சேலம், செப். 10 –
சேலம் மத்திய மாவட்டக் கழக செயற்குழு கூட்டம் 08.09.2026 செவ்வாய்க்கிழமை காலை 10.00 மணிக்கு தலைமைக் கழக பிரதிநிதி நாடாளுமன்ற மாநிலங்களவை உறுப்பினர் வழக்கறி ஞர் கிரிராஜன் தலைமையிலும், தலைமைக் கழகப் பிரதிநிதி கழகத் தகவல் தொழில்நுட்ப அணி துணை செயலாளர் அழகிரி சதாசிவம் முன்னி லையிலும் மாவட்டக் கழக அலுவலகமான ”கலைஞர் மாளிகை“யில் நடைபெற்றது.
இக்கூட்டத்தில் நிறைவேற்றப்பட்ட தீர்மானங் கள் வருமாறு:
தீர்மானம் :
2026 செப்டம்பர் 15ந் தேதி நடைபெறும் கழக முப்பெரும் விழாவில் நமது கழகத்தின் உயிரனைய கழகத் தலைவர் அவர்களால் நமது சேலம் மத்திய மாவட்டக் கழகத்தின் அவைத்தலைவர் ஜி.கே.சுபாசு பேரறிஞர் அண்ணாவிருதுக்கு தேர்வு செய்யப்பட்டுள்ளார்.
இந்த விருதினை நடைபெறக்கூடிய கழக முப்பெரும் விழாவில் நமது கழகத்தின் ஒப்பற்ற உயிரனைய கழகத் தலைவர் கரங்களால் ஜி.கே.சுபாசு பெற்றுக் கொள்ளப்போகிறார் என்பது நமது சேலம் மத்திய மாவட்டக் கழகத்திற்கு மிகுந்த பெருமை சேர்க்கின்ற வகையில் அமைந்துள்ளது.
-ஜி.கே.சுபாசு 16.10.1937 ஆண்டு பிறந்தார். இயக்கத்தின் மீதும், இயக்கக் கொள்கைகள் மீதும் மிகுந்த பற்று கொண்டிருந்த காரணமாக தன்னை 1953ம் ஆண்டு கழகத்தில் இணைத்துக் கொண்டு கழகப் பணியில் மிகத் தீவிரமாக ஈடுபட்டு பணியாற்றி வந்தார். இவர் அஞ்சாநெஞ்சம் படைத்த போர்குணம் கொண்டவராக கழகத்தில் பணியாற்றி வருகிறார். கழகத்திற்கும் கழகத் தோழர்களுக்கும் சிறு இன்னல்கள் ஏற்பட்டாலும் முதல் நபராக நின்று போராடும் குணம் கொண்டவர். இவர் 1964ஆம் ஆண்டு சேலம் மாவட்ட லாரி டிரைவர்கள் மற்றும் கிளீனர்கள் சங்கத்தின் மாவட்ட செயலாளராக பணியாற்றியுள்ளார்.
சேலம் மாநகர கழக அமைப்பாய் உருவாகும் முன்பே சேலம் நகர செயலாளராக 1969 முதல் 1976 வரை கழகப் பணியாற்றினார். மீண்டும் 1983 முதல் 2009 வரை 26 ஆண்டுகள் தொடர்ந்து மாநகர செயலாளராக பணியாற்றினார் என்பது இவரது அயராத உழைப்பிற்கு எடுத்துக்காட்டாகும்.
மேலும் 1990 ஆம் ஆண்டில் சேலம் நகர கூட்டுறவு வங்கியின் தலைவராக பொறுப்பேற்று வங்கியின் வளர்ச்சிக்கு பெரிதும் பாடுபட்டவர். சேலம் மாநகராட்சியின் முதல் துணைமேயராக 1996 முதல் 2001 வரை பொறுப்பு வகித்தார். எந்த ஒரு கழகப் பணியிலும் முழு ஈடுபாடு கொண்டு பணியாற்றி வருபவர், அதன் காரணமாக பல்வேறு பொறுப்புகளை வகித்தார்.
