கள்ளக்குறிச்சி வடக்கு மாவட்டக் கழகச் செயற்குழு ஆலோசனைக் கூட்டம், மாவட்டக் கழக அவைத் தலைவர் ஆ.ஜெ.மணிக்கண்ணன் தலைமையில், நேற்று முன்தினம் செப்டம்பர் 06 ஞாயிற்றுக்கிழமை அன்று மாவட்டக் கழக அலுவலகத்தில் நடைபெற்றது. இக்கூட்டத்தில் வடக்கு மாவட்ட கழகச் செயலாளர் தா.உதயசூரியன் தலைமைக் கழக பிரதிநிதிகள் ஆர்.டி.அரசு, கே.பி.சங்கர், ஆகியோர் கலந்து கொண்டு கழக நிர்வாக சீரமைப்பு தொடர்பாகவும், முப்பெரும் விழா தொடர்பாகவும் மற்றும் கழக ஆக்கப் பணிகள் குறித்தும் பல்வேறு ஆலோசனைகளை வழங்கினார்கள். மேலும் இக்கூட்டத்தில் தே.மலையரசன் எம்.பி., ஜி.ஆர்.வசந்தவேல் எம்.எல்.ஏ., மாநில மகளிர் அணி துணைச் செயலாளர் ஆ.அங்கையற்கண்ணி மற்றும் மாநில, மாவட்டக் கழக நிர்வாகிகள், தலைமைச் செயற்குழு, பொதுக்குழு உறுப்பினர்கள், ஒன்றிய, நகர, பேரூர்க் கழகச் செயலாளர்கள், சார்பு அணி அமைப்பாளர்கள், மாவட்ட இளைஞரணி துணை அமைப்பாளர்கள் என அனைவரும் திரளாக கலந்து கொண்டனர்.