சென்னை, செப். 8–
முதல்வர் பரிந்துரை செய்தபிறகும் எதிர்க்
கட்சியினருக்கு பதிலளிக்க சபாநாயகர் மறுத்தது அதிர்ச்சி யளிக்கிறது என்று பேரவையில் இருந்து வெளிநடப்பு செய்த மனித நேய ஜனநாயக கட்சித் தலைவர் தமீமுன் அன்சாரி அளித்த பேட்டியில் குறிப்பிட்டார்.
சட்டப் பேரவையில் இருந்து வெளிநடப்பு செய்த மனிதநேய ஜனநாயக கட்சித் தலைவர்
தமீமுன் அன்சாரி அளித்த பேட்டி வருமாறு:–
கடந்த வெள்ளிக் கிழமை அமர்வு முதல் சட்டசபையில் திங்கள்கிழமை என்ன நடக்கும் என்ற பரபரப்பில், தமிழ்நாட்டில் மட்டுமல்ல, நாடு கடந்த தமிழ்நாட்டைச் சார்ந்த மக்களும் இருந்தார்கள். அந்த எதிர்பார்ப்பு என்பது ஆரோக்கியமான விடைகளைத் தரக்கூடியதாக அமையும் என்றுதான் எங்களைப் போன்றவர்களுமே எதிர்பார்த்திருந்தோம்.
வெள்ளிக்கிழமை அன்று, கடந்த வியாழக்கி ழமை அன்று எதிர்க்கட்சித் தலைவர் அவர்கள் இந்த அரசு மீது பல்வேறு கேள்விகளை எழுப்பினார். எதிர்க்கட்சித் தலைவர் என்பது கேள்விகளை எழுப்புவதற்காக அவர்களுக்குத் தந்த வாய்ப்பைப் பயன்படுத்துவது என்பது எதார்த்தமானது. அந்த அடிப்படையில் தான் அவர் பல்வேறு சட்ட ஒழுங்கு குறித்த கேள்விகளை எழுப்பினார்.
நேற்றைய தினம் கூட தலைநகர் சென்னையில், ஆளுங்கட்சியை... தமிழக வெற்றிக் கழகத்தைச் சேர்ந்த ஒருவர் அநியாயமாக வெட்டிக் கொல்லப்பட்டிருக்கிறார். அந்த அளவுக்கு தலைநகரிலேயே ஒரு அசாதாரணமான ஒரு சூழல் ஏற்பட்டிருக்கக்கூடிய நிலையில்தான், இன்றைய தினம் போலீஸ்துறை மானியக் கோரிக்கையின் மீது நம்முடைய முதல்வர் அவர்கள் பதிலளிக்கத் தொடங்கினார். கிட்டத்தட்ட 53 நிமிடங்களில் அவர் பதிலளித்தார்.
எழுதி தயாரிக்கப்பட்ட உரையையும் வாசித்தார். தானாகவே இருந்து பல்வேறு கருத்துக்களையும் சொன்னார்கள். அவர் கூறியதிலே சிலகருத்துக்கள் உண்மையாக இருக்கலாம், சில கருத்துக்கள் மிகையாக இருக்கலாம், சில கருத்துக்கள் உண்மைக்கு மாறானதாக இருக்கலாம்.
ஆனால், முன்னாள் முதல்வர்களைப் பற்றியெல்லாம் குற்றச்சாட்டு களை எழுப்புகின்றபோது, அந்தச் கட்சியைச் சேர்ந்தவர்கள் நியாயமாக எதிர்ப்பு தெரிவிப்பது வழக்கம். அவர்கள் எப்படி அமைதியாக இருப்பார்கள்? அதே நேரத்தில், எதிர்க்கட்சியினர் தங்களுடைய எதிர்ப்பை வெளிப்படுத்தக்கூடிய நேரத்தில், மீண்டும் சபாநாயகர்ட்ட எதிர்க்கட்சித் தலைவர் அவர்கள் ‘ இந்தக் கருத்து சம்பந்தமாக பேசுவதற்கு ஒரு வாய்ப்பை’ கேட்கிறார்.
