சேலம், செப். 9 –
சேலம் கிழக்கு மாவட்ட கழக செயற்குழு கூட்டம் வாழப்பாடியில் உள்ள தளபதி மு.க.ஸ்டாலின் அறிவாலயம் கலைஞர் அரங்கில் மாவட்ட கழக அவைத் தலைவர் மு.ரா.கருணாநிதி தலைமையில் நடைபெற்றது.
இக்கூட்டத்திற்கு தலைமைக் கழகப் பிரதிநிதி களான, கழக சட்டத்திட்டத் திருத்தக்குழு செயலாளர் வழக்கறிஞர் இரா.கிரிராஜன் எம்.பி, மற்றும் கழக தகவல் தொழில்நுட்ப அணி மாநில துணை செயலாளர் அழகிரி சதாசிவம் ஆகியோர் முன்னிலை யில் வகித்தனர். இக்கூட்டத்திற்கு சிறப்பு அழைப்பாளராக கிழக்கு மாவட்டச் செயலாளர் எஸ். ஆர். சிவலிங்கம் எம். பி., கலந்து கொண்டு சிறப்புரை யாற்றினார்.
இக்கூட்டத்தில் மாவட் டக் கழக நிர்வாகிகள், தலைமைக் கழக செயற்குழு, பொதுக்குழு உறுப்பினர்கள், நகர, ஒன்றிய, பேரூர், கழக செயலாளர்கள், மாவட்ட பிரதிநிதி கள், முன்னாள், இன்னாள் நாடாளுமன்ற, சட்டமன்ற உறுப்பினர்கள், கழக சார்பு அணி அமைப்பாளர்கள் கழக முன்னோடிகள் உள்ளிட்டோர் பங்கேற்ற இக்கூட்டத்தில் நிறைவேற்றப்பட்ட தீர்மானங்கள்:-
தி.மு.க முப்பெரும் விழா
செப்டம்பர் மாதம் 15-ம் நாள் நம்மையெல்லாம் ஆளாக்கிய அறிவுலகமேதை தமிழ் இனத்தின் காவலராக தமிழ்மொழி காத்த பேரறிஞராக, தமிழ் பண்பாட்டின் சின்னமாக, ஒடுக்கப்பட்ட மக்களின் உரிமைக்காக போராடிய தமிழ் இனபோராளியாக, திராவிட இனத்தின் உரிமைக் குரலாக, அன்றைய இந்திய பிரதமராக இருந்த நேரு அவர்களே வியக்கத்தக்க வகையில் இந்திய பாராளுமன்றத்தின் மைய மண்டபத்தில் ஒலித்த அந்த குரல் ஒட்டு மொத்த இந்தியாவே திரும்பி பார்க்கவைத்த பேரறிஞர் அண்ணாவின் எழுச்சி உரை நம் இனத்திற்கு பெருமை சேர்த்தது என்பது வரலாற்றில் வரையப்பட்ட ஒன்று.
தந்தை பெரியாரின் எண்ணங்களை லட்சியங்களை பட்டிதொட்டியெங்கும் பறைசாற்றி பகுத்தறிவு கொள்கைகளை பாமர மக்கள் மனதில் வேர் ஊன்ற செய்த மகத்தான மேதை பேரறிஞர் அண்ணா அவர்கள்.
ஏழை, எளிய மக்களின் நலனுக்காக உரிமைக்காக தமிழ் இனத்திற்கு, தமிழ் மொழிக்கு பாதுகாப்பு கேடயமாக திராவிட முன்னேற்ற கழகம் என்ற பேரியக்கத்தை தொடங்கி வைத்தவர். ஏழைகளின் சிரிப்பில் இறைவனைக் காணமுடியும் என்ற நம்பிக்கை ஊட்டிய பெருந்தகை நம் அண்ணா! அவர் தொடங்கிய இந்த இயக்கம் 75 ஆண்டுகளை கடந்து, அவர் விதைத்த விதை இன்று கற்பக விருட்சகமாக, ஆலமரமாக, கம்பீரமாக காட்சியளிக்கிறது.
