கள்ளக்குறிச்சி தெற்கு மாவட்டக் கழக செயற்குழு ஆலோசனைக் கூட்டம், மாவட்ட கழக அவைத்தலைவர் கே.இராமமூர்த்தி தலைமையில், செப்டம்பர் 06 ஞாயிற்றுக்கிழமை அன்று மாவட்டக் கழக அலுவலகத்தில் நடைபெற்றது. இக்கூட்டத்தில் கள்ளக்குறிச்சி தெற்கு மாவட்டக் கழகச் செயலாளர், ரிஷிவந்தியம் சட்டமன்ற உறுப்பினர் வசந்தம் க.கார்த்திகேயன், தலைமைக் கழக பிரதிநிதிகள் ஆர்.டி.அரசு, கே.பி.சங்கர், ஆகியோர் கலந்து கொண்டு கழக நிர்வாக சீரமைப்பு தொடர்பாகவும், முப்பெரும் விழா தொடர்பாகவும் மற்றும் கழக ஆக்கப் பணிகள் குறித்தும் பல்வேறு ஆலோசனைகளை வழங்கினார்கள். மேலும் இக்கூட்டத்தில் மாநில, மாவட்டக் கழக நிர்வாகிகள், தலைமைச் செயற்குழு, பொதுக்குழு உறுப்பினர்கள், ஒன்றிய, நகர, பேரூர் கழக செயலாளர்கள், சார்பு அணி அமைப்பாளர்கள், மாவட்ட இளைஞரணி துணை அமைப்பாளர்கள் என அனைவரும் திரளாக கலந்து கொண்டனர்.