சென்னை, செப். 10 –

சட்டப்பேரவையில் முதல்வர்பதிலுரையில் ஆதாரமில்லாத குற்றச்சாட்டுகளையும் நீதிமன்ற விசார ணையில் உள்ளதைப் பற்றியெல் லாம் பேசியதை அவைக் குறிப்பில் இருந்து நீக்க வேண்டும் என்று கழகக் கொறடா எ.வ.வேலு வைத்தகோரிக்கையை சபாநாயகர் ஏற்காதநிலையில், கழக உறுப்பினர்கள் எழுந்து முழக்கம் எழுப்பினர்.

இதையடுத்து பேரவைத் தலைவர்,அவைக் காவலர்களால் கழக உறுப்பினர்களை வெளியேற்ற உத்தரவிட்டதையடுத்து கழக உறுப்பினர்கள் குண்டுகட்டாக தூக்கி வெளியேற்றப்பட்டனர்.

இதையடுத்து தலைமைச் செயலக வளாகத்தில், சட்டமன்ற கழகக் கொறடா செய்தியாளர் களுக்கு அளித்த பேட்டி வருமாறு:–

நம்­மு­டைய எதிர்க்­கட்­சித் தலை­வர் அவர்­கள், சட்­ட­மன்­றத்­திலே மானி­யக் கோரிக்­கை­யில் பேசு­கிற பொழுது, காவல்­துறை மற்­றும் சட்ட ஒழுங்கு சம்­பந்­தப்­பட்ட செய்­தி­களை எடுத்து வைத்­தார்.

சட்டம் – ஒழுங்கு சீர்கேடு!

பதில் இல்லை!

குறிப்­பாக, தமிழ்­நாட்­டில் 550 குற்­றங்­கள் நடை­பெற்­றி­ருக்­கின்­றன; அதில் 200 கொலை­கள்நடை­பெற்­றி­ருக்­கின்­றன; 300க்-கும்மேற்­பட்ட பாலி­யல் வன்­கொ­டு­மை­கள் நடை­பெற்­றி­ருக்­கின்­றன; 8 காவல் மர­ணங்­கள் நடை­பெற்­றி­ருக்­கின்­றன; 10 ஆவ­ணக் கொலை­கள் நடை­பெற்­றி­ருக்­கின்­றன என்று, இந்த 116 நாட்­க­ளில் இவை­யெல்­லாம் நடை­பெற்­றி­ருக்­கின்­றன என எதிர்க்­கட்­சித் தலை­வர் தமிழ்­நாட்­டின் சட்ட ஒழுங்கு சீர்­கேட்­டைப் பற்­றித் தன்­னு­டைய உரை­யில் சொல்­லி­யி­ருந்­தார்.

இதற்­கெல்­லாம் நேற்று தமிழ்­நாட்­டின் முத­ல­மைச்­சர் அவர்­கள் பதில் சொல்­வார் என்று நாங்­கள்எல்­லாம் எதிர்­பார்த்­தோம். இன்­னும் சொல்­லப் போனால், முத­ல­மைச்­சர் அவர்­கள் ஏறத்­தாழ 27 நிமி­டங்­கள் பேசிக் கொண்­டி­ருந்­தார். நாங்­கள் அமை­தி­யாக அவர் பேசு­வ­தை­யெல்­லாம் கேட்­டுக்­கொண்­டு­தான் இருந்­தோம்.

நீதிமன்றத்தில் வழக்கு –

சட்டமன்றத்தில் விவாதிக்கக் கூடாது!

அந்த நிலை­யில்­தான், திட்­ட ­மிட்டு, குறிப்­பா­கச் சட்­ட­மன்ற விதி 92-இல் என்ன சொல்­கி­றது என்­றால், நீதி­மன்­றத்­தில் இருக்­கிற வழக்­கைப் பொறுத்­த­வரை சட்­ட­மன்­றத்­தில் விவா­திக்­கக் கூடாது என்று பேர­வைத் தலை­வர் கொடுத்த விதிப் புத்­த­கத்­தில் இருக்­கி­றது. ஆனால், முத­ல­மைச்­சர் அவர்­கள் ஈ.டி. பற்­றிப் பேச ஆரம்­பித்­தார். ஈ.டி-யில் நீதி­மன்­றத்­தில் இப்­படி எல்­லாம் இருக்­கி­றது என்று அந்த அஃபி­ட­விட்டை முழு­மை­யா­கப் படித்­தார். அது சட்­டப்­படி படிக்­கக் கூடாது, அதை அவர் படித்­தார்.

