தஞ்சை வடக்கு மாவட்ட தி.மு.க. செயற்குழுக் கூட்டத்தில் மாவட்டக் கழகப் பொறுப்பாளர் சாக்கோட்டை க.அன்பழகன் கூட்டத்தின் நோக்கம் குறித்து சிறப்புரையாற்றினார். இதில் தலைமைக் கழகத்தால் நியமிக்கப்பட்டுள்ள மறுசீரமைப்பு குழுவின் நிர்வாகிகள் ஜி.பி.ராஜா, மாலதி நாராயணசாமி ஆகியோர் கழக மறுசீரமைப்புப் பணிகள் குறித்து எடுத்துரைத்தனர். கூட்டத்தில் சு.கல்யாணசுந்தரம் எம்.பி., முன்னாள் எம்.பி. இராமலிங்கம், மாவட்டக் கழக நிர்வாகிகள் க.நசீர்முகமது, கோவி.அய்யாராசு, எஸ்.துரைமுருகன், மாநகரச் செயலாளர் சு.ப.தமிழழகன், தலைமைச் செயற்குழு உறுப்பினர் குட்டி இரா.தெட்சிணாமூர்த்தி, மாநில கழக நிர்வாகிகள் ஆடுதுறை மு.உத்திராபதி, இராம.விஜயன் உள்ளிட்ட ஒன்றிய, பகுதி மற்றும் பேரூர் செயலாளர்கள், மாவட்ட சார்பு அணிகளின் நிர்வாகிகள் பங்கேற்றனர்.