திருவள்ளூர் செப் 10;-
திருவள்ளூர் மத்திய மாவட்ட திமுக சார்பில் ஆவடி தெற்கு மற்றும் கிழக்கு பகுதிகளில் நிர்வாகம் வாரியாக மறுசீராய்வு கலந்தாய்வு கூட்டம் நடைபெற்றது. பகுதி கழகச் செயலாளர்கள் ஜி.ராஜேந்திரன், பேபி சேகர் ஆகியோர் ஏற்பாட்டில் நடைபெற்ற இக்கூட்டத்தில், திருவள்ளூர் மத்திய மாவட்ட கழகச் செயலாளரும், முன்னாள் அமைச்சருமான ஆவடிசா.மு.நாசர் கலந்து கொண்டு நிர்வாகிகளுக்கு ஆலோசனைகளை வழங்கினார்.
கடந்த 22ம் தேதி சென்னை அண்ணா அறிவாலயத்தில் கழகத் தலைவர் தலைமையில் நடைபெற்ற தலைமைச் செயற்குழுக் கூட்டத்தில் நிறைவேற்றப் பட்ட தீர்மானத்தின்படி, கழக நிர்வாகச் சீரமைப்புப் பணிகள் தீவிரமாக நடை பெற்று வருகின்றன. சம்பந்தப்பட்ட நிர்வாகிகளு டன் கலந்தாலோசித்து கழக எல்லைகளை முறைப்படுத்த வேண்டும். குறிப்பாக, வார்டு கழகங்களை அமைக்கும்போது அந்தந்த பகுதிகளின் வாக்காளர் எண்ணிக்கையை முறையாக கணக்கி ட்டு, ஏறத்தாழ சமமான எண்ணிக்கையில் வாக்காளர்கள் இடம்பெறும் வகையில் வார்டுகளை பிரிக்க வேண்டும் என கூட்டத்தில் அறிவுறுத்தப்பட்டது.
மறுசீரமைக்கப்பட்ட நிர்வாகப் பகுதிகளின் விவரங்களை மாவட்டக் கழக நிர்வாகத்திடம் சமர்ப்பித்து, ஆய்வு செய்து தேவையான திருத்த ங்களை மேற்கொண்ட பின்னர் தலைமைக் கழகத்தின் கவனத்திற்கு கொண்டு செல்ல வேண்டும் என்றும் தெரிவிக்கப்பட்டது.
இதனைத் தொடர்ந்து பேசிய மாவட்ட கழகச் செயலாளர் சா.மு.நாசர் கூறியதாவது:
கொரோனா தொற்று கண்ணுக்குத் தெரியாமல் பரவி பொதுமக்களை அச்சுறுத்தியது போல், இன்று ஆளும் த.வெ.க. அரசும் ஆட்சிக்கு வந்தது முதல் மக்களுக்கு அச்சத்தை ஏற்படுத்தும் வகையில் செயல்பட்டு வருகிறது.
நடைபெற்ற சட்டமன்றக் கூட்டத்தொடரில் விவாதத்தில் பங்கேற்ற கழக சட்டமன்ற உறுப்பினர்கள், எதிர்க்கட்சித் தலைவர் உள்ளிட்டோர், த.வெ.க. அரசு பொறுப்பேற்ற குறுகிய காலத்திலேயே தமிழகத்தில் நடைபெற்று வரும் கொலை, கொள்ளை, போதைப்பொருள் புழக்கம் உள்ளிட்ட சட்டம்–ஒழுங்கு பிரச்னைகளை சுட்டிக்காட்டினர்.
மேலும், தமிழகத்தின் வளர்ச்சிக்கும், மக்களின் நலனுக்கும் பயனளிக்கும் திட்டங்களை அரசியல் காழ்ப்புணர்ச்சியுடன் கிடப்பில் போட்டிருப்பதையும், தேர்தல் காலத்தில் அளித்த வாக்குறுதிகளை நிறைவேற்றாத தையும் சட்டமன்றத்தில் எதிர்க்கட்சித் தலைவர் எழுப்பிய கேள்விகளுக்கும் குற்றச்சாட்டு களுக்கும் உரிய முறையில் பதிலளிக்க வேண்டிய முதலமைச்சர், அதற்கு பதிலாக பொதுக்கூட்ட மேடையில் பேசுவதுபோல் எதிர்க்கட்சித் தலைவர் மீது தனிப்பட்ட முறையில் அவதூறு பரப்பும் வகையிலும், நாகரிகமற்ற முறையிலும் பேசி வருகிறார். எனவே, கழக நிர்வாகிகள் அனைவரும் நடைபெற்று வரும் நிர்வாக மறுசீராய்வுப் பணிகளை விரைந்து முடித்து, கழகத்தின் அடிப்படை கட்டமைப்பை மேலும் வலுப்படுத்த வேண்டும். வலுவான கட்டமைப்புடன் மக்கள் பணியாற்றி, மீண்டும் திராவிட முன்னேற்றக் கழகத்தை ஆட்சியில் அமரச் செய்ய அனைவரும் முழு ஈடுபாட்டுடன் செயல்பட வேண்டும். இவ்வாறு அவர் பேசினார். இதில் தலைமை செயற்குழு உறுப்பினர் கே.ஜெ. ரமேஷ் மாவட்ட துணைச் செயலாளர் எஸ்.ஜெயபாலன், ஆவடி மேயர் உதயகுமார் மாநகர பொறு ப்பாளர் சன் பிரகாஷ் மாவட்ட இளைஞரணி அமைப்பாளர் கே.சுரேஷ்கு மார் வழக்கறிஞர் அணி அமைப்பாளர் பெ. வினோத் உள்பட திமுக நிர்வாகிகள் பங்கேற்றனர்.