சட்டசபை என்பது ஜனநாயகம் தானே? கடந்த வியாழக்கிழமை கூட பொதுப்பணித்துறை அமைச்சர் எ.வ.வேலு அவர்கள், “அதாவது சந்தேகம் இல்லாமல் இருக்க முடியாது, பேசிவிட்டு சண்டை போட முடியாது. இது ஜனநாயக களத்தில் ஆரோக்கியமான சண்டை இருக்கலாம்” என்று அவரே சொன்னார். அந்த அடிப்படையில் தான் இன்றைய தினம் முதல்வர் பேசி அமர்ந்ததுக்கு அப்புறம் எதிர்க்கட்சித் தலைவர் வாய்ப்பு கேட்கிறார்.
அப்போ வாய்ப்பு மறுக்கப்படுகிறது. மறுபடியும் திமுகவினர் தங்களுடைய ஆட்சேபணையையும் வெளிப்படுத்துறாங்க. ஜனநாயகத்தில் அதுவும் ஒரு அம்சம். அவங்க ஏதாவது வன்முறையில் ஈடுபட்டாங்களா? ஏதாவது அராஜகத்தில் ஈடுபட்டாங்களா? அதாவது தர்ணா என்பது நாடாளுமன்றத்திலும், சட்டமன்றத்திலும் இயல்பாக நடக்கக்கூடியது. வன்முறை செய்தால்தான் தவறு.
ஆனால் என்ன செய்தாங்க? ஒரு கட்டத்தில் வந்து முதலமைச்சரே தலையிடுறார். முதல
மைச்சரே தலையிட்டு என்ன சொல்றார்னா, “அவங்களுக்கு பதில் சொல்லக்கூடிய வாய்ப்பைத் தாருங்க”ங்கிறார். ஒரு முதலமைச்சரே அவருக்கு பதில் சொல்லக்கூடிய வாய்ப்பைத் தாருங்க என்கின்ற பொழுது, அது ஒரு பரிந்துரை. சபாநாயகருக்கு வானளாவிய அதிகாரம் இருக்கிறது என்பது வேறு விஷயம்.
ஆனால், உடனடியாக சபாநாயகர் இருக்கையிலேயே கோபப்பட்டார்.கோபப்பட்டு, “நான் தான் முடிவு செய்வேன். உங்களுக்கு அனுமதி இல்லை” அப்படிங்கிறார். அதன் பிறகு தான் இறுதிக்கட்டமாக அவங்க வெளிநடப்பு செய்றாங்க.
திமுகவினர் வெளிநடப்பு செய்த பிறகு, நானும் கொங்கு மண்டல மக்கள் தேசியக் கட்சியினுடைய பொதுச்செயலாளர் ஈஸ்வரன் அவர்களும், மனிதநேய மக்கள் கட்சியின் தலைவர் பேராசிரியர் ஜவாஹிருல்லா அவர்களும், “இந்த போக்குகள் முற்றிலும் சரியற்ற போக்கு. ஏனென்றால் ஒரு முதலமைச்சரே பரிந்துரைக்கிறார். ஒரு முதலமைச்சரே பரிந்துரைக்கும் போது கூட, வானளாவிய அதிகாரம் தங்களிடம் இருக்கிறது என்ற ஒரே காரணத்திற்காக சபாநாயகர் அதை மறுக்கலாமா?”
இந்த சபாநாயகரைத் தான் இந்த கூட்டத்
தொடர்ல எதிர்க்கட்சியினரும் பாராட்டினாங்க, ஆளுங்கட்சியினரும் பாராட்டினாங்க. நேற்று கூட நாங்களெல்லாம் இந்த சபாநாயகரின் நடத்தை குறித்து பாராட்டினோம். அவர் ஆளுங்கட்சியை சேர்ந்தவராக தேர்ந்தெடுக்கப்பட்டவராக இருந்தாலும், அவருடைய நடவடிக்கை நன்றாக இருந்தது என்று சொல்லி. ஆனால் இன்று அவர் நடந்து கொண்டது, முதலமைச்சரே பரிந்துரைத்த பிறகு அவர் நடந்து கொண்டது உண்மையிலேயே எங்களுக்கு அதிர்ச்சியாக இருக்கிறது.
