பணியாற்றி இருக்கிறார்கள். நாங்கள் காவல்துறை மானியத்திலே நாங்கள் நிறைய பேசியிருக்கிறோம். நீங்களே அவைக் குறிப்பிலே எடுத்துப் பார்த்தால் அவையெல்லாம் உங்களுக்குத் தெரியும்.
நீதிமன்றத்தில் விசாரணையில் இருக்கும்போது
பேரவையில் பேச இடமில்லை!
ஆனால், கண்ணியமிக்க பதிலைத்தான் அவர்கள் வழங்குவார்கள். நாங்களும் எதிர்க்கட்சியாக இருப்பவர்கள் சில குறைகளைச் சுட்டிக்காட்டித்தான் நாங்கள் பேசுவோம். அதற்குத்தான் அந்த வாய்ப்பு எங்களுக்குக் கிடைத்திருக்கிறது. எனவே, நேற்றைய தினம் முதலமைச்சர் அவர்கள் பேசுகிறபொழுது ஏறத்தாழ நாங்கள் 26 நிமிடம் அமைதி காத்தோம். அதில் ஒன்றும் மாற்றமில்லை, நீங்கள் எடுத்துப் பாருங்கள்.
பேரவைத் தலைவர் அவர்களே, எங்களுக்கு நீங்கள் தந்திருக்கிற இந்த விதிப் புத்தகத்திலே 92இ-ல், நீதிமன்ற விசாரணையில் இருக்கும் எப்பொருளின் மீதும் தன்னுடைய கருத்தைச் சொல்வதற்கு பேரவையில் குறித்துப் பேசுவதற்கு இடமில்லை என்று நீங்கள் கொடுத்திருக்கிற புத்தகத்தில்தான் எங்களுக்குக் கொடுத்திருக்கிறீர்கள்.
கண்ணியத்திற்குரிய
செயல் இல்லை!
நேற்றைய நம்முடைய முதலமைச்சர் பேசிய அந்த முழுப் பேச்சை எடுத்து நீங்கள் பார்த்தால், ஈடி (ED) வழக்கு தொடுத்திருக்கிறது, நீதிமன்றத்திலே அந்த வழக்கு இருக்கிறது. அந்த வழக்கு இருக்கிறபொழுது அவரே சொல்கிறார், ஈ.டி. அனுப்பிய ஆவணத்திலிருந்து சில தகவல்களை மக்களுக்கு எடுத்துச் சொல்லவேண்டியது அல்லவா என்று வழக்கை முழுவதும் இந்த அவையிலே அவர் படிக்கிறார். அது அவையினுடைய மரபிற்கு மீறிய செயல்தான், அது கண்ணியத்திற்குரிய செயல் இல்லை. எனவே, அது விதிக்கு உட்பட்டதாக இல்லை என்பது எங்களுடைய திராவிட முன்னேற்றக் கழகத்தினுடைய கருத்து.
ஓராண்டு காலம் மிசாவில் இருந்தவர் எங்கள் தலைவர்!
அதோடு மட்டுமல்ல, மிசா என்பது அனைவருக்கும் தெரிகிறது தமிழ்நாட்டில். அந்த மிசா என்கிற கொடுமை ஜனநாயகத்திற்கு எதிராக வந்தடைந்ததுதான் அந்தமிசா என்பது. அதிலே கிட்டத்தட்ட தமிழ்நாட்டில் 450-க்கும் மேற்பட்டோர் சிறைக்குப் போனார்கள், கைது செய்யப்பட்டவர்கள் எண்ணிக்கை ஏராளம். அந்த வகையில்தான் அன்றைக்கு இந்த ஜனநாயகத்தைக் காப்பாற்றுவதற்காக அன்றைக்கு எங்களுடைய தலைவர், முன்னாள் முதலமைச்சர் அவர்கள், 60 ஆண்டு காலத்திற்கு பொது வாழ்க்கைக்குச் சொந்தக்காரர், அவர் அந்த மிசாக் கொடுமையிலே ஆளாக்கப்பட்டு ஓராண்டு காலம் சிறையிலே இருந்தார்கள். அப்படிப்பட்ட அந்த ஜனநாயகப் போராட்டத்திலே ஜனநாயகத்தை தமிழ்நாட்டில் காப்பாற்ற வேண்டும் என்பதற்காக... அதோடு மட்டுமல்ல, நம்முடைய முதலமைச்சர் அவர்கள் கொள்கைத் தலைவர் என்றுபெரியாருடைய கொள்கையை ஏற்றுக்கொண்டிருக்கிற, அதற்குப் பின்னால் திராவிட இயக்கத்தை நடத்திக்கொண்டிருக்கிற நம்முடைய ஆசிரியர் வீரமணி அவர்கள் கூட இந்த மிசாக் கொடுமையிலே அவரோடு இருந்தார்கள்.
அடுத்து, அப்போது மார்க்சிஸ்ட் கம்யூனிஸ்ட் தோழர்களும் எங்களோடு மிசாவில் இருந்தார்கள்.
நேற்று சர்க்காரியா கமிஷனைப் பற்றி இங்கே பேசப்பட்டது. இந்த அவையிலேயே எத்தனை வருடமாக அதைப்பற்றிப் பேசிக்கொண்டிருக்கிறோம்?
இந்தியாவிற்கு புகழ்
சேர்த்தவர் மாறன்!
