சென்னை, செப்.9–
சென்னையில் மாதவரம் பகுதிக் கழகப் பொருளாளர் சி.கே.கோபால் இல்லத் திருமண விழாவில், மணமக்கள் சி.கே.ஜி.ஜெகதீஷ்- – எஸ்.சுபாஷினி என்கிற திவ்யா இணையரின் திருமணத்தை, கழக இளைஞர் அணிச் செயலாளரும் சட்டப்பேரவை எதிர்க்கட்சித் தலைவருமான உதயநிதி ஸ்டாலின் நடத்தி வைத்து சிறப்புரை ஆற்றினார்.
மணவிழாவில் மணமக்களை வாழ்த்தி பேசிய எதிர்க்கட்சித் தலைவர் உதயநிதி ஸ்டாலின் அவர்களின் உரை வருமாறு:–
இன்றைக்கு நம் மாதவரம் பகுதிக் கழகப் பொருளாளர் அண்ணன் சி.கே.கோபால் நினைவில் வாழும் அக்கா பூசாணம் ஆகியோருடைய அன்புமகன் ஜெகதீஷ், ராணிப்பேட்டை மாவட்டம், விண்டர்பேட்டை ஸ்ரீதர், திருமதி லதா ஆகியோருடைய அன்பு மகள் சுபாஷினி என்கிற திவ்யா அவர்களுக்கும், திருமணத்தை நாம் இங்கே நடத்தி வைத்திருக்கின்றோம்.
பாரம்பரியமிக்கக்
கழகக் குடும்பம்
அண்ணன் கோபால் அவர்களுடைய குடும்பம், பாரம்பரியமிக்க திராவிட முன்னேற்றக் கழகத்தின் நம் கழகக் குடும்பம். அண்ணன் கோபால் அவர்களைப் பற்றி, உங்களிடத்தில் நான் சொல்லத் தேவையில்லை. நீங்கள் அத்தனை பேரும் அவரை நன்கு அறிந்தவர்கள். கடந்த 40 ஆண்டுகளாக வார்டு பிரதிநிதியாக, வார்டு செயலாளராகப் பல்வேறு நிலைகளில் கழகப் பணியாற்றி, இன்றைக்கு மாதவரம் பகுதி கழகத்தின் பொருளாளராகச் சிறப்பாகப் பணியாற்றிக் கொண்டிருப்பவர்தான் அண்ணன் கோபால் அவர்கள்.
கழகப் பணி மட்டுமல்லாமல் நகர் மன்ற உறுப்பினராக மக்கள் பணியிலும் சிறப்பாகச் செயல்படக்கூடியவர்தான் அவர். அதுமட்டுமில்லை, கழகம் அறிவித்த அனைத்துப் போராட்டங்களிலும் பங்கேற்று, கிட்டத்தட்ட எட்டு முறை கைதாகியவர் அண்ணன் கோபால் அவர்கள். அவர் மட்டுமல்ல, அவருடைய துணைவியார் பூங்கொடி அவர்களும், இன்றைக்கு மாமன்ற உறுப்பினராகச் செயல்பட்டவர்.
இந்தத் திருமணத்தை நடத்தி வைப்பதில், எனக்குக் கூடுதல் பெருமை என்னவென்றால், மணமகன் தம்பி ஜெகதீஷ் அவர்கள் பாக இளைஞர் அணி அமைப்பாளராகச் சிறப்பாகப் பணியாற்றிக் கொண்டிருப்பவர். அவர் மட்டுமல்ல, அவருடைய சகோதரர் ராஜேஷ் இளைஞர் அணியில் வட்ட அமைப்பாளராக இருக்கின்றார். மணமகனுடைய மற்ற சகோதரர்கள் தர்மராஜ், சீனிவாசன், வீரன் இவர்கள் எல்லோருமே கழகத்திற்காக இன்றைக்கும் உழைத்துக் கொண்டிருக்கிறார்கள். இப்படி கழகக் குடும்பத்தின் மணவிழாவை நடத்தி வைப்பதில் நான் உண்மையிலேயே மிகுந்த மகிழ்ச்சியும் பெருமையும் அடைகிறேன்.
குடும்ப பாசப்
பிணைப்பு
அண்ணன் கோபால் அவர்களும், மாவட்டக் கழகச் செயலாளர் அவர்களும் என்னிடத்திலே தேதி கேட்டு வந்து, திருமண நாளை என்னிடம் குறிப்பிடும்போது, ‘சட்டப் பேரவை நடந்து கொண்டிருக்கிறது, என்னால் மாதவரம் வரைக்கும் வர முடியாது என்று சொன்னவுடன், உடனே அவர்கள் சொன்னது, நீங்கள் மாதவரம் வரைக்கும் வர வேண்டாம், நாங்கள் எல்லோரும் குறிஞ்சி இல்லத்துக்கு வந்துவிடுகிறோம், திருமணத்தை உங்களுடைய வீட்டிலேயே நடத்திக் கொடுங்கள் என்று உரிமையோடு கேட்டார்கள். அந்த அடிப்படையில்தான் இன்றைக்கு இந்தத் திருமணம் வெகு சிறப்பாக நடந்து கொண்டிருக்கிறது. இதுதான் கழக உடன்பிறப்புகள் நமக்குள் இருக்கக்கூடிய அந்த உணர்வு, குடும்ப பாசப் பிணைப்பு.