அதோடு மட்­டு­மல்­லா­மல், அதற்கு அடுத்­த­ப­டி­யாக ‘மிசா’ பற்றி ஆரம்­பித்­தார். மிசா­வைப் பற்­றிப் பேசு­வ­தோடு மட்­டு­மல்­லா­மல், அவர் ஏற்­க­னவே சிறந்த நடி­கர் என்­கிற கார­ணத்­தி­னால், அவ­ருக்கே உரித்­தான ‘பாடி லாங்­கு­வேஜ்’ எல்­லாம் செய்­தார். அதை­யெல்­லாம் நீங்­களே பார்த்­தி­ருப்­ பீர்­கள், அதையெல்லாம் சொல்லி நான் அதிக நேரத்தை எடுத்­துக்­கொள்ள விரும்­ப­வில்லை.

மிசாவை கொச்சைப்படுத்தும்

முதலமைச்சர்!

மிசா என்­பது நாட்­டில் அனை­ வ­ருக்­கும் தெரி­யும். ஒரு காலத்­தில் ஜன­நா­ய­கக் கொடுமை, யாரும் பேசக் கூடாது, எழு­தக் கூடாது என்ற நிலைமை இருந்த பொழுது, 60 ஆண்­டு­கால பொது வாழ்க்­கைக்­குச் சொந்­தக்­கா­ர­ரான எங்­க­ளு­டைய கழ­கத் தலை­வர் அவர்­கள் மிசாக் கொடு­மை­யில் இருந்­தார். ஆனால், மிசா­வைப் பற்­றிப் பேசி­னார்; அந்­தத் தியா­கத்­தைக் கொச்­சைப்­ப­டுத்­திப் பேசி­னார்.

அதோடு மட்­டு­மல்­லா­மல், அதற்கு அடுத்­த­ப­டி­யாக சர்க்­கா­ரியா கமி­ஷன் பற்­றிப் பேசி­னார். சர்க்­கா­ரியா கமி­ஷன் என்­பது இந்த மாமன்­றத்­தில் பல­முறை விவா­திக்­கப்­பட்டு, நம்­மு­டைய நெஞ்­ச­மெல்­லாம் நிறைந்­தி­ருக்­கும் அன்­புத் தலை­வர் அருமை அண்­ணன் கலை­ஞர் அவர்­கள் அதற்­குப் பல்­வேறு நிலை­க­ளில் பதில் சொல்­லி­யி­ருக்­கி­றார்.

ஆதாரமில்லாத

குற்றச்சாட்டு!

1972-இல் சர்க்­கா­ரியா கமி­ஷன் நடந்த பொழுது, அப்­போ­தைய கமி­ஷ­னுக்கு எம்.ஜி.ஆர். அவர்­கள் போனார். அவ­ரி­டம்­தான் கேட்­டார்­கள். ஏன் என்­றால், அன்­றைக்கு அந்­தப் புகார் கொடுத்­தது கல்­யா­ண­சுந்­த­ரம் அவர்­க­ளும், எம்.ஜி.ஆர். அவர்­க­ளும்­தான். அத­னால் கமி­ஷ­னில் விசா­ர­ணைக்கு அழைத்­தார்­கள். அவ­ரி­டம் கேட்­ட­பொ­ழுது, “எனக்கு இதைப் பற்றி ஒன்­றுமே தெரி­யாது, சேலத்­தைச் சேர்ந்த வழக்­க­றி­ஞர் கண்­ணன் என்­னி­டத்­தில் கொடுத்­துக் கொடுக்­கச் சொன்­னார், நான் கொடுத்­தேன்” என்று எம்.ஜி.ஆர். சொன்­னார்.

முரசொலி மாறன்

புகழுக்கு களங்கம் கற்பிக்கிறார்!

அவ்­வாறு சர்க்­கா­ரியா கமி­ஷனை குறிப்­பி­டு­கிற பொழுது, உலக மாநாட்­டில் இந்­தி­யா­விற்கு பெருமைச் சேர்த்த தொழில் அமைச்­ச­ராக இருந்த அண்­ணன் முர­சொலி மாற­னைப் பற்றி குறிப்­பி­டு­கி­றார். அதோடு மட்­டு­மல்ல, அவ­ரு­டைய புக­ழுக்கு களங்­கம் விளை­விக்­கும் அள­விற்கு சில வார்த்­தை­களை முத­ல­மைச்­சர் பயன்­ப­டுத்­தி­னார். இது ஒரு பக்­கம்.