நம் வாழ்விற்கு வழிகாட்டியாக நம் இனம், மொழிக்கு உலக அளவில் பெருமை சேர்த்த பேரறிஞர் பெருந்தகை அறிவுலக ஆசான், காஞ்சி தந்த கரிபால்டி, தத்துவமேதை பேரறிஞர் அண்ணாவின் பிறந்தநாள் செப்டம்பர் 15.
தமிழர்களுக்கு முகவரி தந்த பகுத்தறிவு பகலவன், ஆண்டான் - அடிமை, பிறப்பால் தாழ்ந்தவன் - உயர்ந்தவன், தொட்டால் தீட்டு, நிழல் பட்டால் குற்றம்
என்று தமிழர்களை இழிவுபடுத்தி வந்த வர்ணாசிரம வாதிகளை வரட்டு சித்தாந்தம் பேசிய ஆதிக்க சக்திகளின் ஆணிவேரையே அகற்றிய பகுத்தறிவு சிங்கம் நம் தந்தை பெரியார்.
மூட நம்பிக்கை என்ற முட நாற்றத்தையே முலையிலே தூக்கி வீசியவர். ஏன் எதற்காக என்ற கேள்வியை தமிழனை கேட்க வைத்து தன்மான உணர்வை உணரவைத்தவர் வைக்கம் வீரர் தந்தை பெரியார் 95 வயது வரை தன் இறுதி மூச்சு அடங்கும் வரை ஓய்வின்றி தன் லட்சியங்களை தமிழினம் காக்க முழங்கிய திராவிட இனத்தின் சுடரொளி தந்தை பெரியார் பிறந்த தினம் செப்டம்பர்17.
நம் இரத்த நாளங்களில் உயிர் மூச்சில் ஒன்றென கலந்து நம் இனத்திற்காக மொழிக்காக தமிழர்களின் உரிமைக்காக தொடங்கப்பட்ட திராவிட முன்னேற்ற கழகம் என்ற பேரியக்கம் தோன்றிய நாள் செப்டம்பர் 17.
பேரறிஞர் அண்ணா பிறந்தநாள், தந்தை பெரியார் பிறந்தநாள், கழகம் தொடங்கிய நாள் ஆகிய மூன்றும் இணைந்து திராவிட முன்னேற்ற கழகத்தின் சார்பில் ஒவ்வொரு ஆண்டும் முப்பெரும் விழாவாக கொண்டாடப்படுகிறது. இயக்கத்திற்காக உழைத்த சான்றோர்களுக்கு விருதுகள் வழங்கி சிறப்பிக்கும் விழாவாக வருகின்ற செப்டம்பர் 15-ம் நாள் சென்னை அண்ணா அறிவாலயம், கலைஞர் அரங்கில் சிறப்பாக நடைபெற உள்ளது. அதுசமயம் சேலம் கிழக்கு மாவட்ட தி.மு.க சார்பில் நகர, ஒன்றிய, பேரூர், கிளை கழகங்கள் சார்பாக இருவண்ண கொடியேற்றி, இனிப்புகள் வழங்கி, நலதிட்ட உதவிகள் வழங்குவது எனவும், அதனை தொடர்ந்து சென்னை அண்ணா அறிவாலயம் “கலைஞர் அரங்கில்” நடைபெறும் முப்பெரும் விழாவில் சேலம் கிழக்கு மாவட்டத்திற்குட்பட்ட கழக தோழர்கள் திரளாக கலந்து கொண்டு சிறப்பிப்பது எனவும் இம்மாவட்ட கழகம் ஏகமனதாக தீர்மானிக்கிறது.
பெரியார் காட்டிய பகுத்தறிவுப் பாதை! அண்ணா காட்டிய ஜனநாயகப் பாதை! கலைஞர் காட்டிய சமூகநீதிப் பாதை!
