில் தெரிவித்துள்ளதாவது:–
“நாளை முதலமைச்சர் காவல்துறை மானியக் கோரிக்கை விவாதம் மீது பதிலுரை அளிப்பதற்கு முன்பாக அவரது கட்சிப் பிரமுகர் ஒருவரே தலைநகரில் கொலைக்கு ஆளாகியுள்ளார். அதுவும், தனது உயிருக்குப் பாதுகாப்பு வேண்டி ஆளும் த.வெ.க. வில் இணைந்த சரித்திரப் பதிவேடு குற்றவாளி சாலையில் ஓட ஓட விரட்டிக் கொல்லப்பட்டுள்ளார். இதுதான் தமிழ்நாட்டின் ‘வெற்றி சட்டம்- ஒழுங்கு’ நிலை!
தலைநகரிலேயே சாலையில், இப்படி ஒரு கொலை நடக்கும் அளவு சட்டம்–ஒழுங்கு சீர்கெட்டுப் போயிருப்பதைநினைத்து வருந்துவதா? இல்லை, சரித்திரப் பதிவேடு குற்றவாளிகள் எல்லாம் தஞ்சமாகும் குப்பைத் தொட்டியாகத் த.வெ.க.இருப்பதைநினைத்து வருந்துவதா? இதற்கும் தி.மு.க.வை
எப்படி குற்றம் சொல்லலாம் என யோசிப்பதை நிறுத்திவிட்டு, பொதுமக்களின் பாதுகாப்பை உறுதிசெய்வதற்கான நடவடிக்கைகளை அரசு மேற் கொள்ள வேண்டும்.
இவ்வாறு எதிர்க்கட்சித் தலைவர் உதயநிதி ஸ்டாலின் அவர்கள் தமது சமூக வலை தளத்தில் பதிவிட்டுள்ளார்.