நாமக்கல், செப்.9–
நாமக்கல் மேற்கு மாவட்ட தி.மு.க. செயற் குழுக் கூட்டம், திருச்செங் கோட்டில் நாமக்கல் சாலையில் உள்ள நாமக்கல் மேற்கு மாவட்ட தி.மு.க. அலுவலகம் தளபதி அரங்கில் நடைபெற்றது. கூட்டத்தில் மாவட்ட அவைத்தலைவர் ஆர்.நடன சபாபதி தலைமை தாங்கினார்.
கூட்டத்தில் நாமக்கல் மேற்கு மாவட்ட தி.மு.க. கழகப் பொறுப்பாளரும், முன்னாள் சட்டமன்ற உறுப்பினருமானகே.எஸ்.மூர்த்தி, திருப்பத்தூர் முன்னாள் சட்டமன்ற உறுப்பினர் நல்லதம்பி மற்றும் மாநில மருத்துவ அணி இணைச் செயலாளர் டாக்டர் ஆர்.கோகுல்கிருஷ்ணன் ஆகியோர் சிறப்பு விருந்தினர்க ளாக கலந்து கொண்டு சிறப்புரை
யாற்றினர்.
கூட்டத்தில் குமார
பாளையம் தெற்கு நகர பொறுப்பாளர் ஜி.பி.எஸ். ஞானசேகரன் மறைவுக்கு மாவட்டக் கழக சார்பில் ஆழ்ந்த இரங்கல் தெரிவிக்கப்பட்டது.
சென்னை அண்ணா அறிவாலயத்தில் கழகத் தலைவரும், முன்னாள் முதல்வருமான மு.க. ஸ்டாலின் அவர்கள் தலைமையில், கழக இளைஞர் அணி செயலாளரும் சட்டமன்ற எதிர்க்கட்சித் தலைவருமான உதயநிதி ஸ்டாலின் அவர்கள் முன்னிலையில், கடந்த ஆகஸ்ட் 22-ஆம் தேதி நடைபெற்ற செயற்குழுக் கூட்டத்தில் நிறைவேற்றப் பட்ட தீர்மானங்களை ஒருமனதாக ஏற்றுக்கொள்வது,
மேலும், வருகிற 15-ஆம் தேதி பேரறிஞர் அண்ணாவின் பிறந்தநாளை முன்னிட்டு, மாவட்டத்தில்உள்ள அண்ணா திருவுருவச்சிலைகளுக்கு மாலை அணிவித்து மரியாதை செலுத்துவது உள்ளிட்ட பல்வேறுதீர்மானங்கள் நிறைவேற்றப்பட்டன.
இக்கூட்டத்தில் மாநில, மாவட்ட கழக நிர்வாகி கள், தலைமைச் செயற்குழு மற்றும் பொதுக்குழு உறுப்பினர்கள், நகர, ஒன்றிய, பேரூர் கழகச் செயலாளர்கள் மற்றும் சார்பு அணி அமைப்பாளர்கள் உள்ளிட்ட பலர் கலந்து கொண்டனர்.