தென்னவர் முத்தமிழ் மன்ற செயலாளர், K.V.K சாமி நினைவு படிப்பக செயலாளர், சேலம் நகர மன்ற உறுப்பினர். கழகத் தலைவர் கலைஞர் அவர்களால் 1983ஆம் ஆண்டு சேலத்தில் நடைபெற்ற பொதுக்கூட்டத்தில் ”சுபாஷ் இனி சபாஷ்“ என்று அன்போடு பாராட்டப்பட்டவர்.
இவர் கழகத்தின் இணைந்தது முதல் பல்வேறு போராட்டங்களில் கலந்துகொண்டு சிறை சென்றுள்ளார். 1965இல் இந்தி எதிர்ப்பு போராட்டம், விலைவாசி உயர்வு எதிர்ப்பு போராட்டம், சேலம் நகர கைத்தறி போராட்டத்தில் தலைமை தாங்கி கடை அடைப்பு போராட்டம், பால் கமிஷன் அறிக்கை வெளியிட்டதையொட்டி தலைவர் கலைஞர் அவர்களின் கைது கண்டித்து போராட்டம், இலங்கை தமிழர்களுக்கான மறியல் போராட்டம், சட்ட எரிப்பு போராட் டம், 1986ஆம் ஆண்டு ராஜீவ் காந்தி கொடும்பாவி எரித்து கைதாகி மாவட்டக் கழக செயலாளர் திரு.இரா.இராஜேந்திரன் அவர்களுடன் தண்டனை கைதியாக 2வாரம் சிறை. தற்போது வரை கழகம் அறிவித்த அனைத்து போராட்டங்களிலும் கலந்து கொண்டுள்ளார்.
இவர் கழகத்தில் பல்வேறு முக்கிய பொறுப்புகளை வகித்துள்ளார். நகர செயலாளர், மாநகர செயலாளர், மாநகர அவைத் தலைவர், தலைமை செயற்குழு உறுப்பினர், தற்போது மாவட்ட அவை தலைவராக திறம்பட பணியாற்றி வருகிறார்.
இவ்வளவு சிறப்பு வாய்ந்த ஜி.கே.சுபாசு பேரறிஞர் பெருந்தகை அண்ணா, முத்தமிழறிஞர் தலைவர் கலைஞர், ஒப்பாரும் மிக்காரும் இல்லாத நமது உயிரனைய கழகத் தலைவர் அண்ணன் தளபதி அவர்கள் மீதும் மாறாபற்று கொண்டு கழகம் தான் உயிர் மூச்சு என கழகத் தலைமைக்கு விசு வாசமிக்க தொண்டனாக வீரத்தோடும், விவேகத் தோடும் பணியாற்றி வரும் செயல்வீரர் ஜி.கே.சுபாசு ஆவார்.
அவரது கழகப் பணியினை சிறப்பிக்கும் வகையில் நமது ஒப்பாரும் மிக்காரும் இல்லா கழகத் தலைவர் தளபதி அவர்கள் பேரறிஞர் அண்ணா விருதினை அவருக்கு வழங்குவதாக அறிவித்திருப்பது குறித்து சேலம் மத்திய மாவட்டக் கழகம் மிகுந்த பெருமை கொள்கிறது. கழகத் தலைவர் தாயுமானவர் அவர்களுக்கு சேலம் மத்திய மாவட்ட கழகம் நெஞ்சார்ந்த நன்றியை நன்றி பெருக்குடன் தெரிவித்துக்கொள்கிறது.
மாவட்டச் செயலாளர் டி.எம்.செல்வகணபதி எம்.பி., மாவட்ட அவைத் தலைவர் ஜி.கே.சுபாசு, துணை செயலாளர்கள் திருநாவுக் கரசு, கோமதி மற்றும் ராஜேந்திரன், மணி, தாமரைக் கண்ணன், ரகுபதி உள்ளிட்டோர்பங்கேற்றனர்.