இந்த கொள்கைகளை நெஞ்சில் ஏந்தி, தமிழ்நாட்டின் உரிமைகளையும், மக்களின் நலனையும், சமூகநீதியையும் பாதுகாத்து வரும் வணக்கத்திற்கும், போற்றுதலுக்கும் உரிய பேரியக்கத்தின் ஒப்பற்ற கழகத் தலைவர் தளபதி.மு.க.ஸ்டாலின் அவர்களின் வழிகாட்டுதலின்படி, சிறப்பாக மக்கள் பணியாற்றுவோம்.
பெரியார் புகழ் ஓங்குக!
அண்ணா புகழ் ஓங்குக!
கலைஞர் புகழ் ஓங்குக! திராவிட இயக்கக் கொள்கைகள் வெல்க!
தமிழ்நாடு வாழ்க! தமிழ் வெல்க!
செப்டம்பர் மாதம் 15ம் நாள் சென்னை அண்ணா அறிவாலயம் “கலைஞர் அரங்கில் நடைபெற உள்ள நிலையில் ஆண்டுதோறும் வழங்கப்படும் தி.மு.க. முப்பெரும் விழாவில் விருது பெறுவோர்
பெரியார் விருது
கழக விவசாய அணி துணைச் செயலாளர் கு.செல்லப்பா அவர்களுக்கும்
அண்ணா விருது
சேலம் மாவட்ட கழக மூத்த முன்னோடி, நகர செயலாளராக, மாவட்ட கழக அவைத்தலைவராக, நகரமன்ற உறுப்பினராக, கூட்டுறவுதுறை என பல்வேறு பொருப்புகள் வகித்து தலைமை கழகமும், மாவட்ட கழகமும் இடுகின்ற பணிகளை சிறப்பாக செய்து வருகின்ற சேலம் ஜி.கே.சுபாஷ் அவர்களுக்கும்
கலைஞர் விருது
திராவிட முன்னேற்றக் கழகத்தின் கொள்கை மாறாத் தன்மையோடு, தமிழ்நாட்டின் உரிமைக் குரலாய், வரலாற்றையும், தரவுகளையும் துல்லியமாக எடுத்துரைத்து, மேடைப் பேச்சுகள் கேட்போரை மெய்சிலிர்க்க வைக்கும் ஆற்றல் கொண்ட கழக துணைப் பொதுச்செயலாளரும், தி.மு.க மாநிலங்களவை குழுத் தலைவருமான திருச்சி சிவா. ,M.A.B.L அவர்களுக்கும்,
பாவேந்தர் விருது
கழக மருத்துவர் அணித் தலைவரும், முன்னாள் மாநிலங்களவை உறுப்பினருமான அவர்களுக்கும் டாக்டர்.திருமதி.கனிமொழி என்.வி.என்.சோமு அவர்களுக்கும்
பேராசிரியர் விருது
கழக தலைமைச் செயற்குழு உறுப்பினர் மிசா எஸ்.அகமது தம்பி அவர்களுக்கும்
மு.க.ஸ்டாலின் விருது
கழக இளைஞர் அணி துணைச் செயலாளர் நா.இளையராஜா அவர்களுக்கும்.
முரசொலி செல்வம் விருது
முரசொலி அறக்கட்டளை சார்பில் ஊடகவியலாளரும், எழுத்தாளருமான ப.திருமாவேலன் அவர்களுக்கும்
15.09.2026-ல் விருது பெரும் அனைத்து சான்றோர்களுக்கும் சேலம் கிழக்கு மாவட்ட தி.மு.க சார்பில் பாராட்டுகளையும், வாழ்த்துக்களையும் தெரிவித்து கொள்வதோடு, இத்தைய சிறப்புமிக்க விருது அறிவித்த ஒப்பற்ற கழகத் தலைவர், திராவிட நாயகர், தளபதியார் அவர்களுக்கு மனமார்ந்த நன்றியும், வணக்கத்தையும் தெரிவித்து கொள்கிறோம்.
