திருவாரூர், செப்- 8 –
திருவாரூர் மாவட்ட செயற்குழு கூட்டம் மாவட்ட அவைத்தலைவர் க.தன்ராஜ் தலைமையில் நடைபெற்றது. முன்னாள் அமைச்சர் டி.ஆர்.பி.ராஜா, தலைமை கழகப் பிரதி நிதிகள் முன்னாள் சட்டமன்ற உறுப்பினர் இள.புகழேந்தி, மாநில செய்தி தொடர்பு இணை செயலாளர் தமிழன் பிரசன்னா மற்றும் மாவட்ட துணை செயலாளர்கள் எம்.எஸ்.கார்த்திக், எம்.ராமகிருஷனண் , சாந்தி பாஸ்கர், பொருளாளர் மு.வெங்க டேசன் முன்னிலை ஏற்றனர்.
மாவட்டச் செயலாளர் பூண்டி. கே. கலைவாணன் எம்.எல்.ஏ. கூட்டத்தின் நோக்கங்கள் குறித்து பேசினார்.
கூட்டத்தில் கழக தலைமைச் செயற்குழு கூட்டத்தில் எடுக்கப்பட்ட தீர்மானங்களின்படி எடுக்கப்பட்ட முடிவுகளை செயல்படுத்துதல் குறித்த வழிகாட்டு நெறிமுறைகளை தலைமை கழக பிரதி நிதிகள் தெளிவாக எடுத்து கூறினார்.
இதனை வழிமொழிந்த மூத்த நிர்வாகிகல் தலையாமங்களம் ஜி. பாலு, வீ.அன்பரசன், பால.ஞானவேல், ஆர்.எஸ். பாண்டியன், வாரை.பிரகாஷ், எம்.எஸ்.கார்த்திக் உள்ளிட்ட ஒன்றிய , நகர பேரூர் செயலாளர்கள் அந்த முடிவுகளை மனப்பூர்வமாக ஏற்றுக்கொண்டு, பேசும் போது, எங்களுக்கு சமுதாயத்தில் அடையாளத்தை கொடுத்தது இந்த இயக்கம், இந்த இயக்கம் மேலும் வலுப்பெற கழகம் எடுக்கும் அனைத்து முடிவு களையும் வரவேற்று, அதற்கு கட்டுப்பட்டு நடப்போம் என நெகிழ்ச்சியோடு பேசினர்.
மேலும் அவர்கள் தங்களின் கழகப்பணிகளையும் கருத்துக்களையும் பகிர்ந்து கொண்டனர். மேலும் தங்களுக்கு பொருப்பபுக்கள் இல்லை என்றாலும் கழகம் கொடுக்கும் அங்கீகாரத்தை ஏற்றுக்கொண்டு தொண்டனாக இருந்து கழக்கப்பணி ஆற்றுவோம் என்றும் உறுதி அளித்தனர். மற்றும் இளைஞர் அணி அமைப்பாளர் பணகுடி ஏ.எஸ்.குமார், அயலாகஅணி அமைப்பாளர் ஆர்.வி. ஆனந்த், சிறுபான்மைப் பிரிவு அமைப்பாளர் தாஜூதீன் ஆகியோரும் தலைமைக்கழக முடிவை வழிமொழிந்து பேசினார்.
கூட்டத்தில் “ கழக முப்பெரும் விழாவை முன்னிட்டு ஒன்றிய, நகர, பேரூர் மற்றும் கிளை வார்டு கழகங்களில் கழக கொடி ஏற்றி சிறப்போடு கொண்டாடுதல், கழக தலைமை செயற்குழு கூட்டத்தில் நிறைவேற்றப் பட்ட தீர்மானங்களின்படி அனைத்து பகுதியிலும் அதிக உறுப்பினர்களை குறிப்பாக இளைஞர்கள், மாணவர்கள், பெண்களை சேர்தல், ஒன்றிய நகர பகுதிகளை கழகத்தை மேலும் வலுப்படுத்த கழக தலைவரின் வழிகாட்டுதல்களின்படி பிரித்து செயல்பட முழு ஒத்துழைப்பினை தருவது, புதிதாக ஏற்படுத்தப்படும் ஒன்றிய நகர பகுதிகளுக்கும், கழகாதலைமையின் முடிவின்படியான வயது நிர்ணயத்தின் படியும் புதிதாக வரவிருக்கும் நிர்வாகிகளில் அதிக அளவில் இளைஞர்களுக்கும் இளம் பெண்களுக்கும் வழிவிட்டு கழகத்திற்கு புது ரத்தம் பாய்ச்சும் நோக்கத்தில் செயல்படுவது” உள்ளிட்ட தீர்மானங்கள் நிறை வேற்றப்பட்டன.
இறுதியில் தலைமை கழக பிரதிநிதியாக வந்திருந்த மாநில செய்தி தொடர்பு இணை செயலாளர் தமிழன் பிரசன்னா மண்ணின் மைந்தர் முத்தமிழறிஞர் கலைஞர் அவர்கள் கழகத்தின் எதிர்பாராத தோல்வியின் போது , துரோகம் செய்தவர்கள் குறித்தும்தோல்வியில் துவளாத கழக உடன்பிறப்புக்களின் அயராத பணிகள் குறித்தும் உடன்பிறப்புக்களுக்கு முரசொலியில் எழுதிய கடிதம் ஒன்றை வாசித்து கழக்கத்தினரை உற்சாகப்படுத்தினார்.
முடிவில் மாவட்ட துணை செயலாளர் வழக்கறிஞர்எம்.ராமகிருஷனண் நன்றிகூறினார்.