இ
ந்த தேர்தல் முடிவுகளுக்குப் பிறகு தமிழ் நாட்டில் பாஜக விற்கு எதிரான போர் மெல்ல த.வெ.க. வால் மழுங்கடிக்கப்பட்டு வருகிறது.
பா.ஜ.க. தான் தமிழ் நாட்டின் உரிமைகளுக்கு எதிரி என்ற எண்ணத்தை ஒரு தலைமுறையிடம் துளியும் போய் சேராமல் தி.மு.க.தான் எதிரி என்று மீண்டும் மீண்டும்
கட்டமைக்கிறார் விஜய். இது முழுக்க முழுக்க பா.ஜ.க. வின் செயல்திட்டமே. விஜய் எந்த
இடத்திலும் பா.ஜ.க.வை எதிர்க்கவில்லை. எதிர்க்கவும் மாட்டார்.
மெல்ல 3 ம் இடத்திற்கு தமிழ்த்தாய் வாழ்த்து தள்ளப்பட்டுவிட்டது
தமிழ் நாட்டிற்கு வர வேண்டிய தொழில் முதலீடுகள் பா.ஜ.க. கூட்டணி ஆளும்
ஆந்திராவுக்கு செல்லத் தொடங்கி விட்டன.
காவிரியில் நம் உரிமையை இழந்து நிற்கிறோம்.
பள்ளிவாசல்களிலும், கிறிஸ்தவ கூட்டங்களிலும் வெளிப்படையாக சங் பரிவாரங்கள் மிரட்டலை தொடங்கிவிட்டன
வந்தே மாதரம் முழுமையாகப் பாடப்படுகிறது
பேரவைக்குள் பாஜக வை வேறு யாரும் கண்டித்தாலும் அது அவைக் குறிப்பில் இருந்து நீக்கப்படுகிறது…
அதே நேரம் கூட்டணிக் கட்சிகளின் பா.ஜ.க. எதிர்ப்பு எந்த வகையிலும் இந்தியா
கூட்டணிக்கு வலு சேர்த்து விடக்கூடாது என்பதிலும் தவெக மிகக் கவனமாக அரசியல் சித்து விளையாட்டை பிரதமர் வேட்பாளர் மூலம் தொடங்கி விட்டது.
பா.ஜ.க. விற்கு எதிராக தி.மு.க. போர்க்குரல் எழுப்பினால் அடுத்த நிமிடம் த.வெ.க. இன்னும் வீரியமாக திமுக மீது கணைகளை வீசும்.
விஜய்க்கு இருக்கும் சினிமா புகழ், ஊடக வெளிச்சம் , சமூக வலைதள ஆதரவால்
தி.மு.க. வின் பா.ஜ.க. எதிர்ப்புக் குரல் மறைக்கப்பட்டு விஜயின் தி.மு.க. எதிர்ப்புக் குரலே பெரிதாக்கப்படும். (எ.கா. வந்தே மாதரம் மசோதாவை தி.மு.க. கடுமையாக எதிர்த்தது. அதே சமயத்தில் த.வெ.க. தொகுதி மறுவரையறை கையில் எடுத்து திசை மாற்றியது )
2011 ல் இருந்து நான் விவாத நிகழ்ச்சிகளை நெறிப்படுத்தியுள்ளேன். கடந்த சில
ஆண்டுகளாக பங்கேற்பாளராக கலந்து கொள்கிறேன். நான் அடித்துச் சொல்கிறேன்
2012 ல் இருந்தே ( 2014 க்குப் பின் இன்னும் தீவிரமாயிற்று ) தமிழ் நாட்டில் ஒரு மாதத்தின் பெரும்பாலான வாதங்கள் பாஜக தொடர்புடையதாகவே இருக்கும்.
இந்த 3 மாதங்களில் ஊடகங்களில் பா.ஜ.க. குறித்து எத்தனை விவாதங்கள் நடந்தன? நீங்கள் பா.ஜ.க. செய்தித் தொடர்பாளர்களை கடைசியாக எப்போது டி.வி.யில் பார்த்தீர்கள் என்று சொல்லுங்கள்.
பா.ஜ.க. தொடர்பாக விவாதிக்கும் சூழல் எழும் போதெல்லாம், த.வெ.க. அதை திசைமாற்றும்
அ.தி.மு.க. பிரச்சினைகள் குறித்த விவாதங்கள் கூட பா.ஜ.க. வைச் சுற்றியே நடந்தன…
பா.ஜ.க. வைக் காப்பாற்றுவதோடு மாநிலத்தில் நிலவும் சட்டம் ஒழுங்கு சீர்கேடு, பெண்களுக்கு எதிரான குற்றங்கள், ஆணவப் படுகொலைகள், கட்டுக்கடங்காத விலைவாசி இவை அனைத்தும் திசை திருப்பப்பட்டு திமுகவின் மீதான கட்டுக்கதைகள் பேசுபொருளாகின்றன.
த.வெ.க. பா.ஜ.க. திட்டப்படியே செயல்படுகிறது.
இந்த உண்மைகள் தெரிந்ததால்தான் இடதுசாரிகள் முழுமையாக அப்பக்கம் செல்லவில்லை என்பது என் கருத்து
விசிக பொறுப்பில் இருப்போரும் நேரடியாகவும் மறைமுகமாகவும் இது குறித்து பேசி வருவதும் அறிந்ததே…
இப்போதும் புரியவில்லை என்றால் புரியும்போது எல்லாம் கை மீறிப் போயிருக்கும்
காலமே மிகச் சிறந்த ஆசிரியர்… குறித்து வைத்துக் கொள்ளுங்கள் காலம் இதை உணர்த்தும்.