திருச்சி, செப். 8–
திருச்சி தி.மு.க. மத்திய, கிழக்கு, வடக்கு, தெற்கு மாவட்ட செயற்குழுக் கூட்டம் திருச்சியில் உள்ள கலைஞர் அறிவாலயத்தில் நடைபெற்றது. கழக முதன்மை செயலாளரும், முன்னாள் அமைச்சருமான கே.என்.நேரு தலைமையில் நடைபெற்ற இந்த கூட்டத்தில் முன்னாள் அமைச்சரும் தெற்கு மாவட்ட செயலாளருமான் அன்பில் மகேஷ், மற்றும் மாவட்ட செயலாளர்கள், செயற்குழு உறுப்பி னர்கள் கலந்து கொண்டனர்.
தி.மு.க. மறு சீரமைப்பு பணி தொடர்பாக நடந்த செயற்குழு கூட்டத்தில் திமுக தலைமையிலிருந்து மாவட்ட பொறுப்பாளர்களாக நியமிக்கப்பட்டூ ள்ள எம் எல் ஏ, வேடச்சந்தூர் சாமிநாதன், முன்னாள் எம் எல் ஏ வேலுச்சாமி முன்னிலையில் இந்த கூட்டம் நடைபெற்றது.
கூட்டத்தில் கழக முதன் மைச் செயலாளரும் சட்டமன்ற எதிர்க்கட்சி துணைத் தலைவருமான கே.என்.நேரு, பேசும்போது:–
“திமுக தலைவராக மு க ஸ்டாலின் பொறுப்பேற்ற பின்பு நடைபெற்ற அனைத்து தேர்தல்களிலும் திருச்சி திமுக நூறு சதவீதம் வெற்றியை பெற்றது 2026 சட்டமன்ற தேர்தலில் தான் நாம் ஏழு தொகுதிகளை இழந்துள்ளோம் மீண்டும் அந்த தொகுதிகளை நாம் வெற்றி பெற வேண்டும் அதற்காகத்தான் இந்த கூட்டம்.
இனி வரும் காலங்களில் நாம் ஒன்றாக இணைந்து செயல்பட்டு வெற்றி பெற வேண்டும்
மாநகரத்திற்கு இனி செயலாளர் கிடையாது. பகுதி செயலாளர்கள் மட்டுமே பல மறுசீரமைப்பை தலைமை அறிவித்துள்ளது. அதன்படி செயல்பட வேண்டும் வயது மூத்த
வர்களுக்கு இனி பதவி கிடைக்காது என யாரும் வருத்தப்பட வேண்டாம் அனைவருக்கும் பொறுப்புகள் வழங்கப்படும் என தலைவர் தெரிவித்துள்ளார். நீங்கள் இருந்தால்தான் திமுக வெற்றி பெற முடியும் நீங்கள் தான் திமுக.
அனைவரும் ஒற்றுமையாக இருந்து செயல்படுவோம் உங்களுக்காக நான் அனைத்து ஒத்துழைப்பையும் வழங்குவேன் என தெரிவித்தார்
தெற்கு மாவட்ட கழக செயலாளர் முன்னாள் அமைச்சர் அன்பில் மகேஷ் பேசும்போது:–
எனக்கு ஒன்று என்றால் நேருவும் அவருக்கு ஒன்று என்றால் நானும் கழகத்திற்கு ஒன்று என்றால் நாங்கள் இருவரும் சேர்ந்து நிற்போம்.
தி.மு.க. என்கிற ஆலமரத்தை யாராலும் அசைத்து பார்க்க முடியாது.
நேருவின் தளபதியாக செயல்பட்டு இனி எந்த தேர்தல்கள் வந்தாலும் 100 சதவீதம் வெற்றி பெற செய்ய வேண்டும் என்பதற்காக தான் இந்த கூட்டம்.
என்னையும் நேருவையும் பொன்னர் சங்கர் என ஸ்டாலின் கூறுவார்.
ஆளுங்கட்சியாக இருந்தாலும் எதிர்கட்சியாக இருந்தாலும் தொண்டர்களுக்கு தி.மு.க. பாதுகாப்பு வளையமாக இருக்கும்.
அண்ணன் நேரு வீட்டில் நடந்த சோதனையின் போது நான் அங்கு இருந்தேன். அந்த ஏழு மணி நேரத்தில் நிறைய பாடத்தை கற்று கொண்டேன்.
திருச்சி கிழக்கு இடை தேர்தல் வரும் போது தேர்தலில் வெற்றி பெற முழு ஒத்துழைப்பை வழங்க வேண்டும்.
தி.மு.க. காலத்துக்கு ஏற்றவாறு தன்னை தகவமைத்து கொண்டதால் தான் இன்னும் இயக்கம் நிலைத்து நிற்கிறது.
நமக்கு எதிராக இருப்பவர்கள் பொய்யர்களாகவே இருக்கிறார்கள் அவர்களை நாம் எதிர்கொள்ள வேண்டும் என்றார்.
கூட்டத்தில் மத்திய மாவட்ட செயலாளர் வைரமணி, வடக்கு மாவட்ட செயலாளர் காடுவெட்டி தியாகராஜன்
எம்.எல்.ஏ. கதிரவன், மேயர் அன்பழகன், துணை மேயர் திவ்யா தனுஷ்கோடி, முன்னாள் எம்.எல்.ஏ.க்கள் அன்பில் பெரியசாமி. சௌந்தர பாண்டியன். கே.என்.சேகரன், ஸ்டாலின் குமார், பழனியாண்டி, அவைத்தலைவர்கள் அம்பிகாவதி, பேரூர் தர்மலிங்கம், பண்ணப்பட்டி கோவிந்தராஜன், முத்துச்செல்வம், வண்ணை அரங்கநாதன், மதிவாணன், குடமுருட்டி சேகர், துரைராஜ், டோல்கேட் சுப்பிரமணி, விஜயா ஜெயராஜ், லீலா வேலு, மயில்வாகனன், ஆனந்த், தர்மன், ராஜேந்திரன், துரைராஜ், சித்ரா, பாரிவள்ளல், கருணை ராஜ், காஜாமலை, விஜய் கண்ணன் உட்பட கழக நிர்வாகிகள் பலர் கலந்து கொண்டனர்.
கூட்டத்தில் சென்னை அண்ணா அறிவாலயத்தில் நடைபெற்ற தலைமை செயற்குழு கூட்டத்தில் நிறைவேற்றப்பட்ட தீர்மானத்தின் படி நமது திருச்சி மத்திய கிழக்கு மேற்கு தெற்கு மாவட்டங்களில் உள்ள அனைத்து ஒன்றிய நகர பேரூர் மற்றும் மாநகர வட்டக் கழகங்களில் மறு சீரமைப்பு பணிகளை தலைமை கழகத்தின் வழிகாட்டுதலின்படி விரைவாகவும் சிறப்பாகவும் செய்து சீரமைப்பு செய்யப்பட்ட பட்டியல்களை தலைமைக் கழகத்தில் விரைவில் ஒப்படைப்பது என தீர்மானிக்
கப்பட்டது என்ற தீர்மானம் நிறைவேற்றப்பட்டது.