சென்னை, செப்.10–
சட்டப்பேரவையில் முதல்வரின் பதிலுரையின்போது, குற்றச் சம்பவங்களுக்கு பொறுப்பேற்காத விஜய்யின் பேச்சு மற்றும் அமைச்சர் ஸ்ரீநாத், பக்கத்து மேசை மீது அணில் குஞ்சுபோல் தாவி டேபிளை தட்டிய சம்பவம் பொதுமக்களை முகம் சுளிக்க வைத்துள்ளது.
த.வெ.க. ஆட்சி பொறுப்பேற்ற 3 மாதங்களில், வரலாற்றில் இதுவரை கண்டிராத மோசமான அனுபவங்களை தமிழ்நாடு சட்டப்பேரவை கண்டு வருகிறது. கடந்த ஒரு மாதகாலமாக நடைபெற்று வரும் சட்டப்பேரவை நிகழ்வுகளில், பொதுமக்கள் சார்பில் எதிர்க்கட்சிகள் எழுப்பிய கேள்விகளுக்கு, இதுவரை ஒரு முறைகூட உரிய பதிலை ஆளுங்கட்சியான த.வெ.க. அளிக்கவில்லை என்பது அனைவருக்கும் தெரிந்த ஒன்றே.. இந்நிலையில், ஒரு மாத
காலமாக சட்டப்பேரவையில் சீட்டை தேய்த்துவிட்டுப் போன விஜய், திடீரென திங்கட்கிழமை பேசுகிறேன், அப்போது எதிர்க்கட்சிகள் ஓடிவிட வேண்டாம் என டயலாக் பேசிவிட்டு, அவர் அங்கிருந்து ஓடியது கண்டு தமிழ்நாடே சிரித்தது.
திங்கட்கிழமையும் வந்தது, சட்டப்பேரவைக்கு முதலமைச்சரும் வந்தார், ஒருமாதகாலமாக நடந்த சட்டப்பேரவையில், எதிர்க்கட்சிகள் எழுப்பிய கேள்விகளுக்கு இப்போதாவது தகுந்தபதில் சொல்வார் எனப் பார்த்தால்... மீண்டும் டைவர்சன் ரூட்டையே எடுத்தார் விஜய்... கத்தி படத்தில் நடித்தவர் என்பதாலோ தெரியவில்லை, சட்டப்பேரவையிலும் ஏதேதோ கத்திக்கொண்டே இருந்தார். ஆனால் 3 மாதங்களில் நடந்து வரும் ஏராளமான கொலை, கொள்ளை குற்றச் சம்பங்வகளுக்கு பொறுப்பேற்றதாக தெரியவில்லை. அதற்கு மாறாக, இதுவரை நடந்தசமூக விரோத சம்பவங்கள் அனைத்தும், தனிப்பட்ட விரோதம், குடும்பச் சண்டையால் நடந்த குற்றங்கள் என ஒரே போடாய் போட்டுவிட்டு, அரசுக்கும், அதற்கும் சம்மந்தமே இல்லை என்பதுபோல் பேசியது, தேர்தலுக்கு முன் வாய்சவடால் விட்ட விஜய்க்கும், இப்போதுள்ள விஜய்க்கும் உள்ள வித்தியாசத்தைமக்கள் உணரும்வகையில் இருந்தது
சட்டப்பேரவையில்234 உறுப்பினர்களுக்கும் தனித்தனி மேஜை, டேபிள், இருக்கைகள் உள்ளன. எனவே உறுப்பினர் ஒருவரின் பேச்சை வரவேற்பதாக இருந்தால், அவர்களின் டேபிளை தட்டுவதே பேரவையின் மரபாக இதுவரை இருந்தது. ஆனால், நடிகராய் இருந்து மீன்வளத்துறை அமைச்சராக உள்ள ஸ்ரீநாத்தோ, விஜய்யின் பேச்சின்போது, அணில் குஞ்சுபோல் துள்ளிக் குதித்து, தனக்கு முன்னால் இருக்கும் பெஞ்சிற்குத் தாவி டேபிளை தட்டியது பொதுமக்களை முகம் சுளிக்க வைத்துள்ளது.
மேலும், வயதில் மூத்தவர்களாக இருந்தாலும் சரி, இளையவர்களாக இருந்தாலும் சரி, சட்டப்பேரவையில் இருக்கும் அமைச்சர்களை மாண்புமிகு என்றும், எம்எல்ஏக்களை அவை உறுப்பினர் என்றும் மரியாதை அளித்து பேசுவதுதான் தமிழ்நாடு சட்டப்பேரவை இதுவரை கண்ட பாரம்பரியம்... ஆனால், டாஸ்மாக் பற்றி விஜய் பேசியபோது, திடீரென பின்னால் இருந்த மதுவிலக்குத்துறை அமைச்சர் விக்னேஷை பார்த்து, அமைச்சருக்கான மரியாதையை அளிக்காமல், உனக்குதான் தெரியுமே என ஒருமையில் பேசியதும், தமிழ்நாடு சட்டப்பேரவை
சந்தித்த மற்றொரு அரிய நிகழ்வாக அமைந்தது.
தொடர்ந்து, சம்பந்தமே இல்லாமல், பஞ்ச் டயலாக், குறைகள் சொல்வது என்பதைக் கடந்து காழ்ப்புணர்ச்சியை கொட்டுவது, சட்டையின் மேல் பட்டனை கழற்றிவிட்டு வெற்றுசவடால் விடுவது என ஆட்சி பொறுப்பேற்ற 3 மாதங்களில், தமிழ்நாடு சட்டப்பேரவையின் மாண்பை சீர்குலைத்துள்ளது விஜய் அரசு... ஒரு
எம்.எல்.ஏ. தனது தொகுதியின் பிரச்னையை கூறும் இடத்தில், அதனை காதுகொடுத்து கேட்காத ஆளுங்கட்சியினர், வாய்க்கு வந்ததையெல்லாம் பேசி வருவது கண்டு பொதுமக்கள் வேதனை அடைந்துள்ளனர்.