#Title

திருவள்ளூர் மேற்கு மாவட்ட தி.மு.க. செயற்குழுக் கூட்டம் முப்பெரும் விழாவில் பெருந்திரளாக பங்கேற்பது – கழக நிர்வாகச் சீரமைப்புப் பணிகளை விரைந்து நிறைவேற்ற தீர்மானம்! மாவட்ட கழகச் செயலாளர் திருத்தணி எஸ்.சந்திரன் சிறப்புரை! அன்னியூர் சிவா, வி.ஜி.ராஜேந்திரன், ப.அப்துல் மாலிக் பங்கேற்பு!

திருவள்ளூர், செப். 9

திருவள்ளூர் மேற்கு மாவட்ட தி.மு.க. செயற்குழுக் கூட்டம், திருவள்ளூர் மாவட்ட அவைத் தலைவர் கே.திராவிடபக்தன் தலைமையில் நடைபெற்றது.

இதில் தலைமைக் கழகப் பிரதிநிதிகளான, கழக விவசாயத் தொழிலாளர் அணி செயலாளரும் முன்னாள் சட்டமன்ற உறுப்பினருமான அன்னியூர் சிவா, மாநில இளைஞர் அணி துணைச் செயலாளர் ப.அப்துல் மாலிக் ஆகியோர் முன்னிலை வகித்தார்கள்

இதில் மாவட்ட கழகச் செயலாளர் திருத்தணி எஸ்.சந்திரன் கலந்து கொண்டு பல்வேறு ஆலோசனை வழங்கினார்,

கூட்டத்தில் பல்வேறு தீர்மானம் நிறை வேற்றப்பட்டது.

சென்னை அண்ணா அறிவாலயம் கலைஞர் அரங்கில், கழகத் தலைவர் தலைமையில் வரும் செப்டம்பர் 15ஆம் தேதி நடைபெற உள்ள திராவிட முன்னேற்றக் கழகத்தின் முப்பெரும் விழாவில், பேரறிஞர் அண்ணா பிறந்தநாள், தந்தை பெரியார் பிறந்தநாள் மற்றும் திராவிட முன்னேற்றக் கழகத்தின் பிறந்தநாள் ஆகிய மூன்று சிறப்புமிக்க நிகழ்வுகளும் ஒருங்கிணைந்து கொண்டாடப்பட உள்ளன. இவ்விழாவில் திருவள்ளூர் மேற்கு மாவட்டக் கழகத்தின் சார்பில் அனைத்து நிலை நிர்வாகிகள், அணிகளின் நிர்வாகிகள் மற்றும் கழகத் தோழர்கள் பெருந்திரளாகக் கலந்து கொள்வது என கூட்டத்தில் தீர்மானிக்கப் பட்டது.

கடந்த 22.08.2026 அன்று சென்னை அண்ணா அறிவாலயத்தில் கழகத் தலைவர் தலைமையில் நடைபெற்ற தலைமைச் செயற்குழுக் கூட்டத்தில் நிறைவேற்றப் பட்ட கழக நிர்வாகச் சீரமைப்பு தீர்மானத்தின்படி, ஒன்றிய, நகர, பேரூர் மற்றும் கிளைக் கழகங்களின் நிர்வாக அமைப்புகளை மறுசீரமைக்கும் பணிகள் தீவிரமாக நடைபெற்று வருகின்றன.

அதன்படி, தலைமைக் கழகம் அறிவித்துள்ள பிரதிநிதிகளின் முன்னிலையில் சம்பந்தப்பட்ட ஒன்றியம், நகரம், பகுதி மற்றும் கிளைக் கழகங்களின் எல்லைகளை முறைப்படுத்தி, நிர்வாகப் பகுதிகளை சீரமைக்கும் பணிகளை மேற்கொள்ள வேண்டும் என அறிவுறுத்தப்பட்டது.

குறிப்பாக, கிளைக் கழகங்கள் அமைக்கப்படும் பகுதிகளில் உள்ள வாக்காளர்களின் எண்ணிக்கையை முறையாகக் கணக்கிட்டு, ஒவ்வொரு கிளைக் கழகத்திலும் ஏறத்தாழ சமமான எண்ணிக்கையில் வாக்காளர்கள் இடம்பெறும் வகையில் பகுதிகளைப் பிரித்து புதிய நிர்வாக அமைப்பை உருவாக்க வேண்டும் என வலியுறுத்தப்பட்டது. மேலும், ஏற்கனவே உள்ள கிளைக் கழகங்களின் எல்லைகள், வாக்காளர் எண்ணிக்கை, குடியிருப்பு பகுதிகள் மற்றும் உள்ளாட்சி நிர்வாக எல்லைகள் உள்ளிட்டவற்றை முறையாக ஆய்வு செய்து, எவ்வித குழப்பத்தி ற்கும் இடமின்றி சீரான முறையில் நிர்வாகப் பிரிவுகளை மேற்கொள்ள வேண்டும் என தெரிவிக்கப்பட்டது.

