சென்னை, செப். 10 –

சட்டமன்றத்தில் காவல் துறை மானிய கோரிக்கை யில் பேசிய முதலமைச்சரின் சட்டமன்ற விதிகளுக்கு முரணான பேச்சுகளைசபாநாயகர் அவை குறிப்பில்இருந்து நீக்க மறுத்ததை கண்டித்து மனிதநேய மக்கள் கட்சி சட்டமன்ற உறுப்பினர் ஜவாஹிருல்லா அவையில் இருந்து வெளி நடப்பு செய்தார்.

அவைக்கு வெளியே அவர் செய்தியாளர்களிடம் கூறியதாவது:–

நேற்று முன்தினம் நடை பெற்ற சட்டமன்ற கூட்டத் தொடரில் காவல்துறை மானிய கோரிக்கையில் பேசிய முதலமைச்சர் சொன்ன கருத்துக்கள் குறித்து தி.மு.க. சட்டமன்ற கொறடா ஏ.வ.வேலு அவர் களும், சட்டமன்ற தி.மு.க. துணைத் தலைவர் கே.என்.நேரு அவர்களுக்கும், பேசு வதற்கு இன்று வாய்ப்பு வழங்கப்பட்டது .

அப்போது அவர்கள் சர்க்காரியா கமிஷன் குறித் தும், மிசா சட்டம் குறித்தும் மறைந்த முரசொலி மாறன் அவர்கள் குறித்தும் முதலமைச்சர் அவர்கள் உண்மைக்குபுறம்பான கருத்துக்களை சட்டமன்றத்தில் பேசியிருக் கிறார். எனவே அவை சட்டப்பேரவை குறிப்பில் இருந்து நீக்க வேண்டும் என்று சட்டப்பேரவை விதிகளை சுட்டிக்காட்டி, அவைவிதிகளுக்கு முரணாக முதலமைச்சர் அவர்கள் ஆற்றிய உரையை நீக்க வேண்டும் என்று விளக்கம் அளித்தும், அதனை சபாநாயகர்அவர்கள் ஏற்றுக்கொள்ளாமல் நீக்க மாட்டேன்சபை குறிப்பில் இருந்து நீக்க மாட்டேன் என்றுசொல்வது சரியான முடிவல்ல,சபாநாயகர் சரியான முடிவு எடுக்காமல் சட்ட விதிகளுக்கு முரணாக ஒரு தலைபட்சமாக முடி வெடுத்த காரணத்தால் அதனைக் கண்டித்து நாங்கள் வெளிநடப்பு செய்துள்ளோம்.

மேலும் திருவண்ணா மலையில் பேசிய இந்திய யூனியன் முஸ்லிம் லீக் கட்சி சட்டமன்ற உறுப்பினர் பேசிய கருத்துகள் குறித்து சட்டமன்றத்தில்அமைச்சர்கள் தவறான தகவல்களைகூறி இருக்கிறார்கள்.

திருவண்ணாமலையில் இந்திய யூனியன் முஸ்லிம் லீக் கட்சி சட்டமன்ற உறுப்பினர் கூறும்போது, வெளிப்படையாகவே பணத்தைக் கொண்டு வந்து கொடுத்தார்கள் என்று அவர் சொன் னது தி.மு.க. எம்.எல்.ஏ.க்கள்அல்ல என்பது அவர் ஆற்றிய உரையை பார்க்கும் பொழுது தெரிகிறது.

ஆனால் அதனை திசை திருப்பும் போக்கில் முழு பூசணிக்காயை சோற்றில் மறைப்பது போல் அமைச் சர்கள் பேசுகிறார்கள்.

இவ்வாறு அவர் கூறினார்.