அதன்­பின் சர்க்­கா­ரியா கமி­ஷன் நிறை­வ­டை­கிற பொழுது, அந்த கமி­ஷன் என்ன சொன்­னது என்­றால், “28 குற்­றச்­சாட்­டு­கள் சொல்­லப்­பட்­டது; இந்த 28 குற்­றச்­சாட்­டு­க­ளுக்­கும் எந்­த­வித முகாந்­தி­ர­மும் இல்லை; கொடுத்­த­வர்­க­ளால் நிரூ­பிக்­க­வும் முடி­ய­வில்லை. அத­னால் இதை முடித்­து­விட்­டேன்” என்று சொல்­லி­விட்­டுப் போய்­விட்­டார்­கள். கமி­ஷ­னில் ஏதா­வது ஆதா­ரம் நிரூ­பிக்­கப்­பட்­டி­ருந்­தால் அது நீதி­மன்­றத்­திற்­குப் போயி­ருக்­கும். அதில் ஒன்­றுமே இல்லை. ஆனால், அதைக் கிளப்­பு­கி­றார்­கள்.

கேள்விகளுக்கு

பதில் இல்லை!

கேட்ட கேள்வி என்ன? ‘பட்­டு­கோட்­டைக்கு வழி கேட்­டால் கொட்­டைப்­பாக்­குக்கு பதில் சொன்­னார்’ என்­பது போலத்­தான் நேற்று முத­ல­மைச்­சர் பதில் சொன்­னார்.

அதோடு என்ன சிறப்பு என்­றால், நம்­மு­டைய அருமை அண்­ணன் மாறன் அவர்­க­ளைப் பற்றி, இந்­தி­யா­வில் மட்­டு­மல்ல, உல­கத்­திற்கே தெரி­யும். அவ­ருக்கு ஒரு அஞ்­சல் தலை டெல்­லி­யில் வெளி­யிட்­டார்­கள். அந்த அஞ்­சல் தலை வெளி­யி­டு­கிற பொழுது, அந்­தக் குடும்­பத்­தைச் சார்ந்த, அன்­றைய அமைச்­ச­ராக இருந்த தயா­நிதி மாறன் அவர்­கள், இந்த முத­ல­மைச்­சரை அழைத்­துக் கொண்டு டெல்­லிக்­குச் சென்று அந்த அஞ்­சல் தலையை வெளி­யிட்­டார்.

நான் கேட்க விரும்­பு­வது, அண்­ணன் மாற­னு­டைய அஞ்­சல் தலையை வெளி­யி­டப் போனீர்­கள் அல்­லவா? அந்­தக் குடும்­பத்­தில் வந்து, அவர்­கள் முத­லா­ளி­யாக இருந்து அந்­தப் படத்­தில் நடித்து பணம் வாங்­கி­னீர்­கள் அல்­லவா நீங்­கள். இந்­தச் சூழ்­நி­லை­யில், அந்­தச் சுற்­றுச்­சூ­ழல் அஞ்­சல் தலை வெளி­யீடு நிகழ்ச்­சி­யில் கலந்து கொண்ட நீங்­கள், நேற்று அவ­ரைப் பற்றி கொச்­சைப்­ப­டுத்­திப் பேச வேண்­டிய அவ­சி­யம் என்ன?

விதிக்குப் புறம்பாக

பேசியதை நீக்க மறுப்பு!

இவை­யெல்­லாம் நாங்­கள் இன்­றைக்கு ‘பூஜ்ய நேரம்’-­இல் பேர­வைத் தலை­வ­ரைப் பார்த்து, விதிக்கு முர­ணா­கச் சட்­ட­மன்­றத்­தின் மாண்­பு­களை மீறி ஈ.டி. வழக்­கைப் பற்றி முத­ல­மைச்­சர் பேசி­யது தவறு; ஜன­நா­ய­கப் போராட்­ட­மான மிசா­வைப் பற்றி நீங்­கள் பாடி லாங்­கு­வே­ஜோடு இங்கே கொச்­சைப்­ப­டுத்­தி­யது தவறு; சர்க்­கா­ரியா கமி­ஷ­னில் எந்­தக் குற்­றச்­சாட்­டை­யும் நிரூ­பிக்க இய­லாத பொழுது, அதை எடுத்து இங்கே படித்­துக் கொண்­டி­ருப்­பது தவறு; எனவே இந்த மூன்­றை­யும் சபைக்­கு­றிப்­பில் இருந்து நீங்­கள் நீக்க வேண்­டும் என்று நாங்­கள் கேட்­டோம். ஆனால், அதை அவர்­கள் நீக்க மறுத்­து­விட்­டார்­கள்.