தலைமைக் கழகத்தால் நியமிக்கப்பட்டுள்ள பிரதிநிதிகள், சம்பந்தப்பட்ட மாவட்டக் கழக நிர்வாகிகள் மற்றும் உள்ளூர் கழக நிர்வாகிகளுடன் கலந்தாலோசித்து, இச்சீரமைப்புப் பணிகளை கண்காணித்து வழிகாட்ட வேண்டும் என்றும் அறிவுறுத்தப்பட்டது.

மறுசீரமைக்கப்பட்ட ஒன்றிய, நகர, பேருர் மற்றும் கிளைக் கழகங்களின் விவரங்களை, வாக்காளர் எண்ணிக்கையின் அடிப்படையில் முறையாகப் பிரிக்கப்பட்ட விவரங்களுடன் சம்பந்தப்பட்ட மாவட்டக் கழக நிர்வாகத்திடம் சமர்ப்பிக்க வேண்டும் என்றும், மாவட்டக் கழக நிர்வாகம் அவற்றை ஆய்வு செய்து தேவையான திருத்தங்கள் மற்றும் பரிந்துரைகளுடன்தலைமைக் கழகத்தின் கவனத்திற்கு கொண்டு செல்ல வேண்டும்என்றும் தீர்மானிக்கப்பட்டது.

கழகத்தின் அடிப்படை அமைப்பான கிளைக் கழகங்களை வலிமையானதாகவும், ஒழுங்கானதாகவும் உருவாக்குவதற்கு இந்த நிர்வாகச் சீரமைப்பு மிகவும் முக்கியத்துவம் வாய்ந்தது என்பதால், அனைத்து நிலை கழக நிர்வாகிகளும் தலைமைக் கழகத்தின் வழிகாட்டுதல்களை முழுமையாகப் பின்பற்றி, எந்தவித பாரபட்சமுமின்றி, வாக்காளர் எண்ணிக்கைக்கு இணையான முறையில் கிளைக் கழகங்களைப் பிரித்து, நிர்வாகச் சீரமைப்புப் பணிகளை விரைந்து நிறைவேற்ற வேண்டும் என கேட்டுக்கொள்ளப்பட்டது.

தமிழ்நாட்டில் மீண்டும் திராவிட மாடல் ஆட்சியை அமைத்திடவும், கழகத் தலைவரை மீண்டும் தமிழ்நாட்டின் முதலமைச்சராகப் பொறுப்பேற்கச் செய்திடவும், ஒவ்வொரு கழகத் தோழரும் அர்ப்பணிப்புடன் கழகப் பணியாற்ற வேண்டும் என கூட்டத்தில் உறுதியேற்கப்பட்டது. கழகத்தின் ஒற்றுமையையும் கட்டுப்பாட்டையும் மேலும் வலுப்படுத்தி, தலைமைக்கழகத்தின் அனைத்து அறிவுறுத்தல்களையும் முழுமையாக செயல்படுத்தி, கழகத்தின் வெற்றிப் பயணத்தை தொடர்ந்து முன்னெடுத்துச் செல்வது எனவும் தீர்மானிக்கப்பட்டது.

இவ்வாறு இக்கூட்டத்தில் ஒருமனதாக தீர்மானம் நிறை வேற்றப்பட்டது.

இக்கூட்டத்தில், தலைமைச் செயற்குழு உறுப்பினரும் முன்னாள் திருவள்ளூர் சட்டமன்ற உறுப்பினருமான வி.ஜி.இராஜேந்திரன், தலைமைச் செயற்குழு உறுப்பினர் திருத்தணி எம்.பூபதி மற்றும் மாநில, மாவட்ட நிர்வாகிகள் ஆர்.டி.இ.ஆதிசேசன், ஒ.ஏ.நாகலிங்கம், மாஸ்டர் குருதாஸ், உதயமலர்பாண்டியன், சி.ஜெயபாரதி, எம்.மிதுன்சக்ர வர்த்தி, பா.சிட்டிபாபு, எஸ்.கே.ஆதாம், எம்.கே.சுப்பிரமணி, ராஜேஷ்வரி ரவீந்திரநாத், ஒன்றிய நகர பேருர் செயலாளர்கள் கூளுர் எம்.ராஜேந்திரன், எஸ்.மகாலிங்கம், மோ.ரமேஷ், க.அரிகிருஷ்ணன், டி.மோதிலால், பிரகாஷ் ஞான ஒலி, ஆர்த்திரவி, சி.என்.சன்முகம், பெ.பழனி, ஜி.ரவீந்திரா, என்.கிருஷ்ணன், வி.வினோத் குமார், சி.ஜெ.சீனிவாசன், பி.டி.சந்திரன்,மா.இரகு, பா.சம்பத், கே.ராஜேந்தி ரன், ஏ.எல்.விஜயகுமார், டி.ஆர்.பாபு, விஜிலு, மற்றும்மாவட்டத்தின் அனைத்து அணிகளின் அமைப்பாளர்கள், துணை அமைப்பாளர்கள், வட்டச்செயலாளர்கள், கிளைச் செயலாளர்கள், முன்னாள் மற்றும் இன்னாள் உள்ளாட்சி பிரதிநிதிகள், கழகத்தொண்டர்கள் கலந்து கொண்டார்கள்.முடிவில் நகரச் செயலாளர் சி.சு.ரவிச்சந்திரன் நன்றி கூறினார்.