சென்னை, செப். 10 –

மதுரையில் கழிவுநீர் குட்டையில் மாணவன் சடலமாக மீட்கப்பட்டுள் ளது தொடர்பாக கழக துணைப் பொதுச் செயலாளர் கனிமொழி கருணாநிதி எம்.பி. தனது சமூக வலைதளப் பதிவில் த.வெ.க. அர சில் இன்னும் எத்தனை உயிர்கள் பலியாகப் போகின்றனவோ! என்று கண்டனம் தெரிவித்துள்ளார்.

இது குறித்து கனிமொழி கருணாநிதி எம்.பி. சமூக வலைதளப் பதிவு வருமாறு:

மதுரை ஆனையூர் அருகே காணாமல் போன 11ஆம் வகுப்பு மாணவன் கழிவுநீர் குட்டையில் சடலமாக மீட்கப்பட்ட நிலையில், உடற்கூறு ஆய்வில் அவர் தாக்கப்பட்டு கொலை செய்யப்பட்ட தற்கான தடயங்கள் கிடைத்துள்ளதாக தெரிகிறது.

சட்டம் – ஒழுங்கு சீர்கேட்டை வேடிக்கை பார்த்துக் கொண்டி ருக்கும் த.வெ.க. அரசின் அலட்சியப் போக்கால் இன்னும் எத்தனை உயிர்கள் பலியாகப் போகின்றன என்ற கேள்வி எழுகிறது.

மாணவனின் மரணம் தொடர்பாக சமரசமற்ற விசாரணை நடத்தி, குற்றவாளிகள் மீது கடும் நடவடிக்கை எடுக்க வேண்டும்.

இவ்வாறு அவர் கண்டனம் தெரிவித்துள்ளார்.