கடந்த சட்டமன்றத் தேர்தலில் நாம் வெற்றிவாய்ப்பை இழந்திருக்கிறோம். வெற்றிவாய்ப்பை இழந்தாலும், இன்றைக்கு ஒரு சிறந்த எதிர்க்கட்சியாக, ஆக்கப்பூர்வமான எதிர்க்கட்சியாக, மக்கள் மன்றத்தில் ஒவ்வொரு நாளும் கேள்வி கேட்டு, அதில் நாம் வெற்றிபெற்றுக் கொண்டிருக்கிறோம்.
‘டம்மி அரசாங்கம்’
இன்றைக்கு அமைந்திருக்கும் அரசாங்கம் எவ்வளவு பெரிய `டம்மி அரசாங்கம்’ என்று நான் உங்களுக்குச் சொல்லத் தேவையில்லை.
இன்றைக்கு ஆட்சிக்கு வந்த பிறகு, இவர்கள் கொடுத்த தேர்தல் வாக்குறுதிகளில், இதுவரைக்கும் ஒன்றையாவது நிறைவேற்றி இருக்கிறார்களா என்றால், முழுமையாக எதையுமே நிறை
வேற்றவில்லை. வெறுமனே, நம் திராவிட மாடல் ஆட்சியின் நம் தலைவர் கொண்டுவந்த திட்டங்களின் பெயர்களை மட்டுமே மாற்றி வைத்துக் கொண்டிருக்கிறார்கள்.
இன்றைக்கு அத்தனை பேரும் சட்டமன்றத்தை நேரலையில் பார்த்துக்கொண்டு இருக்கிறீர்கள். மக்கள் பிரச்சினையைப் பற்றி, நாங்கள் கேள்வி கேட்டால், அந்தக் கேள்விக்கான பதிலை, அந்த துறை சம்பந்தப்பட்ட அமைச்சர்கள் கொடுப்பதில்லை. நாம் ஒன்று கேட்டால், நாம் ஆச்சரியப்படுகிற அளவுக்கு அவர்கள் ஒரு பதிலைச் சொல்கிறார்கள். முதலமைச்சர் உட்பட எந்த அமைச்சரும் அவர்கள் துறை சம்பந்தப்பட்ட எந்தக் கேள்விக்கும் சரியான பதிலைக் கொடுப்பதில்லை.
இவர்கள் எப்படி என்றால், நமக்கு அமைந்திருக்கக்கூடிய முதலமைச்சர் அவர் வாயையே திறப்பதில்லை. இப்படித்தான் இந்த அரசாங்கம் இன்றைக்கு நடந்து கொண்டிருக்கிறது. இதையெல்லாம் புரிந்து கொண்டு, எதிர்வரும் காலங்களில் நம் கழகப் பணிகளை நாம் அமைத்துக்கொள்ள வேண்டும் என்று இந்தத் திருமண விழாவின் மூலம் உங்களையெல்லாம் நான் கேட்டுக்கொள்கிறேன்.
மணமக்களுக்கு என்னுடைய வாழ்த்துகளைத் தெரிவித்துக் கொள்கின்ற அதேநேரம், அவர்களுக்கு ஒரு வேண்டுகோளையும் வைக்கின்றேன். ஒருவரையொருவர் புரிந்து கொண்டு சுய
மரியாதையுடன் விட்டுக்
கொடுக்காமல் இணைந்து வாழ வேண்டும். அவர்களுக்குப் பிறக்கக்கூடிய குழந்தை, அது ஆண் குழந்தையாக இருந்தாலும் சரி, பெண் குழந்தையாக இருந்தாலும் சரி, ஒரு அழகான தமிழ்ப் பெயரைச் சூட்ட வேண்டும் என்று கூறிக்கொண்டு, இந்தச் சிறப்பான வாய்ப்பை அளித்த அத்தனை பேருக்கும் என் நன்றியைத் தெரிவித்து, மணமக்களுக்கு, மீண்டும் அத்தனை பேரின் சார்பாக, நம் வாழ்த்து
களைத் தெரிவித்து விடைபெறு கிறேன்.
இவ்வாறு மணமக்களை வாழ்த்தி எதிர்க்கட்சித் தலைவர் உதயநிதி ஸ்டாலின் பேசினார்.
பங்கேற்றவர்கள்
ஆறுமுகம், மாவட்ட இளைஞர் அணி அமைப்பாளர் மதன்குமார், துணை அமைப்பாளர் சீனிவாசன், கேபிள் கணேசன், மணிவண்ணன், பகுதித் துணைச் செயலாளர் மோகன், வட்டக் கழகச் செயலாளர் பிரேம்குமார், துணைச் செயலாளர் உசேன், பகுதி இளைஞர் அணி அமைப்பாளர் வினோத், மணலி ஸ்டாலின் உள்பட கழக முன்னணியினர் பலரும் கலந்துகொண்டனர்.