நாங்கள் வந்து எந்திரிச்சு வாய்ப்பு கேட்கிறோம். “எங்களுடைய கருத்துக்களை சொல்ல விடுங்க, எங்களுடைய கருத்துக்களை பேச அனுமதியுங்க” என்று சொல்லி கேட்கிறோம். அதற்கு வாய்ப்பு மறுக்கிறார்கள். அப்புறம் சபாநாயகர் என்ன சொல்றார்னா என்னை அழைக்கிறார். சபைக்கும் முன்பாக நடந்தது. என்னை அழைத்து, கூப்பிட்டு “என்ன விஷயம்?”னு கேட்கிறார்.
அப்ப நான் சொல்றேன், “முதலமைச்சர் வாய்ப்பு தாங்கனு சொன்ன பிறகும் கூட, நீங்க வந்து ஒரு எதிர்க்கட்சித் தலைவருக்கு பேச வாய்ப்பு மறுப்பது நியாயம் இல்லைண்ணே. அதை நாங்க தயவுசெய்து பேசணும், அவங்களுக்கு மீண்டும் வாய்ப்பு கொடுங்க”னு சொன்னால், “அதெல்லாம் முடியாது” அப்படிங்கிறார்.
நான் இருக்கைக்கு போயிட்டேன். ஏன்னா ஏதாவது ஒரு வகையில் வாய்ப்பு தருவாங்கனு. மீண்டும் எந்திரிச்சு வாய்ப்பு கேட்கிறேன். முதல்வர் உட்கார்ந்திருக்கார், அவை முன்னவரைப் பார்த்தும் சொல்றேன், “நீங்களும் கொஞ்சம் பரிந்துரைங்க”. ஜனநாயகத்துல காரசாரமான விவாதங்கள் இருக்கலாம், தவறில்லை. வரம்பு மீறாமல் இருக்கணும் அவ்ளோதான்.
ஆனால் திமுகவினர் எதிர்க்கட்சி என்ற அடிப்படையில் அவங்க வெளிநடப்பு செய்திருக்காங்க. முக்கியமாக அவங்க வெளிநடப்பு செய்தது, முதலமைச்சருடைய உரையை எதிர்த்து அல்ல. அதை யாரும் தவறாக விளங்கிக் கொள்ளக் கூடாது. அவங்க முதலமைச்சரின் உரைக்கு மாற்றுக்கருத்து சொல்லணும்னு சொல்லி கேட்கிறாங்க. ஒரு முதலமைச்சரே வாய்ப்பை பரிந்துரை செய்த பிறகும் சபாநாயகர் மறுத்தது தவறு என்கிற அடிப்படையில் தான் வெளிநடப்பு செய்தாங்க.
இதை பேசுவதற்கு நானும் எழுந்து வாய்ப்பு கேட்கிறேன். அவை முன்னவர் அண்ணன் அமைச்சர் செங்கோட்டையன் அவர்கள்ட்டயும் சுட்டிக் காட்டினேன், “பரிந்துரை பண்ணுங்க”னு. அவங்களும் “உட்காருங்க உட்காருங்க, வாய்ப்பு தரலாம்”ங்கிறாங்க. ஆனால் ரெண்டு முறை உட்கார்ந்தும் வாய்ப்பு கிடைக்கல. அதன் பிறகுதான், இந்த சபாநாயகர் அவர்களுடைய இந்த நடவடிக்கை என்பது ஏற்றுக்கொள்ளத்தக்கது அல்ல.
ஒரு நல்ல சபாநாயகர் கிடைத்தார் என்று நாமெல்லாம் எப்போதும் பாராட்டுகிறோம் அவரை. நான் எதுவும் குறை சொல்லல. ஆனால் இன்று நடந்த விதம் என்பது, சபாநாயகருக்கு இவ்வளவு கோபம் வரலாமா? சபாநாயகர் என்பவரே எல்லா உறுப்பினர்களுடைய பாதுகாப்பையும்உறுதி செய்யக்கூடியவரே, அவரை நம்ம எல்லாருமேகொண்டாடுறோம், இப்போதும் மதிக்கிறோம், இப்போதும் கொண்டாடுறோம். ஆனால்இவ்வளவு கடுமையைக் காட்டியிருக்கக் கூடாது. இது நல்லதல்ல என்பதுதான் எங்களுடைய கருத்து. அதைக் கண்டித்து மனிதநேய ஜனநாயக கட்சியின் சார்பில் நாங்கள் வெளிநடப்பு செய்கிறோம்.
இவ்வாறு அவர் கூறினார்.