சென்னை, செப். 10 –
சட்டப்பேரவையில் காவல்துறை, மீட்புப் பணிகள் துறை உள்ளிட்ட துறைகளின் மானியக் கோரிக்கை மீதான விவாதங்களுக்கு முதல்வர் விஜய் பதிலுரை அளித்தார்.
அப்போது அவர் தி.மு.க. மீது அவதூறாகவும் உண்மைக்குப் புறம்பாகவும் பல்வேறு குற்றச் சாட்டுகளை முன்வைத்தார்.
பேரவையில் இல்லாதவர்களைப் பற்றியும், நீதிமன்றத்தில் விசாரணையில் இருக்கும் வழக்குகள் பற்றியும் முதல்வர் விஜய் பேசியதை நீக்கக் கோரி
சட்டப்பேரவையில் நேற்று கழகம் சார்பில் கோரிக்கை வைக்கப் பட்டது. ஆனால், முதல்வர் விஜய் பேசிய கருத்துகளை நீக்க பேரவைத் தலைவர் மறுத்துவிட்டார்.
கழகத்தின் கோரிக்கையை வலியுறுத்திபேரவையில்தர்ணா செய்த கழக உறுப்பினர்கள் சட்டப்பேரவையில் இருந்து வலுக்கட்டாயமாகவெளியேற்றப்பட்டனர்.
இந்த நிலையில்,சென்னை - அண்ணா அறிவாலயத்தில் நேற்று மதியம் கழகத் தலைவர் மு.க. ஸ்டாலின் அவர்களிடம், சட்டப்பேரவை நிகழ்வு பற்றி செய்தியாளர்கள் கேள்வி எழுப்பினர்.
அதற்குப் பதிலளித்த கழகத் தலைவர் அவர்கள், “தமிழ்நாடு சட்டப்பேரவை மாண்போடு நடக்கிறதா? என நீங்கள் எல்லாம் கேள்வி கேட்கும் அளவுக்குத்தான் சட்டப்பேரவை நடை
பெற்றுக் கொண்டிருக்கிறது” எனத் தெரிவித்தார்.