ரீல்ஸ் ஆட்சி

நடத்துகிறார்கள்!

நான் இன்­னொரு செய்­தி­யை­யும் இந்த இடத்­தில் சொல்ல விரும்­பு­கி­றேன். நாங்­கள் ‘ரியல்’ ஆட்சி நடத்­தி­ய­வர்­கள். திரா­விட மாடல் ஆட்­சி­யில் தமிழ்­நாட்­டின் முத­ல­மைச்­ச­ராக இருந்த என் அண்­ணன் ‘ரியல்’ ஆட்சி நடத்­தி­னார். இப்­போது ‘ரீல்’­ஆட்சி நடத்­து­கி­றார்­கள். என்ன கார­ணம் தெரி­யுமா? நேற்­றைய தினம் இதை­யெல்­லாம் பேசி ‘ரீல்’ எடுத்து விட வேண்­டும் என்­ப­தற்­காக!

நான் இன்­னோர் சம்­ப­வத்­தை­யும் சொல்­கி­றேன். நான்கு நாட்­க­ளுக்கு முன்­னால் சபா­நா­ய­கர் ஆச­னத்­தில் ஒரு மாற்­றுத் தலை­வரை உட்­கார வைக்­கி­றார்­கள். சத்­தி­ய­பாமா என்­கிற சட்­ட­மன்ற உறுப்­பி­னரை மாற்­றுத் தலை­வ­ராக உட்­கார வைத்­தி­ருக்­கி­றார்­கள். என்ன ‘ரீல்ஸ்’ போட்­டார்­கள் தெரி­யுமா? “இது­வ­ரைக்­கும் சபா­நா­ய­கர் ஆச­னத்­தில் பெண்­களே உட்­கார்ந்­ததே இல்லை” என்று ரீல்ஸ் போட்­டார்­களா, இல்­லையா?

ஆனால் உண்மை நிலைமை என்ன? இதற்கு முன்­னால் அக்கா பொன்­னம்­மாள் என்று சொல்­லப்­ப­டு­கிற காங்­கி­ரஸ் தலைவி உட்­கார்ந்­தி­ருக்­கி­றார், யசோதா உட்­கார்ந்­தி­ருக்­கி­றார், இன்­னும் சொல்­லப்­போ­னால் பொது­வு­டைமை இயக்­கத்­தைச் சேர்ந்த கன்­னி­யா­கு­ம­ரி­யைச் சேர்ந்த லீமா­ரோஸ் அவர்­கள் உட்­கார்ந்­தி­ருக்­கி­றார்­கள் எனப் பல வர­லா­று­கள் உண்டு.

எனவே, நேற்­றைய சம்­ப­வம் என்­பது, ‘ரீல்ஸ்’ தயா­ரிப்­ப­தற்­காக போடப்­பட்­டதே ஒழிய, எங்­க­ளு­டைய நியா­ய­மான கேள்­வியை நாங்­கள் சபா­நா­ய­க­ரி­டம் கேட்­கி­றோம். அதைத் தீர்க்­கா­மல், ஜன­நா­யக ரீதி­யாக கேட்­டதை இன்­றைக்கு அவர் மறுத்து, காவல்­துறை நண்­பர்­களை வைத்து எங்­களை பல­வந்­த­மா­கத் தூக்கி வெளியே போட்­டி­ருக்­கி­றார்­கள். இது­தான் நடந்து முடிந்த வர­லாறு.

மேலும் சபாநாயகர் அவர்கள் நடுநிலையாகச் செயல்படாமல், இன்றைக்கு கெடுபிடியாக அவர் சர்வாதிகாரப் போக்கை கடைப் பிடித்து எங்களை வந்து தூக்கிப் போட்டது அவருடைய சர்வாதிகா ரத்தின் உச்சம். சட்டமன்றத்தினு டைய ஜனநாயகம் இன்றைக்கு கெட்டுப்போய் இருக்கிறது. அதை கேட்டதன் அடிப்படையில் தான் இன்றைக்கு எங்களை தூக்கிப் போட்டிருக்கிறார்கள்.

இவ்வாறு கழக கொறடா எ.வ. வேலு பேட்டியளித்தார்.