மேலும் இக்கூட்டத்தில் மாவட்ட துணை செயலாளர்கள் சுரேஷ்கு மார், சின்னதுரை, டாக்டர் தருண், மலர்விழி ராஜா, தே. மலையரசன் எம். பி., ஏ.ஏ. ஆறுமுகம், தமிழ்செல்வன், சந்திரமோகன், முனைவர் சீனிவாசன், சங்கர், கோபால், வழக்கறிஞர் கணேசன், மாதேஸ்வரன், சோமசுந்தரம், ஒன்றிய செயலாளர்கள் மாணிக்கம், வெண்ணிலா சேகர், சதீஷ்குமார், உமாசங்கர், விஜய குமார், ரத்தினவேல், ராஜேந்திரன், சக்கரவர்த்தி, மாதேஸ்வரன், மூர்த்தி, சிவராமன், மருதமுத்து, டாக்டர் செழியன், வரதராஜன், சித்தார்த்தன், அழகுவேல், மணி, பாலமுருகன், நகர செயலாளர்கள் பாலசுப்பிரமணியம், வேல்முருகன், ராமச்சந்திரன், பேரூர் செயலாளர்கள் மற்றும் சார்பு அணி நிர்வாகிகள், கழக நிர்வாகிகள், கழக முன்னோடிகள், என திரளாக கலந்து கொண்டனர்.
சேலம் கிழக்கு மாவட்ட கழக செயற்குழு கூட்டம் வாழப்பாடியில் உள்ள தளபதி மு.க.ஸ்டாலின் அறிவாலயம் கலைஞர் அரங்கில் மாவட்ட கழக அவைத் தலைவர் மு.ரா.கருணாநிதி தலைமையில் நடைபெற்றது. இக்கூட்டத்திற்கு தலைமைக் கழகப் பிரதிநிதி களான, கழக சட்டத்திட்டத் திருத்த க்குழு செயலாளர் வழக்கறிஞர் இரா.கிரிராஜன் எம்.பி, கழக தகவல் தொழில்நுட்ப அணி மாநில துணை செயலாளர் அழகிரி சதாசிவம் ஆகியோர் முன்னிலை யில் வகித்தனர். இக்கூட்டத்திற்கு சிறப்பு அழைப்பாளராக கிழக்கு மாவட்ட செயலாளர் எஸ். ஆர். சிவலிங்கம் எம். பி., கலந்து கொண்டு சிறப்புரையாற்றி னார். இக்கூட்டத்தில் தீர்மானங்கள் நிறை வேற்றப்பட்டன.
காஞ்சிபுரம் வடக்கு மாவட்டம், ஆலந்தூர் வடக்கு பகுதி, 158வது வட்டத்தைச் சேர்ந்த பெருமாள் மற்றும் திருமதி கிரிஜா பெருமாள் ஆகியோர் தங்களது செயலுக்கு வருத்தம் தெரிவித்து, மீண்டும் கழகப் பணியாற்ற அனுமதிக்குமாறு
கழகத் தலைவர்
அவர்களிடம் வைத்த கோரிக்கையினை ஏற்று, அவர்கள் மீதான ஒழுங்கு நடவடிக்கை ரத்து செய்யப்பட்டு, இன்று முதல் கழக உறுப்பினராகச் செயல்பட அனுமதிக்கப் பட்டுள்ளார்கள்.
"அண்ணா அறிவாலயம்"
சென்னை – 600 018.
நாள் : 08–09–2026.
திரு.வி.க.நகர் வடக்கு பகுதி கழக செயலாளர் செ.தமிழ் வேந்தன் தாயார் செ.முருகம்மாள் அவர்களின் முதலமாண்டு நினைவேந்தல் நிகழ்ச்சியில் தலைமை செயற்குழு உறுப்பினர் மேயர் பிரியாராஜன், தில்லை கதிரவன், பி. உதயசங்கர், பெரம்பூர் ராஜன், புல்லட் ரமேஷ், எஸ்.புஷ்பராஜ் , எம்.இசட்.அபோய், மு. சரவணன், எஃப். செபாஸ்டின், க. ஞான சேகர்,பி.ஜெகதீஷ், முகமது ரஃபி, விஜிஸ், இ.எஸ்.ரவிச்சந்திரன், குலாப், அம்ஜத், குமார் மற்றும் கழக தோழர்கள் கலந்து கொண்டு அஞ்சலி செலுத்தினர்.