பேரவைத் தலைவர் அவர்களே, சர்க்காரியா கமிஷன் வந்து இந்த சட்டமன்றத்திலே பலமுறை பேசப்பட்டு, அண்ணன் கலைஞர் முதலமைச்சராக அவரே பதில் சொல்லியிருக்கிறார். அதிலிருந்தும் மறுக்க முடியாது. ஆனால், அந்த சர்க்காரியா கமிஷனைப் பற்றிப் பேசுகிறபொழுது, இந்தியாவிற்கு, உலகத்திற்கே இந்தியாவிற்குப் புகழ் சேர்த்த அண்ணன் மாறனுடைய பெயர் நேற்று இங்கே குறிப்பிடப்பட்டிருக்கிறது. பொதுவாக, வெளியில் இருக்கிற யாருடைய பெயரும் சட்டமன்றத்திலே பேசக்கூடாது, பதில் சொல்வதற்குவாய்ப்பில்லை என்பதால் பேசக்கூடாது என்றுஒரு விதியே இருக்கிறது. அதோடு மட்டுமல்லாமல் அவர் இறந்தவர், புகழ் சேர்த்தவர்.
‘இதைப்பற்றி ஒன்றும் தெரியாது’
என்று சொன்னவர் எம்.ஜி.ஆர்.!
அந்த சர்க்காரியா கமிஷன்ல என்ன நடந்தது என்று சொன்னால், அந்த கமிஷன் எல்லாம் முடிகிறபொழுது நிறைவாக சர்க்காரியா கமிஷனுடைய நீதிபதியாக இருந்த சர்க்காரியா என்ன சொன்னாரென்றால், 28 குற்றச்சாட்டுகள் சொல்லப்பட்டது. அந்த 28 குற்றச்சாட்டுகளில் விசாரணைக்குக் கூப்பிடுகிற பொழுது எம்.ஜி.ஆர் அவர்களும் விசாரணைக்குப் போகிறார். போகிறபொழுது சொன்னார், ‘எனக்கு இதைப் பற்றி எதுவுமே தெரியாது, சேலத்தில் வழக்கறிஞர் கண்ணன் என்பவர் இயக்கத்தைச் சார்ந்தவர் கொடுத்தார், அதை வைத்து நான் சொல்லிவிட்டேன், இதைப் பற்றி எனக்கு ஒன்றும் தெரியாது’ என்றுதான் சொல்லிவிட்டுவந்தார். நிறைவாக சர்க்காரியா அந்த கமிஷனை முடிக்கிற பொழுது என்ன சொன்னாரென்றால், ‘28 குற்றச்சாட்டுகள் எந்தவிதத்திலும் நிரூபிக்கப்பட வில்லை, அதனால் வழக்கு தொடர முடியாது’ என்றுதான் அவர் முடித்தார். ஒரு கமிஷன் எதற்குப் போடுகிறார்கள் என்றால், வழக்கு தொடர்வதற்கு முன்னால் ஆதாரங்கள் இருக்க வேண்டும் என்பதற்காக.
அந்த கமிஷனில் ஏதாவது ஆதாரம் இருக்கும் என்று சொன்னால்தான் அதற்குப் பின்னால் எஃப்.ஐ.ஆர் போட்டு, சார்ஜ்ஷீட் போட்டு வழக்கு போக முடியும். ஆனால், சர்க்காரியா கமிஷனில் எந்தவித ஆதாரமும் முகாந்திர மும் இல்லை, இது வழக்கு தொடர முடியாது என்று சொல்லி அவரே முடித்துவிட்டதை, இங்கே ஏதோ தவறு நடந்ததைப் போலவும்,அதிலேஏதோ நம்முடைய அண்ணன் மாறன்அவர்களைப் பற்றி... நான் கேட்கிறேன்...
அண்ணன் மாறன் அவர்களைப் பற்றிச் சொல்கிறபொழுது தனிப்பட்ட முறையில் நான் சொல்ல விரும்புவது... இன்றைக்கு இருக்கிற முதலமைச்சருக்கு மாறன் குடும்பம் மிக மிக வேண்டிய குடும்பம். அவர் கலைப்பயணத்தில் அந்த குடும்பத்தோடு இணைந்து பல திரைப்படங்களில் நடித்திருக்கிறார். ஆக, அவரை வைத்து டெல்லியிலே சென்று, அந்த குடும்பத்தை அழைத்துக்கொண்டு அண்ணன் மாறனுடைய தபால் தலையைக் கூட வெளியிட்டார்கள்.
அவைக்குறிப்பில் இருந்து
நீக்க வேண்டும்!
பேரவைத் தலைவர் அவர்களே, இந்த மாண்பு நிறைந்த சட்டமன்றத்திலே நேற்றைய தினம் முதலமைச்சர் எப்படி ஆதாரமில்லாமல் வெளியில் இருப்பவர்களைப் பற்றியெல்லாம் இங்கே குறிப்பிட்டுச் சொல்லி யிருக்கிற காரணத்தினால், நான் பேரவைத் தலைவருடைய கட்டுப்பாட்டில் இருக்கிற இந்த மாமன்றத்திலே, அவர் பேசிய அத்தனைக் குறிப்புகளும் காவல்துறை சம்பந்தப்பட்டதை நான் சொல்லவில்லை, இப்படித்
திட்டமிட்டு ஆதாரமில்லாமல், அதேநேரத்திலே வழக்குமன்றத்திலே இருந்தவைகளையும், மிசாவைப் பற்றியும், இப்படித் தனிப்பட்ட முறையிலே மாறன் போன்றவர்கள் பற்றி எல்லாம் வாசித்ததையெல்லாம் அவைக் குறிப்பிலிருந்துநீங்கள் நீக்க வேண்டும் என்று நான் அன்போடு கேட்டுக்கொள்கிறேன்.
இவ்வாறு எ.வ.வேலு பேசினார்.